تۇڭعىش پرەزيدەنت باستاماسىمەن قۇرىلعان Birgemiz قورى وسكەمەن مەن سەمەي قالاسىنىڭ الەۋمەتتىك كومەككە مۇقتاج تۇرعىندارىنا 50 مىڭ تەڭگە كولەمىندە كومەك كورسەتتى دەپ حابارلايدى Dalanews.kz. 

وسىلايشا شىعىس قازاقستان وبلىسىنىڭ قوس قالاسىنداعى كومەككە مۇقتاج جاندارعا 620 ملن تەڭگەنىڭ كومەگى كورسەتىلدى.

ءوز كەزەگىندە  Nur Otan پارتياسى شقو فيليالى ءتوراعاسىنىڭ ورىنباسارى ولەگ چۋگۋنكوۆ Birgemiz شاراسى اياسىندا كومەككە ەكى قالاداعى تۇرمىسى تومەن ازاماتتار يە بولعانىن العا تارتتى.

ولاردىڭ اراسىندا كوپبالالى جانە از قامتىلعان وتباسىلار مەن ايرىقشا كۇتىمدى قاجەتسىنەتىن بالالاردى تاربيەلەپ وتىرعان وتباسىلار بار. سونىمەن قاتار مۇگەدەكتەر مەن زەينەت جاسىنداعى ادامدار، جەتىمدەر، ۇلى وتان سوعىسىنىڭ ارداگەرلەرى، تىل ەڭبەككەرلەرى دە قارجىلاي كومەككە الدى.

وسكەمەندە 50 مىڭ تەڭگە اقشالاي كومەكتى 5005 ادام السا، سەمەيدە ءدال وسىنداي كومەككە 7414 ادام قول جەتكىزگەن.

قارجىلاي كومەك ەكىنشى دەڭگەيلى بانكتەر ارقىلى مۇقتاج جانداردىڭ جەكە كارتالارى مەن ەسەپشوتتارىنا اۋدارىلعان.

وسى رەتتە Birgemiz شاراسى اياسىندا كورسەتىلگەن قارجىلاي كومەكتەن بانكتەر كوميسسيا ۇستامادى. كومەككە مۇقتاج جانداردىڭ بانكتەر الدىندا قاندايدا ءبىر نەسيەلىك بەرەشەگى بولسا دا، Nur Otan پارتياسى كورسەتكەن قولداۋدان ءبىر تيىندا الىنباعانىن ايتا كەتۋىمىز كەرەك.

وسكەمەن قالاسىنىڭ تۇرعىنى مارجان بادىعانوۆا ۇيالى تەلەفونىنان «ءسىزدىڭ ەسەپ-شوتىڭىزعا 50 مىڭ تەڭگە ءتۇستى. #BizBirgemiz #مىۆمەستە #ەلباسى #Nur Otan» دەگەن حابارلاما تۇسكەندە قاتتى قۋانعانىن العا تارتتى.

– مەنىڭ ءتورت بالام بار. ءقازىر بالا كۇتىمىمەن ۇيدە وتىرمىن. قالادا ىندەتكە قارسى شەكتەۋ شارالارى ەنگىزىلگەلى بەرى وتاعاسى دا جۇمىسسىز قالدى. سوندىقتان Birgemiz اكسيسى اياسىندا بولىنگەن بۇل كومەكتىڭ وتباسىمىز ءۇشىن ماڭىزى زور دەپ ەسەپتەيمىن. سول سەبەپتى وسىنداي قيىن كەزەڭدە ءبىزدىڭ قامىمىزدى ويلاعان ەلباسى مەن Nur Otan پارتياسىنا العىس ايتامىن! – دەپ كوپبالالى انا ءوزىنىڭ ريزاشىلىعىن جەتكىزدى.

ءدال وسىنداي كومەككە قالا ىرگەسىندە تۇراتىن ناتاليا باحۆاتدينوۆا دا قول جەتكىزىپ، ەلباسىنا العىسىن ايتىپ قالۋعا تىرىستى. كامەلەتتىك جاسقا تولماعان 4 بالانىڭ اناسى جاقىندا جولداسىنان ايىرىلعان،  وسكەمەندەگى كارانتينگە بايلانىستى، ۋاقىتشا جۇمىسسىز قالعانىن دا جاسىرمادى.

– ەلباسى نۇرسۇلتان نازاربايەۆتىڭ باستماسىنا دەر كەزىندە ءۇن قوسىپ، حالىققا قولداۋ كورسەتكەن Nur Otan پارتياسىنىڭ بەلسەندىلەرىنە ايرىقشا العىس ايتقىم كەلەدى. وسىنداي قيىن كەزەڭدە ءبىز سياقتى وتباسىلاردى قولداۋسىز قالدىرماي، كومەك كورسەتكەندەرىڭىزگە راحمەت! – دەدى كوپبالالى انا.