گۋانچجوۋدان الماتىعا كەلە جاتقان ۇشاقتا وتىرعان جولاۋشى قايتىس بولدى، دەپ حابارلايدى Dalanews.kz.
بۇل اقپاراتتى كولىكتەگى پوليسيا دەپارتامەنتى راستادى. قازىرگى ۋاقىتتا بۇل دەرەك بويىنشا الماتى قالاسى اۋەجايىنداعى جەلىلىك پوليسيا بولىمىمەن قىلمىستىق ءىس قوزعالدى.
الدىن الا ءولىم سەبەبى – سوزىلمالى اۋرۋ. وقيعانىڭ ءمان-جايى انىقتالىپ جاتىر. ونىڭ ناتيجەسى بويىنشا پروسەسسۋالدىق شەشىم قابىلداناباق.
ق ر قپك-نىڭ 201-بابىنا سايكەس وزگە اقپارات جاريالاۋعا جاتپايدى.
ەسكە سالايىق، بۇعان دەيىن SCAT اۋە رەيسىندە جولاۋشى كوز جۇمعانى حابارلانعان ەدى. اقتوبە – الماتى باعىتىنداعى SCAT اۋە كومپانياسىنىڭ رەيسى كەزىندە ءبىر جولاۋشىنىڭ جاعدايى كۇرت ناشارلاعان. اۋەكومپانيانىڭ حابارلاۋىنشا، وعان ءبىرىنشى بولىپ بورتسەرىكتەر كومەكتەسكەن. سونداي-اق، ۇشاقتا بولعان كارديولوگ-دارىگەر دە العاشقى كومەك كورسەتۋگە قاتىسىپ، رەانيماسيالىق شارالار جۇرگىزىلگەن.
