[caption id="attachment_16893" align="alignright" width="829"]
قاراتەڭٸز جاعالاۋىنداعى باتۋمي قالاسىندا ماۋسىمنىڭ 7 كٷنٸ قالا مەرٸ گەورگي ەرماكوۆ, قر ەلشٸلٸگٸنەن مۇراتبەك مەديمارۇلى, گرۋزييا رەسپۋبليكاسى قارجى مينيسترلٸگٸنٸڭ ورىنباسارى دميتريي گۋمسيشۆيلي, «SسAT» ەۋە كومپانيياسىنىڭ ماركەتينيگ سالاسى بويىنشا پرەزيدەنتٸ الەكساندرا سىتنيك باستاعان, ودان ٶزگە تۋريزم سالاسىنىڭ ماماندارى مەن تۋريستٸك كومپانييالار, ەكٸ ەلدٸڭ جۋرناليستەرٸنە ارناپ باسپاسٶز مەسليحاتىن ٶتكٸزدٸ.
گرۋزييادا ساياحاتشىلارعا بارلىق جاعداي جاسالعان. بۇل جايىندا «بٸز بٸر-اق رەت كەلەتٸن قوناقتار ٷشٸن ەمەس, تۋريستەردٸڭ قايتالاي كەلۋٸ جەنە تۇراقتى قوناققا اينالۋى ٷشٸن تاماشا جاعدايلار ەزٸرلەۋگە تىرىستىق» دەيدٸ قالا مەرٸ. بۇعان قىزمەت كٶرسەتۋدٸڭ ساپالىعى جەنە قارجىلىق تيٸمدٸلٸگٸ, قاۋٸپسٸزدٸك, تۋريستەرگە قالا حالقىنىڭ كٸشپەيٸل قارىم-قاتىناسى وڭ ىقپال ەتەرٸن دە ەستەن شىعارمادى. ەسٸرەسە, قازاقستاندىق تۋريستەردٸڭ وسى قالاعا كەلۋلەرٸ ٷشٸن ەۋەجولىنىڭ اشىلۋى قۋانتارلىق جايت ەكەنٸن دە ەستەن شىعارمادى.
[caption id="attachment_16905" align="alignright" width="435"]
مىڭداعان تۋريستەر ارنايى وسى كەش ٷشٸن كەلسە, جالپى قاتىسۋشىلار سانى 35 مىڭنان استام ادامعا جەتكەن. جىل باسىنان بەرٸ قازاقستاننان 12 مىڭعا جۋىق ساياحاتشى كەلگەن. 2015 جىلى 35 مىڭنان استام قازاقستاندىقتار گۋرزييا ەلٸنە ساياحاتتاسا, بۇل 2014 جىلمەن سالىستىرعاندا 30 پايىزعا ارتقان. قازاقستاندى تۋريزم سالاسىنداعى گرۋزييا رەسپۋبليكاسىنىڭ ەكونوميكاسىنا ەسەر ەتۋشٸ ەل ەكەنٸن ايتقان گۋمسيشۆيلي بيىلعى جىلى 50 مىڭنان اساتىن شىعار دەگەن ٷمٸتٸ بار ەكەنٸن جاسىرمادى. ايتپاقشى, باتۋمي قالاسىنىڭ پورتىندا كٶپتەگەن قازاقستاندىق كومپانييالار دا جۇمىس ٸستەيدٸ.
[caption id="attachment_16898" align="alignright" width="402"]
جوعارىدا ايتقانىمىزداي, تۋريزم ۇلتتىق اگەنتتٸگٸ تەك بەس اي كٶرسەتكٸشٸندە 2 ميلليون 150 مىڭداي تۋريست گرۋزييا ەلٸنە ساياحاتتاعانىنا قاراعاندا بيىلعى جىلى رەكوردتىق مەجەدەن اساتىندىعىن جوسپارلاپ وتىر. جالپى 88 پايىز ساياحاتشىنى جاقىن شەتەلدەن كەلۋشٸلەر قۇرايدى ەكەن. ونىڭ 27 پايىزعا جۋىعى قازاقستاندىقتار. «بيىلعى جىلى 5 ماۋسىمدا «Scat» ەۋە كومپانيياسى «اقتاۋ – سوچي, اقتاۋ – باتۋمي» باعىتىندا حالىقارالىق جاڭا رەيستەرگە جول اشتى. ارنايى تاعايىندالعان «Boing 737» ۇشاعى الماتى, استانا, شىمكەنت, اتىراۋ جەنە اقتٶبە قالالارىنان باتۋمي قالاسىنا اقتاۋ ارقىلى ۇشۋعا جاعداي جاسالعان» دەدٸ وسى كومپانييانىڭ ماركەتينگ سالاسى بويىنشا ۆيتسە-پرەزيدەنتٸ الەكساندرا سىتنيگ. ونىڭ ايتۋىنشا, قازٸرگٸ كەزدە ەۋە رەيسٸنٸڭ بۇل باعىتتاعى باعالارى دا قولجەتٸمدٸ.
[caption id="attachment_16899" align="alignright" width="411"]
جەر كٶلەمٸ شاعىن, تٶرت ميلليونداي جان سانى بار گرۋزييا مەملەكەتٸ ايتسا ايتقانداي كٶركەم تابيعاتىمەن, تاريحي ارحيتەكتۋراسىمەن جانىڭىزدى باۋرايدى. استاناسى تبيليسي قالاسى ەسكٸ جەنە جاڭا بولىپ ەكٸگە بٶلٸنەدٸ. بٸر تاڭعالارلىعى, كەڭەس وداعىنان وتاۋ بٶلگەن ەل بولا تۇرا, گرۋزين جاستارى ورىس تٸلٸندە مٷلدەم سٶيلەمەيدٸ. تٸپتٸ, بٸلمەيدٸ دە. ٶز انا تٸلٸن قۇرمەتتەيتٸن گرۋزين قارتتارى عانا ورىس تٸلٸنەن حاباردار. ەيتەۋٸر قوناقتارمەن تٸلٸن بۇراپ تٸلدەسە الادى. ال جاستار جاعىنان بٸردەڭە سۇراي قالساڭىز, اعىلشىن نە ٶز انا تٸلٸندە جاۋاپ بەرەدٸ.
تبيليسيدەن باسقا ەيگٸلٸ «بورجومي», «ارتەزييان» سۋسىندارىمەن اتى شىققان بورجومي قالاسىندا تٷركييا جەنە قازاقستان كومپانييالارى بٸرلەسٸپ اشقان «REXOS» قوناق ٷيٸندە دەمالا الاسىزدار. تاريح قاتپارلارىنان سىر شەرتەتٸن تاۋ ٷڭگٸرلەرٸ قالاسىنىڭ سان عاسىردىڭ الدىندا قاشالعان شٸركەۋلەر مەن تۇرعىن ٷيلەر جەنە شاراپ اشىتاتىن ورىندارى تاڭ قالدىرماي قويمايدى.
[caption id="attachment_16900" align="alignright" width="719"]
قازٸرگٸ اتاۋى ۆاردزيا جەنە احالتسيحە سەكٸلدٸ تابيعاتى شۇرايلى اۋداندار ەلٸ كٷنگە دەيٸن شاراپ اشىتۋ جەنە اۋىلشارۋاشىلىق جۇمىستارىمەن اينالىسۋدا. ادجاري, تەلاۆي, مەستييا, گۋداۋري, بۋكارياني ايماقتارىندا تابيعي فەرمەرلٸك ٶنٸمدەرمەن تاماقتانىپ, ەمدەۋ-ساۋىقتىرۋ كۋرورتتارىندا ەم الۋعا ەبدەن بولادى. بۇل ورىنداردىڭ بەرٸنە بارىپ-قايتۋعا ارنايى شاعىن اۆتوبۋستار مەن تاكسيلەر قىزمەت كٶرسەتەدٸ. مىڭداعان جىلداردان سىر شەرتەتٸن تاريحي حرامدارعا كٸرٸپ, تاماشالاۋ تەگٸن.
[caption id="attachment_16901" align="alignleft" width="363"]
تبيليسي قالاسىنا قايتا سوعار بولساق, ەسكٸ قالانىڭ ەڭ كٶركەم, ەڭسەلٸ تۇسىندا «گرۋزيندەر اناسى» اتتى مونۋمەنت بٸردەن كٶز تارتادى. قالانىڭ ەر جەرٸندە سول تەكتەس ەسكەرتكٸشتەر مەن مەدەني-تاريحي عيماراتتار ساپ تٷزەسە, ەجەلگٸ تاريحي مونشاعا قولجەتمدٸ باعامەن كٸرە الاسىز.
ەلەمدە تىنىشتىق جاعىنان الدىڭعى وندىقتىڭ قاتارىنداعى ەلدٸڭ بٸرٸ وسى – گرۋزييا. ەكونوميكالىق دامۋ جاعىنان جالپى كٶرسەتكٸشتە ەلەم بويىنشا 23 ورىنعا تۇراقتاعان. كەڭەستٸك ەلدەردٸڭ ٸشٸندەگٸ دامۋى ەدەۋٸر جوعارى ەلدٸڭ بٸرٸ. جالپى ورتاشا جالاقى 500 لاري (75000تگ), ال زەينەتاقى 120 لاري اينالاسىندا. بۇل كٶرسەتكٸش حالىق تۇرمىسىنىڭ تىم جوعارى ەمەس ەكەندٸگٸن بٸلدٸرسە دە, قراپايىم جۇرتشىلىق اقكٶڭٸل, اشىق-جارقىن, ٶز كٷندەرٸنٸڭ كٶڭٸلدٸ ٶتٸپ جاتقانىنا ريزا. قوناقجاي گرۋزين ەلٸنە ەلەمدە 94 مەملەكەت ۆيزاسىز رەجيممەن بارىپ, ٷش اي بويىنا ساياحاتتاي الادى. مۇنىڭ ٸشٸندە قازاقستان رەسپۋبليكاسى دا بار.
شاتتىق باتان.
