Óńir basshysy birinshi kezekte dárigerlerdiń tirkeýinen ótip, dene qyzýy men qan qysymyn ólshep tolyq medısınalyq teksertken. Sodan keıin Qaraǵandy farmasevtıka zaýytynda shyǵarylǵan «Spýtnık-V» vaksınasyn saldyrtty.
– Vaksınadan keıin jarty saǵat arnaıy bólmede mamandar baqylaýynda boldym. Qazir jaǵdaıym jaqsy, eshqandaı janama áserleri baıqalǵan joq. Mamandar ekpe salynǵan jerge sý tıgizbeı, jyly ustap, kútinip ári saqtyq sharalaryn ustanyp júrýge keńes berdi, – dedi oblys basshysy.
Sonymen qatar Mahambet Dosmuhambetov áleýmettik jelidegi jazbasynda jeksenbi kúnge qaramastan kóptegen Atyraý qalasynyń turǵyndary emhanaǵa kelip, vaksına alyp jatqanyn kórgenin jazypty. Dárigerler de halyqtyń jas-kári demeı vaksına alýǵa degen belsendi túrde alyp jatqanyn aıtypty.
