Qys mezgili bastalasa salysymen kólikti 5 minýttan artyq qyzdyrǵandarǵa aiyppul qarastyratyn zań normasy halyqtyń narazylyǵyn burq etkizgen edi. Búkil maýsym boiǵy túrli deńgeidegi talqyda aqyrynda zańda mundai norma joǵy aian boldy. Degenmen depýtattardyń kózine "turǵyndarǵa qolaisyzdyq keltiretin bolsa, eldimekenderde qozǵaltqyshy jumys istep turǵan mehanikalyq kólik quraldarynyń toqtap turýyna tyiym salynady" degen norma ottai basylyp, báribir osyǵan qatysty Úkimetke taǵy saýal joldaǵan. Buǵan kúni búgin premer-ministrdiń birinshi orynbasary Roman Skliar jaýap berdi, dep habarlaidy Dalanews.kz.
"Búgingi kúni "Qazaqstan Respýblikasynyń keibir zańnamalyq aktilerine turǵyn úi kommýnaldyq sharýashylyq máseleleri boiynsha ózgerister men tolyqtyrýlar engizý týraly" zań jobasy aiasynda eldi mekenderde jumys istep turǵan qozǵaltqyshpen toqtap turý talaptaryn qaita qaraý boiynsha tiisti jumys júrgizilýde. Osy másele óziniń tiisti sheshimin atalǵan zań jobasy sheńberinde tabady dep paiymdaimyz", delingen Roman Skliardyń 2025 jylǵy 28 aqpanda tirkelgen jaýabynda.
Al saýaldyń joldanǵan merzimi 2025 jyldyń 31 qańtary dep kórsetilgen.
Aita ketsek, etilgen norma) buzǵany úshin azamattarǵa 19 660 teńge, al qaitalap buzǵany úshin 39 320 teńge mólsherinde aiyppul qarastyrylatynyn eske salady.
Aita ketsek, depýtat Serik Erýbaev Májiliste bul máseleni birinshi bolyp kóterip,óńirlerdiń temperatýralyq rejimi men klimatyn eskere otyryp,qosýly kólikke qatysty normany qaita qaraýdy suraǵan bolatyn. Budan keiin Parlament qabyrǵasynda depýtat Nrtai Aralbaiuly da osy máseleni kótergen. Bul rette saitymyzda "Shtrafstan" degen uǵym paida boldy: Aimaǵambetov eldegi aiyppul máselesin kóterdi" degen maqala jariialanǵan bolatyn.
