قازاقستان الداعى جىلدارى بازالىق مٶلشەرلەمەنٸ ەڭ كٶپ تٶمەندەتەتٸن ٶڭٸر ەلدەرٸنٸڭ بٸرٸنە اينالۋى مٷمكٸن. ازييا دامۋ بانكٸنٸڭ قىركٷيەكتەگٸ بولجامى وسىنداي ٷردٸستٸ كٶرسەتٸپ وتىر, دەپ حابارلايدى dalanews.kz.
Nege.Aqsha مەلٸمەتٸنە سەيكەس, 2027 جىلدىڭ سوڭىنا دەيٸن قازاقستانداعى بازالىق مٶلشەرلەمە 2026 جىلعى 4 قىركٷيەكتەگٸ كٶرسەتكٸشپەن سالىستىرعاندا شامامەن 3,2 پايىزدىق تارماققا تٶمەندەۋٸ مٷمكٸن. بۇل – ٶڭٸردەگٸ ەڭ ٷلكەن جيىنتىق تٶمەندەۋ.
4 قىركٷيەكتە بازالىق مٶلشەرلەمە 16,25% دەڭگەيٸندە بولدى. ۇلتتىق بانك ماۋسىمنان بەرٸ مٶلشەرلەمەنٸ ٷش رەت قايتا قاراپ, 18%-دان 17%-عا, كەيٸن 16,75%-عا جەنە 16,25%-عا دەيٸن تٷسٸردٸ. ياعني وسى كەزەڭ ٸشٸندە كٶرسەتكٸش 1,75 پايىزدىق تارماققا تٶمەندەدٸ.
ازييا دامۋ بانكٸ بۇل ٷردٸس 2027 جىلى دا جالعاسۋى مٷمكٸن دەپ ەسەپتەيدٸ. وعان ەلدەگٸ ينفلياتسييالىق قىسىمنىڭ بٸرتٸندەپ بەسەڭدەۋٸ نەگٸز بولۋى ىقتيمال. بولجام بويىنشا, قازاقستانمەن قاتار ٶزبەكستاندا دا اقشا-كرەديت ساياساتىن جۇمسارتۋ جالعاسادى. وسى ەكٸ ەلدە مٶلشەرلەمەنٸڭ جيىنتىق تٶمەندەۋٸ ٶڭٸردەگٸ باسقا مەملەكەتتەرگە قاراعاندا جوعارى بولۋى مٷمكٸن.
ەگەر ادب بولجامىنداعى ستسەناريي جٷزەگە اسسا, قازاقستانداعى بازالىق مٶلشەرلەمە 2027 جىلدىڭ سوڭىندا شامامەن 13%-عا دەيٸن تٷسۋٸ ىقتيمال. دەگەنمەن بۇل كٶرسەتكٸشتٸ بانكتٸڭ ناقتى مەجەسٸ دەپ قابىلداۋعا بولمايدى. 13% – قازٸرگٸ 16,25% مٶلشەرلەمەدەن بولجانعان 3,2 پايىزدىق تارماق تٶمەندەۋدٸ الىپ تاستاۋ ارقىلى ەسەپتەلگەن شامامەن الىنعان كٶرسەتكٸش.
سونىمەن بٸرگە ادب قازاقستان ەكونوميكاسىنىڭ 2026 جىلى 4,8%, ال 2027 جىلى 4,5% ٶسەتٸنٸن بولجاپ وتىر. ورتاشا جىلدىق ينفلياتسييا بيىل 10,4%, كەلەسٸ جىلى 9,5% دەڭگەيٸندە بولادى دەگەن بولجام بار.
مٶلشەرلەمەگە قاتىستى باعالاۋ Focus Economics جيناقتاعان جٷزدەگەن ساراپشى مەن ۇيىمنىڭ بولجامدارىنا نەگٸزدەلگەن.
