قر پرەزيدەنتٸ قاسىم-جومارت توقاەۆتىڭ تٶراعالىعىمەن ٷكٸمەتتٸڭ كەڭەيتٸلگەن وتىرىسى ٶتكەن بولاتىن. اتالعان جيىندا مەملەكەت باسشىسى بٸرقاتار تاپسىرمالار بەرٸپ, مٸندەتتەر جٷكتەگەن ەدٸ. تٷركٸستاندا وبلىس ەكٸمٸ دارحان ساتىبالدى پرەزيدەنت تاپسىرماسىنىڭ ورىندالۋى بويىنشا اپپاراتتىق جيىن ٶتكٸزدٸ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– مەملەكەت باسشىسىنىڭ تٶراعالىعىمەن ٶتكەن وتىرىستا قازاقستاننىڭ 2023 جىلعى ەلەۋمەتتٸك-ەكونوميكالىق دامۋى قورىتىندىلانىپ, الداعى كەزەڭنٸڭ نەگٸزگٸ مٸندەتتەرٸ ايقىندالدى.
كەڭەيتٸلگەن وتىرىستا پرەزيدەنتٸمٸز تٷركٸستان ٶڭٸرٸندەگٸ قۇرعاقشىلىق پەن سۋ تاپشىلىعى مەسەلەسٸن شەشۋدە سۋ ٷنەمدەۋ تەحنولوگيياسىن كەڭ اۋقىمدا ەنگٸزۋدٸ تاپسىردى.
بۇل باعىتتا سۋدى كٶپ قاجەت ەتەتٸن داقىلداردى ازايتىپ, قۇرعاقشىلىققا تٶزٸمدٸ داقىلداردى كٶبەيتۋدٸڭ قاجەتتٸلٸگٸنە توقتالدى. ەرينە, بۇل – بٷگٸنگٸ كٷن تەرتٸبٸندە تۇرعان نەگٸزگٸ مەسەلەنٸڭ بٸرٸ. مەملەكەت باسشىسىنىڭ تاپسىرمالارىن ساپالى ورىنداۋعا بار كٷشٸمٸزدٸ سالامىز, – دەگەن تٷركٸستان وبلىسى ەكٸمٸ وسى ماقساتتا تٷركٸستان وبلىسىنىڭ ارنايى ٸس-شارا جوسپارى بەكٸتٸلەتٸنٸن اتاپ ٶتتٸ.
وبلىستاعى 832 ەلدٸ مەكەننٸڭ 739-ى اۋىز سۋمەن قامتىلعان. ونىڭ ٸشٸندە قالالاردا – 99,8%, اۋىلدىق ەلدٸ مەكەندەردە – 97% قۇرايدى. 2024 جىلى 47 نىساننىڭ قۇرىلىسىنا بيۋدجەتتەن 13,3 ملرد تەڭگە بٶلٸندٸ. سونىڭ ٸشٸندە, بيىل 37 نىسان اياقتالادى, قالعان 10 نىسان 2025 جىلعا ٶتپەلٸ. نەتيجەسٸندە 24 ەلدٸ مەكەن اۋىز سۋمەن قامتىلادى, 13 ەلدٸ مەكەننٸڭ توزىعى جەتكەن سۋ قۇبىرلارى قايتا جاڭارتىلادى.
وبلىس ەلدٸ مەكەندەرٸن 100% اۋىز سۋمەن قامتاماسىز ەتۋ ماقساتىندا, «تٷركٸستان وبلىسى بويىنشا اۋىز سۋمەن قامتاماسىز ەتۋدٸڭ 2023-2025 جىلدارعا ارنالعان ٸس-شارا جوسپارى» بەكٸتٸلدٸ. جوسپارعا سەيكەس, وبلىستاعى 93 ەلدٸ مەكەندٸ (53,3 مىڭ حالىق) اۋىز سۋمەن قامتاماسىز ەتۋ جوسپارلانۋدا. ٶڭٸر باسشىسى سۋارمالى سۋدىڭ جايىن دا جٸتٸ قاداعالاۋدى تاپسىردى. تٷركٸستان وبلىسىنىڭ اۋىل شارۋاشىلىعى رەسپۋبليكادا ەرەكشە ورىن الادى. كليماتتىڭ ورنالاسۋ, جۇمىس كٷشٸ تۇرعىسىندا وبلىس اگارالىق سالانى دامىتۋعا ەلٸمٸزدەگٸ ەڭ قولايلى ٶڭٸر بولعاندىقتان, اۋىل شارۋاشىلىعى جالپى ٶنٸمٸنٸڭ 13,3 %-ى وبلىسقا تيەسٸلٸ بولىپ وتىر.
سونىمەن قاتار ينۆەستيتسييا تارتۋ, جۇمىس ورىندارىن اشۋ ٶڭٸردٸڭ باستى باعىتى ەكەنٸ بەلگٸلٸ. ٶتكەن جىلدىڭ قورىتىندىسىمەن ٶڭٸر ەكونوميكاسىنا 972 ملرد تەڭگە ينۆەستيتسييا تارتىلىپ, الدىڭعى كەزەڭمەن سالىستىرعاندا 126,1%-عا ارتتى. ٶسٸم ديناميكاسى بويىنشا ەلٸمٸز بويىنشا ٷزدٸك ٷشتٸكتەر قاتارىندا.
ٷكٸمەتپەن بەكٸتٸلگەن جوسپار ارتىعىمەن ورىندالدى. سونداي-اق بىلتىر تٷركٸستان وبلىسىندا 126,9 ملرد. تەڭگەگە 56 ينۆەستيتسييالىق جوبا ٸسكە قوسىلدى. الداعى ٷش جىلدا اگروٶنەركەسٸپ, ماشينا جاساۋ, بٸلٸم جەنە دەنساۋلىق, ٶنەركەسٸپ جەنە قۇرىلىس, تۋريزم مەن ەنەرگەتيكا سالالارىن قامتۋ جوسپارلانۋدا.
وبلىس ەكٸمٸ «جايلى مەكتەپ» پيلوتتىق جوباسىنا قاتىستى پرەزيدەنت جٷكتەگەن تاپسىرمانى جەرگٸلٸكتٸ جەردە ورىنداۋ ٷشٸن جۇمىلا جۇمىس ٸستەۋ قاجەتتٸگٸن ايتتى. ٶڭٸردە وسى جوبانى جٷزەگە اسىرۋ بويىنشا ارنايى شتاب قۇرىلىپ, جوسپار بەكٸتٸلگەن.
جۋىردا دارحان ساتىبالدى جايلى مەكتەپتەردٸڭ قۇرىلىسى مەن جابدىقتاۋىنا جاۋاپتى كومپانييالاردىڭ باسىن قوسىپ, اۋقىمدى جيىن ٶتكٸزبەك. مەسەلە تۇراقتى باقىلاۋعا الىنعان. ٶڭٸردە وسى جوبا اياسىندا 63 مەكتەپ سالىنادى.
بيىل تٷركٸستان قالاسى تٷركٸ ەلەمٸنٸڭ تۋريستٸك استاناسى اتانىپ وتىر. بۇل شەشٸم تٷركٸتٸلدەس ەلدەردٸڭ تۋريزم باعىتىنداعى قارىم-قاتىناسىن نىعايتۋعا ايرىقشا سەرپٸن بەرەتٸنٸن تٸلگە تيەك ەتكەن وبلىس ەكٸمٸ سالا باسشىلارىنا بٸرقاتار مٸندەتتەر جٷكتەدٸ. تۋريزم باعىتىندا ينۆەست جوبالار ارتتىرۋدى تاپسىردى. سونىمەن قاتار الداعى ۋاقىتتا تٷركٸستان وبلىسىندا تاريحي-تانىمدىق تۋريزمٸنەن بٶلەك, ەمدٸك-ساۋىقتىرۋ جەنە ەكولوگييالىق تۋريزم باعىتى دا جاندانباق.
