ءوڭىر باسشىسى ءبىرىنشى كەزەكتە دارىگەرلەردىڭ تىركەۋىنەن ءوتىپ، دەنە قىزۋى مەن قان قىسىمىن ولشەپ تولىق مەديسينالىق تەكسەرتكەن. سودان كەيىن قاراعاندى فارماسيەۆتيكا زاۋىتىندا شىعارىلعان «سپۋتنيك-V» ۆاكسيناسىن سالدىرتتى.
– ۆاكسينادان كەيىن جارتى ساعات ارنايى بولمەدە ماماندار باقىلاۋىندا بولدىم. ءقازىر جاعدايىم جاقسى، ەشقانداي جاناما اسەرلەرى بايقالعان جوق. ماماندار ەكپە سالىنعان جەرگە سۋ تيگىزبەي، جىلى ۇستاپ، كۇتىنىپ ءارى ساقتىق شارالارىن ۇستانىپ جۇرۋگە كەڭەس بەردى، – دەدى وبلىس باسشىسى.
سونىمەن قاتار ماحامبەت دوسمۇحامبەتوۆ الەۋمەتتىك جەلىدەگى جازباسىندا جەكسەنبى كۇنگە قاراماستان كوپتەگەن اتىراۋ قالاسىنىڭ تۇرعىندارى ەمحاناعا كەلىپ، ۆاكسينا الىپ جاتقانىن كورگەنىن جازىپتى. دارىگەرلەر دە حالىقتىڭ جاس-كارى دەمەي ۆاكسينا الۋعا دەگەن بەلسەندى تۇردە الىپ جاتقانىن ايتىپتى.
