مونس ۋنيۆەرسيتەتٸندە (UMONS) جاستار اراسىندا كٸتاپ وقۋدى دەرٸپتەۋگە, بٸلٸمگە, مەدەنيەتكە جەنە ۇلتتىق مۇراعا دەگەن قىزىعۋشىلىقتى ارتتىرۋعا باعىتتالعان قازاقستاندىق «كٸتاپ وقيتىن ۇلت» جوباسىنىڭ تانىستىرىلىمى ٶتتٸ, دەپ حابارلايدى dalanews.kz.
كەزدەسۋگە ەكونوميكا جەنە مەنەدجمەنت فاكۋلتەتٸنٸڭ دەكانى, قازان ايىنان باستاپ تۇراقتى دامۋ جەنە قوعامدىق ٶمٸر مەسەلەلەرٸ جٶنٸندەگٸ پرورەكتور قىزمەتٸنە كٸرٸسەتٸن شانتال سكۋبو (Chantal Scoubeau), ۋنيۆەرسيتەت وقىتۋشىلارى, سونداي-اق باكالاۆريات, ماگيستراتۋرا جەنە دوكتورانتۋرانىڭ 40-تان استام ستۋدەنتٸ قاتىستى. قاتىسۋشىلارعا رەسپۋبليكالىق كٸتاپ وقۋ مارافونىنىڭ نەگٸزگٸ ماقساتتارى جەنە باستاماعا كونكۋرستان تىس فورماتتا قوسىلۋعا مٷمكٸندٸك بەرەتٸن ونىڭ جاڭا Parasat باعىتى تانىستىرىلدى.
بۇعان دەيٸن قازاقستاندا بولعان مونس ۋنيۆەرسيتەتٸنٸڭ ستۋدەنتٸ جاد شارپانتە (Jade Charpentier): «جاستار اراسىندا كٸتاپ وقۋدى ناسيحاتتاۋعا باعىتتالعان بۇل باستاما وي-ٶرٸستٸ كەڭەيتۋگە, جاڭا يدەيالار مەن مەدەنيەتتەردٸ تانىپ-بٸلۋگە, سونداي-اق قورشاعان ەلەمگە جاڭاشا كٶزقاراسپەن قاراۋعا مٷمكٸندٸك بەرەدٸ», – دەپ اتاپ ٶتتٸ.
تانىستىرىلىم زاماناۋي قازاقستانعا, ونىڭ ۇلتتىق دەستٷرلەرٸ مەن تٸلٸنە ارنالعان باعدارلامامەن جالعاستى. مونس قالاسىندا تۇراتىن وتانداستارىمىز ايگەرٸم اققۇلوۆا (Qazaq Centre) مەن اينۇر كاسەنوۆا قازاقتىڭ سالت-دەستٷرلەرٸ جەنە ولاردىڭ قوعام ٶمٸرٸندەگٸ ورنى تۋرالى ەڭگٸمەلەدٸ. اۋىزشا جەنە جازباشا اۋدارما فاكۋلتەتٸنٸڭ پوستكەڭەستٸك كەڭٸستٸكتٸ زەرتتەۋ كافەدراسىنىڭ ستۋدەنتتەرٸ قازاق تٸلٸنە ەرەكشە قىزىعۋشىلىق تانىتتى. ينتەراكتيۆتٸ ساباق بارىسىندا ولار كٷندەلٸكتٸ قولدانىستاعى سٶزدەر مەن سٶز تٸركەستەرٸن ٷيرەنٸپ, قازاق تٸلٸندە العاشقى سٶيلەمدەرٸن ايتتى. سونداي-اق ستۋدەنتتەر قازاق تٸلٸن ودان ەرٸ ٷيرەنۋگە جەنە فاكۋلتەتتە تولىققاندى قازاق تٸلٸ كۋرسىنىڭ اشىلۋىنا قىزىعۋشىلىق بٸلدٸردٸ.
دومبىرادا ەكٸ قازاق كٷيٸن ورىنداعان بەلگييالىق ستۋدەنتتەر انجەليكا مەن كساۆەنٸڭ ٶنەرٸ ەرەكشە قىزىعۋشىلىق تۋدىردى. بۇعان دەيٸن ولار الماتىدا التى ايلىق تاعىلىمدامادان ٶتٸپ, قازاقستاننىڭ مەدەنيەتٸمەن جەنە كٷندەلٸكتٸ ٶمٸرٸمەن تانىسىپ, قازاقتىڭ ۇلتتىق اسپابىن مەڭگەرە باستاعان.
مونس ۋنيۆەرسيتەتٸندە ٶتكەن جوبانىڭ تانىستىرىلىمى ونىڭ حالىقارالىق اۋديتوريياسىن كەڭەيتٸپ, بەلگييالىق ستۋدەنتتەرگە قازاقستاندى ەدەبيەت, تٸل جەنە مۋزىكا ارقىلى تانىپ-بٸلۋدٸڭ تاعى بٸر مٷمكٸندٸگٸن ۇسىندى.
