الماتىدا ٸشكٸ ٸستەر مينيسترلٸگٸ اكادەميياسىنىڭ 18 جاستاعى كۋرسانتى بۇرىنعى سٷيٸكتٸسٸن دالاعا اپارىپ, كٶلٸك بەلدٸگٸمەن بۋىندىرماق بولدى دەگەن ايىپقا ٸلٸكتٸ. زارداپ شەگۋشٸ 17 جاستاعى ەلينا وقيعانىڭ قالاي بولعانىن ايتىپ بەرگەن, دەپ حابارلايدى Dalanews.kz.
كتك تەلەارناسىنىڭ مەلٸمەتٸنشە, قىزدىڭ سٶزٸنشە, سەنبٸ كەشٸندە بيعالي ەسٸمدٸ جٸگٸت ونى قالا شەتٸنە اپارىپ, ۇرىپ-سوققان, بەلدٸكپەن قيناماق بولعان. قورقىتۋ ەرەكەتٸ شەكتەن شىققان: جٸگٸت قىزدى ٶرتەپ جٸبەرەمٸن دەپ قورقىتقان. ەلينا مۇنىڭ بەرٸنە قىزعانىش سەبەپ بولدى دەيدٸ.
«كٶلٸكتەن قاشىپ شىققانىمدا, ول ارتتان قۋىپ جەتٸپ, قولمەن كٶتەرٸپ, اياقپەن تەپتٸ: قابىرعا, ٸش, ارقاعا. جەرگە قۇلاعان كەزدە اياق كيٸمٸمدٸ دالاعا شاشتى. كەيٸن «يت, تاۋىپ كەل» دەپ ايقايلادى», – دەيدٸ قىز.
ەلينا مەن بيعالي سەگٸزٸنشٸ سىنىپتان بٸرگە بولىپ, قارىم-قاتىناس تٶرت جىلعا سوزىلعان. قىزدىڭ ايتۋىنشا, بۇرىن دا جٸگٸت جيٸ قول كٶتەرگەن. اجىراسۋ تۋرالى ايتقاندا, ول ەلينانىڭ ٶزٸنە جەنە وتباسىنا زييان كەلتٸرەتٸنٸن ەسكەرتكەن.
«مەنٸ شاشىمنان سٷيرەپ, جەرمەن سٷيرەپ ماشيناعا اپاردى. تىرناعىممەن توپىراقتى تىرناپ, توقتاۋعا تىرىستىم. ماشيناعا وتىرعاندا بەلدٸكپەن قىلعىندىرماق بولدى. ەكەمدٸ, ەپكەمدٸ ٶلتٸرەمٸن دەپ قورقىتتى», – دەيدٸ ەلينا.
قىزدىڭ اتا-اناسى ونىڭ مي شايقالۋىنا جەنە دەنە جاراقاتتارىنا كٷمەن كەلتٸرمەيدٸ. ولار بٸردەن پوليتسيياعا ارىز تٷسٸرگەن, الايدا بيعاليدٸڭ اناسى ارىزدى قايتارىپ الۋعا كٶندٸرگەن.
«اناسى كەلٸپ, «ەكەۋٸ دە كٸنەلٸ, سٷيگەن سوڭ سولاي بولادى. ول ٶزٸ سونداي ادام» دەدٸ. بٸز اقىماقتىقپەن ارىزدى الدىق. ەندٸ قىزىمنىڭ جانىنا جولاتپايمىز», – دەيدٸ ەلينانىڭ اناسى.
پوليتسييادا قىز بەن وقيعاعا قاتىسى بار ادامداردان جاۋاپ الىنعان. الايدا ارىزدىڭ قايتارىپ الىنۋى جەنە سوت-مەديتسينالىق ساراپتامادان باس تارتىلۋىنا بايلانىستى ٸس توقتاتىلعان. الماتى پد حابارلاماسىندا:
«جەبٸرلەنۋشٸ اتا-اناسىمەن بٸرگە ارىز بەرۋدەن جەنە سوت-مەديتسينالىق ساراپتامادان ٶتۋدەن باس تارتتى. كٶرٸنەتٸن جاراقات تٸركەلمەدٸ. وسى جاعدايلاردى ەسكەرٸپ, ٸس زاڭ تەرتٸبٸمەن توقتاتىلدى», – دەلٸنگەن.
كۋرسانتى ٸٸم اكادەميياسىنان شىعارىپ جٸبەرگەن. ەلينا امبۋلاتورييالىق ەم قابىلداپ جاتىر. اتا-اناسى قايتادان پوليتسيياعا ارىز تٷسٸرٸپ, كٸنەلٸ ادامدى جاۋاپقا تارتۋدى تالاپ ەتۋدە.
