Gýanchjoýdan Almatyǵa kele jatqan ushaqta otyrǵan jolaýshy qaitys boldy, dep habarlaidy Dalanews.kz.
Bul aqparatty kóliktegi politsiia departamenti rastady. Qazirgi ýaqytta bul derek boiynsha Almaty qalasy áýejaiyndaǵy Jelilik politsiia bólimimen qylmystyq is qozǵaldy.
Aldyn ala ólim sebebi – sozylmaly aýrý. Oqiǵanyń mán-jaiy anyqtalyp jatyr. Onyń nátijesi boiynsha protsessýaldyq sheshim qabyldanabaq.
QR QPK-niń 201-babyna sáikes ózge aqparat jariialaýǵa jatpaidy.
Eske salaiyq, buǵan deiin SCAT áýe reisinde jolaýshy kóz jumǵany habarlanǵan edi. Aqtóbe – Almaty baǵytyndaǵy SCAT áýe kompaniiasynyń reisi kezinde bir jolaýshynyń jaǵdaiy kúrt nasharlaǵan. Áýekompaniianyń habarlaýynsha, oǵan birinshi bolyp bortserikter kómektesken. Sondai-aq, ushaqta bolǵan kardiolog-dáriger de alǵashqy kómek kórsetýge qatysyp, reanimatsiialyq sharalar júrgizilgen.
