قازاقستان 2027 جىلى ٶتەتٸن 99-شى "وسكار سىيلىعىنا رەجيسسەر ەلزات ەسكەندٸردٸڭ "ەبٸل" دراماسىن ۇسىندى. قازاقستاننىڭ وسكار كوميتەتٸ تاڭداعان تۋىندى "ٷزدٸك حالىقارالىق تولىقمەتراجدى فيلم" ساناتى بويىنشا ەل اتىنان باق سىنايدى, دەپ حابارلايدى dalanews.kz.
كارتينانىڭ ٶزەگٸندە توقسانىنشى جىلداردىڭ باسىنداعى قازاق اۋىلى قامتىلعان. كەڭەستٸك جٷيە ىدىراپ, ەل نارىقتىق قاتىناستارعا بەت بۇرعان تۇستا بۇرىنعى كولحوزداردىڭ دا تٸرشٸلٸگٸ ٶزگەردٸ. فيلم وسى الاساپىران كەزەڭدٸ ٸرٸ ساياسي وقيعالار ارقىلى ەمەس, قاراپايىم شوپاننىڭ ٶمٸرٸ ارقىلى كٶرسەتەدٸ.
ەبٸل ۇزاق جىل بويى كولحوزدىڭ مالىن باعىپ, ەڭبەك ەتكەن. الايدا شارۋاشىلىق تاراپ, ونىڭ دٷنيە-مٷلكٸ جەكەشەلەندٸرٸلە باستاعاندا, كەيٸپكەر ٶز ەڭبەگٸنە ساي تيەسٸلٸ ٷلەسٸن الۋعا ەرەكەتتەنەدٸ. وسى تارتىس ارقىلى رەجيسسەر جاڭا زامانعا بەيٸمدەلۋگە مەجبٷر بولعان اۋىل ادامدارىنىڭ جاعدايىن, ەدٸلەت پەن ادامدىق قادٸر مەسەلەسٸن العا شىعارادى. فيلمدەگٸ وقيعا 1993 جىلى ٶربيدٸ.
تۋىندىنىڭ قارجىلىق جاعى دا نازار اۋدارارلىق. رەجيسسەر بۇعان دەيٸن فيلمنٸڭ جالپى بيۋدجەتٸ 320 ملن تەڭگە بولعانىن ايتقان. كارتينا مەملەكەتتٸك قولداۋمەن تٷسٸرٸلگەن. الايدا تٷسٸرٸلٸم كەزٸندە قاراجات تاپشىلىعى تۋىنداپ, ەلزات ەسكەندٸر ٶز قالاماقىسىن فيلم ٶندٸرٸسٸنە قايتا سالعان. پروديۋسەر سەرٸك ەبٸشەۆ تە جوبانى اياقتاۋ ٷشٸن جەكە قاراجاتىن جۇمساعان.
"ەبٸل" قازاقستان اتىنان "وسكارعا" ۇسىنىلعانعا دەيٸن حالىقارالىق كينو الاڭدارىندا كٶرسەتٸلٸپ ٷلگەردٸ. ونىڭ ەلەمدٸك پرەمەراسى پۋسان حالىقارالىق كينوفەستيۆالٸندە ٶتتٸ. كەيٸن فيلم فرانتسييا, قىرعىزستان, ۆەتنام جەنە بانگلادەشتەگٸ فەستيۆالدەردەن جٷلدە الدى. باستى كەيٸپكەردٸ سومداعان ەرلان تٶلەۋتايدىڭ اكتەرلٸك جۇمىسى دا بٸرنەشە حالىقارالىق بايقاۋدا ماراپاتتالدى.
قازاقستاندىق كٶرەرمەنگە فيلم بيىل جازدا جول تارتتى. "ەبٸل" 25 ماۋسىمنان باستاپ وتاندىق كينوتەاترلاردا كٶرسەتٸلدٸ.
