"قازاقتەلەكوم" ۇلتتىق بايلانىس وپەراتورى اكسيالارىنىڭ باعاسى 15 قاڭتاردا قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا 7،1%-عا ءوسىپ، 47،64 مىڭ تەڭگە بولدى. بۇل  - اتالعان اكسيا ساۋداسى تاريحىنداعى العاشقى رەكورد. ءبىر كۇن بۇرىن عانا ۇلتتىق وپەراتور "موبايل تەلكوم-سەرۆيستى" (Tele2/Altel برەندتەرىمەن جۇمىس ىستەيدى)  ساتۋ بويىنشا مامىلەنى اياقتاعان، دەپ جازادى Dalanews.kz.

Freedom broker ساراپشىلارى ءبىرىنشى بولىپ ۇستىنە اجەپتاۋىر قۇن قوسقان باعالى قاعازعا ينۆەستورلار نازارىن اۋدارتىپ، ونى ساتىپ الۋعا كەڭەس بەرگەن. كەلەسى كۇنى، 16 قاڭتاردا "قازاقتەلەكوم" اكسيالارى 0،4%-عا ارزاندادى. ءقازىر بۇل اكسيا 47،45 مىڭ تەڭگەدەن ساۋدالانۋدا.

ۇلتتىق بايلانىس وپەراتورىنىڭ اكسيالارى باعاسىنىڭ ءوسۋى ەسەبىنەن KASE يندەكسى الدىڭعى ساۋدا كۇنىمەن سالىستىرعاندا 0،2-عا، 5772،26 تارماققا دەيىن ءوستى. سالىستىرمالى تۇردە الساق، "قازمۇنايگاز" (-1،3% - عا) جانە Kaspi.kz (-2،2 %). اكسيالارى ازداپ ارزاندادى. سونداي-اق، "قازاتومونەركاسىپتەن"  (اكسيالاردىڭ قۇنى وزگەرگەن جوق) باسقا يندەكستەلگەن بارلىق باسقا كومپانيالاردىڭ باعالى قاعازدارىنىڭ قۇنى ءوستى.

Freedom Broker ورتا مەرزىمدى پەرسپەكتيۆادا بانك سەنتركرەديت پەن Kcell-دەن باسقا بارلىق يندەكستەلگەن اكسيالاردى ساتىپ الۋعا كەڭەس بەرەدى. ال بانك قاعازدارىن، ازىرگە ۇستاي تۇرۋعا، كەرىسىنشە ۇيالى بايلانىس وپەراتورىنىكىن ساتۋ ۇسىنىلادى.

كۇنى كەشە، 14 قاڭتاردا "قازاقتەلەكوم" Pih Communication LLC ەنشىسىنە ساي "موبايل تەلەكوم-سەرۆيس" ج ش س جارعىلىق كاپيتالىنداعى قاتىسۋ ۇلەسىنىڭ 100%-ىن ساتۋ جونىندەگى مامىلەنى تۇيىندەدى. وسىلايشا  Tele2/Altel برەندتەرىمەن جۇمىس ىستەيتىن متس ءموبيلدى وپەراتورى قاتارلىق كومپانياعا ساتىلدى. 2024 جىلدىڭ ماۋسىم ايىندا ءسدياوم باسشىسى جاسلان مادييەۆ مامىلە سوماسى 1 ملرد دوللار بولاتىنىن شامالادى (كەيىنىرەك بۇل سومانىڭ 1،1 ملرد دوللار ەكەنى ناقتىلاندى). سونداي-اق ساراپشىلار "قازاقتەلەكومعا" تيەسىلى Kcellء-دى  دە ساتادى دەپ بولجاعان. الايدا،كەشە، 15 قاڭتاردا وسى سيپاتتاعى ساۋالعا "قازاقتەلەكوم" "Kcell-دەگى ۇلەسىن ساتپاۋ كەرەك دەگەن ۇستانىمدا ەكەندەرىن جەتكىزدى. 

1 قازانداعى جاعداي بويىنشا، "قازاقتەلەكومنىڭ" ءىرى اكسيونەرلەرى "سامۇرىق-قازىنا" قورى (71،32%) جانە Jusan Bank (8،1%) بولىپ تابىلادى. قاڭتار-قىركۇيەك  ايلارىنىڭ قورىتىندىسى بويىنشا كومپانيانىڭ تازا پايداسى 40،5%-عا، 53،1 ملرد تەڭگەگە دەيىن قىسقاردى