باعدارلامانىڭ نەگىزگى باعىتتارى جوبانىڭ اتاۋىنا ساي ازىرلەنگەن. سونىڭ ىشىندە: قوقىستى سورتتاۋ، ءقاۋىپتى قالدىقتاردىڭ جەرگە سىڭۋىنە جول بەرمەۋ، اۋانىڭ ساپاسىن جاقسارتىپ، سۋ رەسۋرسىن ۇنەمدەۋدىڭ الگورتيمدەرىن ازىرلەۋ. تۇتاستاي العاندا، جاڭا قازاقستانعا اسا قاجەتتى ەكولوگيالىق مادەنيەت پەن ەكولوگيالىق سانانى قالىپتاستىرۋ.
ۇلتتىق جوباعا بولىنگەن قارجى دا قوماقتى. 2025 جىلعا دەيىن جالپى قۇنى 1 ملرد 412 ملن تەڭگە يگەرىلۋى ءتيىس. تەك بيىلعى وزىندە "جاسىل قازاقستاننىڭ" قاعيدالارىن جۇزەگە اسىرۋعا 146 ملن تەڭگە باعىتتالىپتى. كەلەسى جىلى بۇل سوما 240 ملن تەڭگەگە دەيىن وسپەك.
سمايىلوۆ ۇكىمەتىنىڭ مالىمەتى بويىنشا، ۇلتتىق جوباعا بولىنگەن قارجى دۇرىس يگەرىلىپ، باعدارلاما اياسىندا كوزدەلگەن باستامالار تولىق جۇزەگە اسسا، بۇل ەكونوميكاعا دا وڭ اسەر ەتەدى.
"جاسىل قازاقستاننىڭ" ماقساتى تولىق ورىندالار بولسا، 2025 جىلعا دەيىن 60 مىڭنان اسا جۇمىس ورنى قۇرىلادى.
ماجىلىستە وسى جوبانىڭ جۇزەگە اسۋىن ءجىتى باقىلايتىن ەكولوگيا ماسەلەسى جانە تابيعاتتى پايدالانۋ كوميتەتى بار. كوميتەت مۇشەسى ەلدوس اباقان ۇلىنىڭ ايتۋىنشا "جاسىل قازاقستاننىڭ" وزىنە دەيىنگى جوبالاردان ورنى بولەك.
"ۇلتتىق جوبانى ناقتى ينديكاتورلار بويىنشا باعالاي الامىز. "جاسىل قازاقستاندى" ازىرلەگەن تۇستا كوپشىلىكتى تولعاندىرعان ماسەلەلەردى قامتۋعا تىرىستىق. سونىڭ نەگىزىندە ەكولوگيالىق قاۋىپسىزدىك كونسەپسياسى ازىرلەندى. بۇل كونسەپسياسىنىڭ ءبىر ەرەكشەلىگى "جاسىل قازاقستاننىڭ" كومەگىمەن جاسىل ەكونوميكاعا كوشۋدە كوزدەپ وتىرمىز.
حالىقتىڭ الاڭداتقان ماسەلەنىڭ ءبىرى - اۋا تازالىعى. ۇلتتىق جوبا اياسىندا 22 قالاداعى اۋا ساپاسىن جاقسارتۋ كوزدەلگەن. قوقىس ماسەلەسى دە اكتۋالدى تاقىرىپتى ءبىرى. ەلىمىزدە ەكولوگيالىق مونيتورينگ جۇرگىزۋ ءىسى اقساپ تۇر. "جاسىل قازاقستاننىڭ" كومەگىمەن وسى ولقىلىقتى تۇزەۋگە تىرىسۋ قاجەت. اۋانىڭ ساپاسىن جاقسارتۋ ەكوپوستتاردىڭ سانىن كوبەيتۋ ماڭىزدى، سول ارقىلى اۋاداعى ۋلى گازداردىڭ كولەمىن انىقتايمىز.
البەتتە، بۇل پروبلەمانى تولىق شەشپەيدى. اۋانىڭ ساپاسىن جاقسارتۋ ءۇشىن پرەزيدەنت توقايەۆ مىندەتتەگەن 2 ملرد ءتۇپ تال وتىرعىزۋدى جەدەلدەتۋ قاجەت. بۇل دا ۇلتتىق جوبانىڭ پريوريتەتىنىڭ ءبىرى"، – دەيدى حالىق قالاۋلىسى.
بۇعان دەيىن Dalanews.kz ەلىمىزدەگى قوقىس ماسەلەسىن ءسوز ەتىپ، ونى شەشۋدىڭ جولدارىن ۇسىنعان بولاتىن.
"قوعامدا قوقىس سورتتايتىن مادەنيەت قالىپتاستىرعان ماڭىزدى. بۇل ءاربىر ازاماتتىڭ جەكە جاۋاپكەرشىلىگىندەگى دۇنيە. بۇل تۇرعىدا شۆەسيا، نورۆەگيا سەكىلدى مەملەكەتتەرگە ۇلگى الۋىمىزعا بولادى. ايتالىق، شۆەدتەردە پلاستيك بوتەلكەلەردى قابىلدايتىن جانە سونىڭ اقىسىن تولەيتىن ارنايى قۇرىلعىلار بار. بۇل تۇرعىنداردىڭ قوقىستى سورتتاپ، پلاستيك بۇيىمداردى وتكىزۋگە دەگەن ىقىلاسىن وياتادى. بۇنداي تاجىريبەنى قازاقستانعا دا ەندىرۋ قاجەت”، – دەگەن بولاتىن ەكوبەلسەندى ايمان سەكسەن قىزى.
