Tuńǵysh Prezident bastamasymen qurylǵan Birgemiz qory Óskemen men Semei qalasynyń áleýmettik kómekke muqtaj turǵyndaryna 50 myń teńge kóleminde kómek kórsetti dep habarlaidy Dalanews.kz.
Osylaisha Shyǵys Qazaqstan oblysynyń qos qalasyndaǵy kómekke muqtaj jandarǵa 620 mln teńgeniń kómegi kórsetildi.
Óz kezeginde Nur Otan partiiasy ShQO filialy tóraǵasynyń orynbasary Oleg Chýgýnkov Birgemiz sharasy aiasynda kómekke eki qaladaǵy turmysy tómen azamattar ie bolǵanyn alǵa tartty.
Olardyń arasynda kópbalaly jáne az qamtylǵan otbasylar men airyqsha kútimdi qajetsinetin balalardy tárbielep otyrǵan otbasylar bar. Sonymen qatar múgedekter men zeinet jasyndaǵy adamdar, jetimder, Uly Otan soǵysynyń ardagerleri, tyl eńbekkerleri de qarjylai kómekke aldy.
Óskemende 50 myń teńge aqshalai kómekti 5005 adam alsa, Semeide dál osyndai kómekke 7414 adam qol jetkizgen.
Qarjylai kómek ekinshi deńgeili bankter arqyly muqtaj jandardyń jeke kartalary men esepshottaryna aýdarylǵan.
Osy rette Birgemiz sharasy aiasynda kórsetilgen qarjylai kómekten bankter komissiia ustamady. Kómekke muqtaj jandardyń bankter aldynda qandaida bir nesielik bereshegi bolsa da, Nur Otan partiiasy kórsetken qoldaýdan bir tiynda alynbaǵanyn aita ketýimiz kerek.
Óskemen qalasynyń turǵyny Marjan Badyǵanova uialy telefonynan «Sizdiń esep-shotyńyzǵa 50 myń teńge tústi. #BizBirgemiz #MyVmeste #Elbasy #Nur Otan» degen habarlama túskende qatty qýanǵanyn alǵa tartty.
– Meniń tórt balam bar. Qazir bala kútimimen úide otyrmyn. Qalada indetke qarsy shekteý sharalary engizilgeli beri otaǵasy da jumyssyz qaldy. Sondyqtan Birgemiz aktsisy aiasynda bólingen bul kómektiń otbasymyz úshin mańyzy zor dep esepteimin. Sol sebepti osyndai qiyn kezeńde bizdiń qamymyzdy oilaǵan Elbasy men Nur Otan partiiasyna alǵys aitamyn! – dep kópbalaly ana óziniń rizashylyǵyn jetkizdi.
Dál osyndai kómekke qala irgesinde turatyn Natalia Bahvatdinova da qol jetkizip, Elbasyna alǵysyn aityp qalýǵa tyrysty. Kámelettik jasqa tolmaǵan 4 balanyń anasy jaqynda joldasynan aiyrylǵan, Óskemendegi karantinge bailanysty, ýaqytsha jumyssyz qalǵanyn da jasyrmady.
– Elbasy Nursultan Nazarbaevtyń bastmasyna der kezinde ún qosyp, halyqqa qoldaý kórsetken Nur Otan partiiasynyń belsendilerine airyqsha alǵys aitqym keledi. Osyndai qiyn kezeńde biz siiaqty otbasylardy qoldaýsyz qaldyrmai, kómek kórsetkenderińizge rahmet! – dedi kópbalaly ana.
