اتىراۋ وبلىسىندا تٶرت ادامنىڭ ٶلٸمٸنە قاتىستى قىلمىستىق ٸس بويىنشا سوت وتىرىسى جالعاسىپ جاتىر. بۇل ٸس بويىنشا سۇلتان سەرسەمەليەۆ ايىپتالۋشى رەتٸندە جاۋاپ بەرۋدە, دەپ حابارلايدى dalanews.kz.
كەزەكتٸ سوت وتىرىسىندا بٸرنەشە كۋەگەردەن جاۋاپ الىندى. سولاردىڭ بٸرٸ – مۇنايشى ىقشاماۋدانىنداعى ٷيٸن سەرسەمەليەۆتٸڭ وتباسىنا جالعا بەرگەن ازامات.
كۋەگەردٸڭ ايتۋىنشا, سەرسەمەليەۆتٸڭ وتباسى اتالعان باسپانانى 2023 جىلدان باستاپ جالداپ تۇرعان. ٷيدٸڭ اي سايىنعى اقىسى 50 مىڭ تەڭگە بولعان. اقشا بانك ارقىلى بەلگٸسٸز بٸر ادامنىڭ اتىنان اۋدارىلىپ وتىرعان. الايدا كۋەگەر كەيبٸر ۋاقىتتا وتباسىنىڭ بۇل ٷيدە تۇرماعانىن دا ايتتى.
ٷي يەسٸ سوتتا 2025 جىلعى 7 جەلتوقساندا سۇلتان سەرسەمەليەۆپەن سٶيلەسكەنٸن مەلٸمدەدٸ. ونىڭ سٶزٸنشە, سول كەزدە ايىپتالۋشى ەيەلٸن ەمدەتٸپ جٷرگەنٸن ايتىپ, ەندٸ ٷيدٸ جالدامايتىنىن جەتكٸزگەن.
سوت وتىرىسىندا سۋديا زارەما حاميدۋللينا كۋەگەردٸڭ تەرگەۋ كەزٸندە بەرگەن جاۋابىن وقىپ بەردٸ. وندا ٷي يەسٸنٸڭ جالعا بەرٸلگەن باسپاناعا تەك قاجەت بولعان جاعدايدا عانا بارىپ تۇرعانى ايتىلعان.
تەرگەۋدەگٸ جاۋاپقا سەيكەس, كۋەگەر سەرسەمەليەۆتٸڭ ەيەلٸن بٸر رەت قانا سىرتتاي كٶرگەن. ال بالالارىن مٷلدە كٶرمەگەنٸن جەتكٸزگەن.
"ەيەلٸ ورامالدا ەدٸ. شامامەن 27 جەلتوقساندا ٷيگە بارىپ, ەسٸك الدىنداعى تاستىڭ استىندا تۇرعان كٸلتتەردٸ الدىم. ٷيدٸڭ ٸشٸن قاراعاندا شاشىلعان زاتتار نەمەسە داقتار بايقالمادى. ٷي تازالانىپ كەتكەن", – دەلٸنگەن كۋەگەردٸڭ جاۋابىندا.
سونىمەن بٸرگە ٷي يەسٸ مەيٸتتٸ وراۋعا پايدالانىلعان كٸلەمنٸڭ ٶزٸنە تيەسٸلٸ ەمەس ەكەنٸن ايتتى. ونىڭ سٶزٸنشە, ٷي اۋلاسىنداعى دۋش ٸشٸندە ەكٸ كٷرەك پەن بٸر ايىر تۇرعان.
قازٸرگٸ ۋاقىتتا سوت پروتسەسٸ جالعاسىپ جاتىر. ٸستٸڭ تولىق مەن-جايى سوت بارىسىندا انىقتالماق.
