قىس مەزگىلى باستالاسا سالىسىمەن كولىكتى 5 مينۋتتان ارتىق قىزدىرعاندارعا ايىپپۇل قاراستىراتىن زاڭ نورماسى حالىقتىڭ نارازىلىعىن بۇرق ەتكىزگەن ەدى. بۇكىل ماۋسىم بويعى ءتۇرلى دەڭگەيدەگى تالقىدا اقىرىندا زاڭدا مۇنداي نورما جوعى ايان بولدى. دەگەنمەن دەپۋتاتتاردىڭ كوزىنە "تۇرعىندارعا قولايسىزدىق كەلتىرەتىن بولسا، ەلدىمەكەندەردە قوزعالتقىشى جۇمىس ىستەپ تۇرعان مەحانيكالىق كولىك قۇرالدارىنىڭ توقتاپ تۇرۋىنا تىيىم سالىنادى" دەگەن نورما وتتاي باسىلىپ، ءبارىبىر وسىعان قاتىستى ۇكىمەتكە تاعى ساۋال جولداعان. بۇعان كۇنى بۇگىن پرەمەر-مينيستردىڭ ءبىرىنشى ورىنباسارى رومان سكليار جاۋاپ بەردى، دەپ حابارلايدى Dalanews.kz.
"بۇگىنگى كۇنى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسى اياسىندا ەلدى مەكەندەردە جۇمىس ىستەپ تۇرعان قوزعالتقىشپەن توقتاپ تۇرۋ تالاپتارىن قايتا قاراۋ بويىنشا ءتيىستى جۇمىس جۇرگىزىلۋدە. وسى ماسەلە ءوزىنىڭ ءتيىستى شەشىمىن اتالعان زاڭ جوباسى شەڭبەرىندە تابادى دەپ پايىمدايمىز"، دەلىنگەن رومان سكلياردىڭ 2025 جىلعى 28 اقپاندا تىركەلگەن جاۋابىندا.
ال ساۋالدىڭ جولدانعان مەرزىمى 2025 جىلدىڭ 31 قاڭتارى دەپ كورسەتىلگەن.
ايتا كەتسەك، ەتىلگەن نورما) بۇزعانى ءۇشىن ازاماتتارعا 19 660 تەڭگە، ال قايتالاپ بۇزعانى ءۇشىن 39 320 تەڭگە مولشەرىندە ايىپپۇل قاراستىرىلاتىنىن ەسكە سالادى.
ايتا كەتسەك، دەپۋتات سەرىك ەرۋبايەۆ ماجىلىستە بۇل ماسەلەنى ءبىرىنشى بولىپ كوتەرءىپ،وڭىرلەردىڭ تەمپەراتۋرالىق رەجيمى مەن كليماتىن ەسكەرە وتىرىپ،قوسۋلى كولىككە قاتىستى نورمانى قايتا قاراۋدى سۇراعان بولاتىن. بۇدان كەيىن پارلامەنت قابىرعاسىندا دەپۋتات نرتاي ارالباي ۇلى دا وسى ماسەلەنى كوتەرگەن. بۇل رەتتە سايتىمىزدا "شترافستان" دەگەن ۇعىم پايدا بولدى: ايماعامبەتوۆ ەلدەگى ايىپپۇل ماسەلەسىن كوتەردى" دەگەن ماقالا جاريالانعان بولاتىن.
