قازاقستاندا اي-92 ماركالى بەنزيننٸڭ باعاسى بولاشاقتا ليترٸنە شامامەن 1 اقش دوللارىنا جەتۋٸ مٷمكٸن. مۇنداي پٸكٸردٸ مۇناي-گاز سالاسىنىڭ ساراپشىسى ولجاس بايدٸلدينوۆ ايتتى, دەپ حابارلايدى dalanews.kz.
ونىڭ باعالاۋىنشا, ەلدەگٸ جۇمىس ٸستەپ تۇرعان ٷش مۇناي ٶڭدەۋ زاۋىتىن جاڭعىرتۋ جەنە تٶرتٸنشٸ مٶز سالۋ ٷشٸن 14–16 ملرد دوللار كٶلەمٸندە ينۆەستيتسييا قاجەت. ساراپشىنىڭ ايتۋىنشا, مۇنداي ٸرٸ جوبالاردىڭ ٶزٸن-ٶزٸ اقتاۋى ٷشٸن بەنزين باعاسى قازٸرگٸ دەڭگەيدەن جوعارى بولۋى كەرەك.
«اي-92 بەنزينٸنٸڭ باعاسى شامامەن ليترٸنە 1 دوللار بولۋى قاجەت», – دەدٸ ولجاس بايدٸلدينوۆ.
بۇعان دەيٸن پرەمەر-مينيستر ولجاس بەكتەنوۆ قازاقستاندا بەنزين باعاسىن ىرىقتاندىرۋ قاجەت ەكەنٸن مەلٸمدەگەن بولاتىن. ونىڭ سٶزٸنشە, قازٸرگٸ تاڭدا ەلدەگٸ جانارماي باعاسى كٶرشٸلەس مەملەكەتتەرمەن سالىستىرعاندا شامامەن ەكٸ ەسە ارزان. سوندىقتان مۇناي ٶڭدەۋ سالاسىنا ينۆەستيتسييا سالۋ ەكونوميكالىق تۇرعىدان تيٸمسٸز بولىپ وتىر.
ولجاس بايدٸلدينوۆ بۇل پٸكٸرمەن كەلٸسەتٸنٸن ايتتى. ونىڭ سٶزٸنشە, جاڭا مۇناي ٶڭدەۋ قۋاتتارىن تولىق جٷكتەۋ ٷشٸن قازاقستانعا تەڭٸز جەنە قاشاعان كەن ورىندارىنىڭ وپەراتورلارىنان قوسىمشا مۇناي ساتىپ الۋعا تۋرا كەلەدٸ. الايدا بۇل كومپانييالار مۇنايدى قازٸرگٸ ٸشكٸ نارىقتاعى باعامەن ساتۋعا مٷددەلٸ ەمەس.
«تاعى دا اتاپ ٶتەمٸن: قازٸرگٸ باعالار ساقتالسا, ەشبٸر زاۋىت پەن ەشبٸر جاڭعىرتۋ جوباسى ەشقاشان ٶزٸن اقتامايدى جەنە بٸز بۇرىنعىداي رەسەيدەن مۇناي ٶنٸمدەرٸن يمپورتتاۋدى جالعاستىرامىز. سوندىقتان جانارماي باعاسىن تەڭەستٸرۋ – ەلٸمٸزدٸڭ ەنەرگەتيكالىق جەنە ەكونوميكالىق قاۋٸپسٸزدٸگٸنە قاتىستى مەسەلە. بٸراق سالالىق مينيسترلٸك بارلىق كٶلٸك يەلەرٸن الدىن الا ەسكەرتۋٸ كەرەك دەپ سانايمىن: بولاشاقتا بەنزيننٸڭ باعاسى شامامەن 1 دوللار بولادى», – دەدٸ ساراپشى.
