قازاقستاندا تۇرعىندار ءۇشىن اۋىز سۋدىڭ ءتاريفىن بەلگىلەۋدىڭ جاڭا ەرەجەلەرى ەنگىزىلدى. ەندى جەرگىلىكتى اتقارۋشى ورگاندار سۋدىڭ باعاسىن ءوز بەتىنشە بەكىتە الادى، دەپ حابارلايدى Dalanews.kz.
بۇل تۋرالى يندۋستريا جانە قۇرىلىس مينيسترلىگىنە قاراستى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ ءتوراعاسى باقىتجان جۇنىسبەكوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ايتتى.
ونىڭ سوزىنشە، سۋ كودەكسىنە سايكەس، ەندى وبلىستىق جانە قالالىق ءماسليحاتتار ءبىر تەكشە مەتر اۋىز سۋعا تولەنەتىن اقى مولشەرىن وزدەرى بەلگىلەي الادى.
بۇل رەتتە وڭىرلەر الەۋمەتتىك-ەكونوميكالىق دامۋ دەڭگەيىن جانە قولدانىستاعى تاريفتەردى ەسكەرۋى ءتيىس.
«قازىرگى ۋاقىتتا جەرگىلىكتى اتقارۋشى ورگاندار حالىق ءۇشىن سۋدىڭ قۇنىن ايقىنداۋ بويىنشا جۇمىس جۇرگىزىپ جاتىر»، - دەدى جۇنىسبەكوۆ.
كوميتەت ءتوراعاسى سۋدى شامادان تىس پايدالانعان جاعدايدا تولەم مولشەرى وسەتىنىن دە ەسكە سالدى.
نورما بويىنشا، ءبىر ادامعا تاۋلىگىنە 140 ليتردەن ارتىق سۋ جۇمسالسا، ارتىق كولەمگە ءتاريفتىڭ 30%-ى مولشەرىندە قوسىمشا اقى الىنادى.
جاڭا جۇيە سۋ رەسۋرستارىن ۇنەمدەپ پايدالانۋ جانە تاريف ساياساتىن وڭىرلىك دەڭگەيدە يكەمدى ەتۋگە باعىتتالعان.
