UQK-niń burynǵy tóraǵasy, búginde Avstriiada turatyn Álnur Musaev avtokratiialyq júielerdiń kúireýi men aimaqtyq qaýip týraly pikir bildirdi. Ol avtoritarly bilik álsiregen saiyn repressiia kúsheietinin, al mundai rejim uzaqqa barmaitynyn aitady, dep habarlaidy Dalanews.kz.
Musaevtyń aitýynsha, bul jeke tujyrym emes, tarih dáleldegen zańdylyq.
"Eger álsiz diktatýra repressiiamen kúsheitilmese, ol ádette kúshtirek diktatýraǵa aýysady nemese revoliýtsiia, azamat soǵysyna ákeledi. Al demokratiia búgingi álemde óte sirek qubylys jáne kez kelgen halyq úshin bolashaqqa berilgen “baqyt bileti”", - deidi ol.
"Reseidi halyq emes, júieniń ózi qulatady"
Musaev Reseidiń jaqyn bolashaqta qatty kúizeliske ushyraitynyn boljady.
"Reseidi halyq emes, quldyraǵan ekonomika, bilik úshin qylmystyq jáne klanaralyq soǵystar, ortalyq álsiregen kezde aimaqtardyń qaqtyǵysy, avtonomiialyq respýblikalardyń táýelsizdik qozǵalysy kúiretedi", - deidi burynǵy basshy.
Musaevtyń sózinshe, Qazaqstan da qaýipti kezeńge jaqyndap keledi.
