قاراعاندىدا 22 جاستاعى اليكا مۋحامادييەۆاعا قاتىستى سوت پروسەسى باستالدى. وعان الەۋمەتتىك جانە ۇلتتىق ارازدىقتى تۋدىردى دەگەن ايىپ تاعىلۋدا، دەپ حابارلايدى Dalanews.kz.
قىلمىستىق ءىس بويىنشا باستى سوت وتىرىسى قازىبەك بي اۋداندىق سوتىندا باستالدى. ءىس- سوتقا 3 قازان كۇنى تۇسكەن. قاراعاندىلىق اليكا مۋحامادييەۆاعا ق ر قىلمىستىق كودەكسىنىڭ 174- بابى ، 1 بولىگى- «الەۋمەتتىك، ۇلتتىق، رۋلىق، ناسىلدىك نەمەسە ءدىني ارازدىقتى ءورشىتۋ» بويىنشا ايىپ تاعىلىپ وتىر.
سوت مالىمەتىنشە، مۋحامادييەۆا جۇك تاسىمالداۋ جانە كيىم دۇكەنى سالاسىندا كاسىپپەن اينالىسادى.
ەسكە سالساق، 2025 جىلدىڭ جازىندا Threads الەۋمەتتىك جەلىسىندە اليكا مۋحامادييەۆا سالعان پوستاردىڭ قازاقستاندىقتارعا قاتىستى قورلايتىن سوزدەر بار دەگەن شاعىمداردان كەيىن تەرگەۋ نىسانىنا اينالدى. شىلدە ايىندا ول قاماۋعا الىنىپ، ءىس ماتەريالدارى تەرگەۋ ورگاندارىنا جولدانعان بولاتىن.
كاسىپكەر بۇعان دەيىن كىناسىن ءىشىنارا مويىنداپ، ايتقان سوزدەرى كونتەكستەن ءۇزىپ الىنعانىن مالىمدەگەن ەدى. ول كوپشىلىكتەن كەشىرىم سۇراپ، ەشكىمنىڭ نامىسىنا ءتيۋدى ماقسات ەتپەگەنىن اتاپ وتكەن.
