“قازاقتەلەكوم” كومپانيياسىنىڭ 2025 جىلعا ارنالعان شوعىرلاندىرىلعان قارجىلىق ەسەبٸندە توپ-مەنەدجمەنتكە تٶلەنگەن سىياقى كٶلەمٸ جارييالاندى, دەپ حابارلايدى dalanews.kz.
QAMS قاۋىمداستىعى تاراتقان مەلٸمەتكە سەيكەس, نەگٸزگٸ باسقارۋشى قۇرامعا بەرٸلگەن تٶلەمدەر جالپى جەنە ەكٸمشٸلٸك شىعىستار قاتارىندا كٶرسەتٸلگەن. قۇجاتتا 2025 جىلى بۇل باعىتقا 752,2 ميلليون تەڭگەدەن استام قارجى جۇمسالعانى ايتىلعان.
وسىلايشا, كومپانييانى باسقارىپ وتىرعان باعدات مۋسين باستاعان توپ-مەنەدجەرلەردٸڭ جىلدىق سىياقىسى 752 ميلليون تەڭگەدەن اسقان.
قارجىلىق ەسەپكە سٷيەنسەك, 2025 جىلدىڭ قورىتىندىسىندا كومپانييانىڭ جالپى كٸرٸسٸ 587,2 ميلليارد تەڭگەنٸ قۇراعان. وپەراتسييالىق پايداسى 94,5 ميلليارد تەڭگە بولسا, تازا پايدا كٶلەمٸ 147 ميلليارد تەڭگەگە جەتكەن.
سونىمەن بٸرگە ەسەپتە كومپانييانىڭ قارىزدىق مٸندەتتەمەلەرٸ دە كٶرسەتٸلگەن. اتاپ ايتقاندا, قىسقا مەرزٸمدٸ نەسيەلەر مەن جەتكٸزۋشٸلەر الدىنداعى بەرەشەك كٶلەمٸ 2025 جىلدىڭ سوڭىندا شامامەن 300 ميلليارد تەڭگەنٸ قۇراعان.
