شارانىڭ شىمىلدىعىن تۇرگەن ساياساتتانۋشى ەدۋارد پولەتايەۆتىڭ ايتۋىنشا ازىرگى كۇنى وداق اياسىنداعى بارلىق ەلدەر سيفرلىق سالاسى دامىتۋعا كۇش سالۋدا. كۇنى كەشە استانادا وتكەن ەكونوميكالىق فورۋمدا بۇل ماسەلەگە بارىنشا كوڭىل ءبولىندى
«مەن بىلسەم رەسەيدىڭ «سيفرلىك ەكونوميكا» باعدارلاماسى 2024 جىلعا دەيىن سوزىلادى جانە دە كيبەرقاۋىپسىزدىك، ءبىلىم ساپاسى، مامان بىلىكتىلىگى، ءىت باعدارلامالار باعىتىنداعى زەرتتەۋلەر» تاقىرىبىن قامتيدى»، – دەيدى پولەتايەۆ.
ونىڭ اتاپ وتكەنىندەي كوپشىلىك سيفرلاندىرۋدىڭ سالدارىنان ءداستۇرلى كاسىپتەر جوعالىپ كەتە مە دەپ قاۋىپتەنەدى ەكەن.
«ءيا، بۇل زامان تالابى. تەحنولوگيا دامىعان سايىن ناتيجەسى تومەن ءبىرقاتار ءداستۇرلى ماماندىقتار جويىلىپ كەتۋى مۇمكىن»، – دەيدى بۇل رەتتە «ەكسپەرت-سىبىر» كومپانياسىنىڭ باس ديرەكتورى ۆيتاليي بۋكاتين.
ونىڭ ايتۋىنشا سيفرلىق ەكونوميكا 2000-شى جىلداردىڭ باسىنان باستالىپ كەتكەن. الايدا بۇل باعىتتىڭ تاۋەكەلدەرى دە كوپ كورىنەدى.
«ايتالىق سيفرلىك ەكونوميكا ءداستۇرلى بيلىك پەن ءىرى بيزنەستىڭ تۇبىنە جەتەدى دەگەن پىكىر بار. مەنىڭشە قازىرگى تاڭدا وداق اياسىنداعى ەلدەر نەگىزىنەن شەكارالىق ايماقتارداعى ارىپتەستىك ماسەلەسىنە كوبىرەك كوڭىل ءبولۋ كەرەك. ايتالىق، ومبى، ءجاڭاسىبىر وڭىرلەرىن قازاقستاننىڭ سولتۇستىك وڭىرلەرىمەن اراداعى ارىپتەستىگىن نىعايتقانىمىز ماڭىزدى. بۇل ءوز كەزەگىندە شاعىن جانە ورتا بيزنەستى دامىتۋعا جول اشادى»، – دەيدى بۋكاتين.
ال پروفەسسور، «ايلاين تەحنولوگيي» كومپانيانىڭ تەڭ ءتوراعاسى دميتريي سۆيريدەنكونىڭ پىكىرىنشە سيفرلىق ەكونوميكانىڭ نە ەكەنىن تۇسىنبەيتىندەر ءالى دە كوپ. ايتالىق، كومپيۋتەر ماماندارى مۇنى بلوكچەين، كريپتوگرافيا جانە جاساندى ينتەللەكت دەپ تۇسىنەدى.
«ءبىراق، بۇل بارلىق ادامعا قولجەتىمدى ەمەس.شىنى كەرەك سيفرلاندىرۋدىڭ ءمانى مەن مازمۇنىن ءبىزدىڭ بيلىك تە تۇسىنبەي وتىر» دەيدى.
ونىڭ ايتۋىنشا، سيفرلاندىرۋ ىسىنە كەلگەندە قازاقستان مەن رەسەي بىرلەسە قيمىلداۋى قاجەت. ەگەر ەكى ەل وزدەرىنىڭ بۇل تاراپتاعى تەحنولوگيالارىن بىرىكتىرە السا، جاقسى جەتىستىككە جەتەدى.
شارا اياسىندا وتىرىسقا كەلگەن وزگە دە ماماندار بۇل تاراپتاعى وزدەرىنىڭ وي-پىكىرلەرىن ورتاعا سالدى.
ايتالىق، PR كەڭەسشى، قازاقستان كوممۋنيكاتيۆتىك قاۋىمداستىعىنىڭ وكىلى ۆلاديمير پاۆلەنكونىڭ پىكىرىنشە، ەلىمىزدە سيفرلاندىرۋدى يندۋستريالاندىرۋ دەپ قابىلدايتىن دا بار.
