پاۆلوداردا ەسٸرتكٸ ساۋداسى مەن قىلمىستىق تابىستى زاڭداستىرۋ ٸسٸ بويىنشا سوت ٷكٸمٸ شىقتى, دەپ حابارلايدى dalanews.kz.
قارجىلىق مونيتورينگ اگەنتتٸگٸنٸڭ وبلىستىق دەپارتامەنتٸ جٷرگٸزگەن تەرگەۋ بارىسىندا كٷدٸكتٸ قۇرامىندا ەسٸرتكٸ بار كٶكنەر تۇقىمىن ازىق-تٷلٸك ٶنٸمٸ رەتٸندە ساتىپ كەلگەنٸ انىقتالعان.
تەرگەۋ مەلٸمەتٸنە سٷيەنسەك, بۇل ٸسكە ونىڭ جاقىن تۋىستارى دا قاتىسقان. ولار ٶنٸمدٸ جەتكٸزۋ, ساقتاۋ, بۋىپ-تٷيۋ جەنە ٶتكٸزۋ جۇمىستارىن ٶزارا بٶلٸسكەن. تاۋارلار باسقا ٶڭٸرلەردەن لوگيستيكالىق كومپانييالار ارقىلى جەتكٸزٸلٸپ, كٶكنەر تۇقىمى مەن دەمدەۋٸش رەتٸندە ساتىلعان.
تٸنتۋ كەزٸندە ەسٸرتكٸ قوسىلعان كٶكنەر تۇقىمى تەركٸلەندٸ. تٶلەمدەر قولما-قول اقشا جەنە بانك اۋدارىمدارى ارقىلى قابىلدانعان. زاڭسىز تابىسقا ۇيىمداستىرۋشى ەكٸ كٶلٸك ساتىپ الىپ, ولاردى ٷشٸنشٸ تۇلعالاردىڭ اتىنا رەسٸمدەگەن.
سوت شەشٸمٸمەن ۇيىمداستىرۋشى مەن ونىڭ ەكٸ سىبايلاسى 7 جىلعا باس بوستاندىعىنان ايىرىلدى. سونىمەن قاتار, كٶلٸكتەر مەملەكەت مەنشٸگٸنە ٶتتٸ. قۇرامىندا ەسٸرتكٸ بار 321 كەلٸ كٶكنەر تۇقىمى جويىلدى. ٷكٸم زاڭدى كٷشٸنە ەندٸ.
