پەداگوگيكالىق وقۋلاردىڭ نەگىزگى ماقساتى- ءبىلىم بەرۋ سالاسىندا قىزمەتكەرلەردىڭ پەداگوگيكالىق شەبەرلىگىن جەتىلدىرۋ، ەڭ ۇزدىك يننوۆاسيالىق پەداگوگيكالىق تاجىريبەنى جالپىلاۋ جانە كەڭىنەن تاراتۋ.
پەداگوگتەردىڭ عىلىمي- زەرتتەۋ ارەكەتىن ىنتالاندىرۋ، تالانتتى پەداگوگتەردى انىقتاۋ، ولاردى قولداۋ جانە ماداقتاۋ، پەداگوگ- زەرتتەۋشى ەڭبەگىنىڭ بەدەلىن ارتتىرۋ، پەداگوگيكالىق تاجىريبەنى جالپىلاۋ تۇرلەرىن جەتىلدىرۋ، پەداگوگتەردىڭ عىلىمي- ادىستەمەلىك جانە پراكتيكالىق قىزمەتىن ناسيحاتتاۋ- پەداگوگيكالىق وقۋلاردىڭ مىندەتتەرى بولىپ تابىلادى.
جالپى رەسپۋبليكالىق پەداگوگيكالىق وقۋلارعا 7803 ءبىلىم بەرۋ ۇيىمدارىنان 32824 پەداگوگ قاتىستى. اۋداندىق (قالالىق) جانە وبلىستىق كەزەڭدەردىڭ قورىتىندىسى بويىنشا 122 ەڭ ۇزدىك قورىتىندى جۇمىس رەسپۋبليكالىق كەزەڭگە ۇسىنىلدى.
II رەسپۋبليكالىق پەداگوگيكالىق وقۋلارىنىڭ جۇمىسىنا راحىمجانوۆ ءامىرحان مۇراتبەك ۇلى، قازاقستان رەسپۋبليكاسى ءبىلىم جانە عىلىم مينيسترلىگىنىڭ جاۋاپتى حاتشىسى قاتىستى. ول پەداگوگيكالىق فورۋمعا قاتىسۋشىلارىنا قۇتتىقتاۋ سوزدەرىن جولداپ، مەملەكەتىمىزدىڭ ءبىلىم بەرۋ ساياساتىنىڭ نەگىزگى باعىتتارىن بەلگىلەدى. ءوز سوزىندە ءامىرحان مۇراتبەك ۇلى «ورلەۋ» باۇو» اق قازاقستان رەسپۋبليكاسىنىڭ بجعدمب ستراتەگيالىق باعىتىن جۇزەگە اسىرۋداعى قىزمەتىنە جوعارا باعا بەردى: «ءبىزدىڭ بارلىق كۇش- جىگەرىمىز باستى مىندەتتەردى شەشۋگە باعىتتالۋى ءتيىس – بۇل تاربيە جاعدايىن قامتاماسىز ەتۋ، ءتيىستى ءومىر تالاپتارىنا جانە نارىقتىق ەكونوميكا جاعدايىنا ساي، ءوز ءبىلىمى مەن مادەنيەتىن ۇزدىكسىز ارتتىرۋ قابىلەتى بار، الەمدىك اقپاراتتىق كەڭىستىكتە ينتەگراسيالانعان، ەركىن جانە سىن تۇرعىسىنان ويلاي الاتىن تۇلعانى دامىتۋ». سونىمەن قاتار، ول «ورلەۋ» باۇو» اق قازاقستان رەسپۋبليكاسىنىڭ بجعدمب ستراتەگيالىق باعىتىن جۇزەگە اسىرۋداعى قىزمەتىنە جوعارا باعا بەردى.
پەداگوگيكالىق وقۋلاردىڭ جۇمىسى ستراتەگيالىق زەرتحانالار فورماتىندا 8 باسىم باعىت بويىنشا ۇيىمداستىرىلدى. بۇل ءبىلىم بەرۋدى دامىتۋدىڭ باسىم باعىتتارى بويىنشا پەداگوگتەردىڭ ءوز جۇمىس تاجىريبەسىن ۇسىنۋى الداعى ءبىلىم مازمۇنىڭ جاڭارتۋ كەزەڭىمەن بايلانىستى جاڭا مىندەتتەردى شەشۋگە باعىتتالعان كوپتەگەن يننوۆاسيالىق يدەيالاردى كورۋگە مۇمكىندىك بەردى. پەداگوگيكالىق وقۋلارعا قاتىسۋشىلاردىڭ جۇمىسى ءار ءتۇرلى فورمادا ۇسىنىلدى: يننوۆاسيالىق جوبا؛ اۆتورلىق باعدارلاما؛ ءبىلىم بەرۋ ۇيىمىنىڭ دامۋ باعدارلاماسى.
پەداگوگيكالىق وقۋلاردا 2016-2019 جج ارنالعان ءبىلىم بەرۋدى دامىتۋدىڭ مەملەكەتتىك باعدارلاماسىنا سايكەس ءبىلىم مەن عىلىم جۇيەسىنىڭ نەگىزگى ترەندتەرىن ايقىندايتىن سۇراقتار قاراستىرىلدى: ءۇشتىلدى وقىتۋدى ەنگىزۋ، ءبىلىم مازمۇنىڭ جاڭارتۋ، اك قۇزىرەتتىلىكتى جەتىلدىرۋ، ءموبيلدى وقىتۋدى ەنگىزۋ، ءبىلىم بەرۋ ورتانىڭ باسقارۋشىلىق، عىلىمي- ادىستەمەلىك، تەحنولوگيالىق جانە رەسۋرستىق نەگىزىن جاڭارتۋ، تۇلعانى الەۋمەتتەندىرۋ، «ماڭگىلىك ەل» ۇلتتىق يدەيا مانماتىنىندە تاربيەلەۋ، تەحنيكالىق جانە كاسىبي ءبىلىم بەرۋ جۇيەسىن مودەرنيزاسيالاۋ.
ساراپتامالىق قازىلار القاسى قاتىسۋشىلاردىڭ جۇمىسىن باعالاۋ بارىسىندا پەداگوگتەردىڭ جۇمىس مازمۇنىنىڭ يننوۆاسيالىلىعىن، ونىڭ تاجىريبەلىك باعىتىن اتاپ ءوتتى. كەشەندى باعالاۋ بارىسىنا قاتىسۋشىلاردىڭ پرەزەنتاسيالىق بىلىكتىلىگى دە ەسكەرىلدى.
مۇعالىمدەر مەن ءبىلىم بەرۋ ۇيىم باسشىلارىنىڭ شىعارماشىلىق جۇمىستارىنىڭ مازمۇنىنىڭ تەرەڭدىگى كوبىنەسە پەداگوگيكالىق زەرتتەۋلەرگە عىلىمي كوزقاراستى قامتاماسىز ەتتى. كوميسسيا مۇشەلەرىنىڭ ايتۋى بويىنشا، ۇسىنىلعان جۇمىستاردىڭ كوبىندە يننوۆاسيالىق يدەيالار باسىم، ولار الداعى ۋاقىتتاعى ءبىلىم مازمۇنىڭ جاڭارتۋ ماسەلەلەرى بويىنشا مىندەتتەردى شەشۋمەن بايلانىستى بولادى. سونىمەن قاتار، قازىلار القاسى قاتىسۋشىلاردىڭ ىشىندە بىرىگەي تاجىريبەسىمەن جانە جەكەلەي ەرەكشە قاسيەتتەرىمەن كوزگە تۇسكەن مۇعالىمدەر مەن مەكتەپ باسشىلارىن اتاپ ءوتتى.
ەكى كۇندىك پەداگوگيكالىق وقۋلاردىڭ قورىتىندىسى بويىنشا رەسپۋبليكالىق پەداگوگيكالىق وقۋلارىنىڭ جەڭىمپازدار مەن جۇلدەگەرلەر انىقتالدى:
ءبىرىنشى دارەجەلى ديپلوممەن جانە 89000 تەڭگە اقشالاي سىيلىقپەن ماراپاتتالدى:
مەكتەپكە دەيىنگى تاربيە جانە وقىتۋ
نىسانبايەۆا بەكزات بەيبىت قىزى، الماتى قالاسى
باستاۋىش ءبىلىم بەرۋ
جاكسىلىكوۆا جانارا جۋماگۋلوۆنا، پاۆلودار وبلىسى
ورتا ءبىلىم بەرۋ
ەليكبايەۆا ايگۋل مامىربەكوۆنا، الماتى وبلىسى
تۇلعانى تاربيەلەۋ جانە الەۋمەتتەندىرۋ
سەيتبەك مەدەت مەشىتبەك ۇلى، مۋحانوۆا كۋرالاي ابلايحانوۆنا، كاراگاندى وبلىسى
قوسىمشا ءبىلىم بەرۋ
بۋگيناس برونيسلاۆاس كازيسوۆيچ، استانا قالاسى
تەحنيكالىق جانە كاسىبي ءبىلىم بەرۋ
بايبۋسىنوۆ نۋرزات سەريكوۆيچ
مىلتىكبايەۆا جاننات تولەۋبەكوۆنا، استانا قالاسى
جوعارى ءبىلىم بەرۋ
شاياحمەتوۆا ايسۋلۋ الكەشوۆنا، اكمولا وبلىسى
پەداگوگيكالىق مەنەدجمەنت
اۋباكيروۆا الما مەدەتوۆنا، كەلديبايەۆا باحتىگۋل ومارحانوۆنا، شايحىنوۆا تۋرسىنگۋل ساگاتبەكوۆنا، شىعىس قازاقستان وبلىسى.
ەكىنشى رەسپۋبليكالىق پەداگوگيكالىق وقۋلارىنىڭ ۇزدىك كومانداسى بولىپ استانا قالاسىنىڭ كومانداسى اتالدى.
ماراپاتتاۋ راسىمىنە وبلىسىمىزدىڭ جوو-نىڭ رەكتورلارى قاتىستى: التىنبەك نۋحۋلى، حيميا عىلىمدارىنىڭ دوكتورى، پروفەسسور، پاۆلودار مەملەكەتتىك پەداگوگيكا ينستيتۋتىنىڭ رەكتورى؛ فرەزورگەر لاريسا اناتوليەۆنا، ەۋرازيالىق يننوۆاسيالىق ۋنيۆەرسيتەتىنىڭ قارجى جانە دامۋ جونىندەگى ۆيسە-پرەزيدەنتى؛ نۋرگوجين رينات جاسكايراتوۆيچ، س.تورايعىروۆ اتىنداعى پمۋ اكادەميالىق قىزمەتتى باسقارۋ دەپارتامەنتىنىڭ ديرەكتورى. ولار جەڭىمپازدار مەن جۇلدەگەرلەردى جوو-مەن ۇيىمداستىرعان باعالى جۇلدەمەن جانە سىيلىقتارمەن ماراپاتتادى.
پەداگوگيكالىق وقۋلاردىڭ جەڭىمپازدارى مەن جۇلدەگەرلەرىن قۇتتىقتايمىز!
قوعام يگىلىگىنە باعىتتاپ وتىرعان ەرەن ەڭبەكتەرىڭىزدىڭ ەلىمىزدىڭ نىعايۋىنا وزىندىك ۇلەسى بار. وسىناۋ يگىلىكتى ىستە قاناتتارىڭىز تالماسىن، قاجىر-قايراتتارىڭىز قاشاندا ارتا بەرسىن، سىزدەرگە شىعارماشىلىق تابىس تىلەيمىز.
«ورلەۋ» باۇو» اقف پاۆلودار وبلىسى
بويىنشا پق باي باسپا ءسوز ورتالىعى
