استانا جىرلاۋدان كەندە ەمەس
– ايەكە, استانا كٷنٸنە ارنالعان اقىندار ايتىسى, ونىڭ ۇيىمداستىرىلۋى كٶڭٸلٸڭٸزدەن شىقتى ما? دارابوز اقىندارىمىز حالىقتىڭ كٶكەيٸنەن شىعار كٶرٸكتٸ ويلارعا تٷرەن سالا الدى ما?
– استانا تويىنا (ەلەۋمەتتٸك جەلٸلەر تالاسا جازىپ جاتقانداي 12 اقىن ەمەس) “سەن تۇر, مەن اتايىن” دەگەن 14 اقىن قاتىستى. بەرٸ دە جىل بويى جٷلدەلٸ ورىنداردى يەلەنٸپ وزا شاپقاندار. بٸر-ەكٸ تالانتتى جاس اقىن دا ارامىزدا جٷردٸ. ول دا زاڭدىلىق. تەجٸريبە جيناقتاپ ٷلكەن دودا دا ىسىلۋ ٷشٸن. بٸزگە دەيٸن “حان شاتىردىڭ” الدىندا جاس اقىنداردىڭ ايتىسى ٶتتٸ. (ونى استانالىقتار جاقسى بٸلەتٸن بولار).
مەنٸڭ پايىمداۋىمشا ەكٸ ايتىستا دا اقىندار ەلدٸڭ كٶكەيٸندە جٷرگەن ويلاردى ايتا بٸلدٸ. مىسالى جەرگە بايلانىستى, اقتٶبەدە بولعان لاڭكەستٸك وقيعاعا قاتىستى, ٶزگە دە تولىپ جاتقان قوعامداعى كەلەڭسٸزدٸكتەر سىن-نايزاعا ٸلٸكتٸ. كٶرگەنٸمنٸڭ بەرٸن ساراپتاي كەلە ايتىس جوعارى دەڭگەيدە ٶتتٸ دەپ ويلايمىن.
– سٶزٸڭٸزدٸ بٶلەيٸن, ەسەم قالامىز استانا قانشالىقتى دەرٸپتەلدٸ اقىنداردىڭ ۇشقىر تٸلٸمەن?
– جاقسى ەسٸمە سالدىڭىز. كٶپشٸلٸك ويلاپ قالماۋى كەرەك, استانانىڭ تويىندا تەك قانا پروبلەمالار ايتىلعان ەكەن دەپ, جوق ەسەم استانانىڭ جەتٸستٸكتەرٸ مەن جاقسىلىقتارى دا جارىسا جىرلاندى.
اقىندار استانانى جىرلاۋدان, ونى دەرٸپتەۋدەن ەشقاشان ايانىپ قالعان ەمەس. وسى جولى دا استانا جەتكٸلٸكتٸ دەڭگەيدە جىرلاندى دەپ ويلايمىن. “ەر قازاق مەنٸڭ جالعىزىم” دەپ اقىن سابىر اداي ايتپاقشى, استانا قالاي دەسەك تە قازاقتىڭ جالعىزى سەكٸلدٸ. ونى ايالاماساق, ونى ماقتان تۇتپاساق كٸم بولعانىمىز.
بايبەكتٸڭ ۋەدەسٸ
– سوڭعى ۋاقىتتارى ايتىستى بيلٸك قاناتىنىڭ استىنا الىپ, دٷركٸرەتٸپ ٶتكٸزۋگە كٷش سالىپ جاتىر. بۇل جاقسىلىق نىشانى. ەيتسە دە, ۇيىمداستىرۋشى تاراپتان “مىنانى ايتۋعا بولادى, مىنانى ايتاردا ساق بولىڭدار” دەگەن ەسكەرتپەلەر جاسالىپ تۇرا ما?
– ەسكەرتپە دەگەنٸڭٸز, جالعىز “نۇر وتان” ايتىستى قولعا العالى بەرٸ ەمەس, بۇرىننان ايتىلىپ جٷرەتٸن نەرسە عوي. “قاتتى كەتپەڭدەر, ەلدٸ دٷرلٸكتٸرمەڭدەر, ارانداتۋعا ەرمەڭدەر” دەگەن سيياقتى ەسكەرتەۋلەر بۇرىننان بولىپ تۇرادى. “تٸگٸسٸن جاتقىزىپ ايتا الساڭدار ايتىڭدار, ارزان اتاق قۋىپ, دەلەلسٸز سٶز سٶيلەۋدەن اۋلاق جٷرٸڭدەر” دەپ ەسكەرتكەننەن كەلەر زييان جوق قوي. جاسىرىپ قايتەيٸن, اقىندار اراسىندا دا “بٷيرەكتەن سيراق” شىعارۋعا ەۋەس, وپپوزيتسييالىق گازەتتەردٸ وقىپ الىپ, ايتىپ جاتقان فاكتٸسٸ ناقتى ما, جوق ەلدە, جالا جابۋ ما ونى سارالاماي, ساراپتاماي ۇراتىندار, كٶپ بولماسا دا بار.
باياعىدا باۋىرجان بايبەك اعامىز “نۇر وتاننىڭ” تٶراعاسى بولىپ تۇرعان كەزٸندە اقىندارمەن جيٸ كەزدەسٸپ: “مينيسترلٸكتەگٸ, ەكٸمشٸلٸكتەگٸ, ٶزگەدە ەلٸمٸزدەگٸ ٶزەكتٸ مەسەلەلەردٸ كٶتەرٸڭدەر, بٸز “نۇر وتان” پارتيياسى” سولارمەن جۇمىس جاساۋىمىز كەرەك” – دەپ, اقىنداردى قولدايتىنىن اڭعارتىپ جٷرەتٸن. تٸپتٸ “پارلامەنتتەگٸ دەپۋتاتتاردى ايتىسقا جيناپ قويامىن, بٸراز مەلٸمەتتەر ولاردىڭ دا قۇلاعىنا جەتسٸن” دەپ ايتقانى دا ەسٸمدە. ول كٸسٸ ۋەدەسٸندە تۇرا بٸلدٸ.
الايدا شىندىقتى ايتامىن دەگەن اقىنداردىڭ اۋزىن ەشكٸم بۋىپ وتىرعان جوق. حالىق بٸلەتٸن دە, بٸلمەيتٸن دە اقيقاتتار ايتىلىپ كەلەدٸ, ايتىلا دا بەرمەك. سٶزٸم شىنايى بولۋى ٷشٸن بٸر مىسال كەلتٸرەيٸن.
باياعىدا باۋىرجان بايبەك اعامىز “نۇر وتاننىڭ” تٶراعاسى بولىپ تۇرعان كەزٸندە اقىندارمەن جيٸ كەزدەسٸپ: “مينيسترلٸكتەگٸ, ەكٸمشٸلٸكتەگٸ, ٶزگەدە ەلٸمٸزدەگٸ ٶزەكتٸ مەسەلەلەردٸ كٶتەرٸڭدەر, بٸز “نۇر وتان” پارتيياسى” سولارمەن جۇمىس جاساۋىمىز كەرەك” – دەپ, اقىنداردى قولدايتىنىن اڭعارتىپ جٷرەتٸن. تٸپتٸ “پارلامەنتتەگٸ دەپۋتاتتاردى ايتىسقا جيناپ قويامىن, بٸراز مەلٸمەتتەر ولاردىڭ دا قۇلاعىنا جەتسٸن” دەپ ايتقانى دا ەسٸمدە. ول كٸسٸ ۋەدەسٸندە تۇرا بٸلدٸ.
– كەشەگٸ ٶتكەن ايتىستا بٸراز مەسەلەگە ات شالدىردىڭىز. ەسٸرەسە, بٷگٸنگٸ تاڭداعى ەڭ ٶزەكتٸ پروبلەما جەر تۋرالى ٷكٸمەتكە قاراتا ايتقان قاتقىل ويلارىڭىز جينالعانداردىڭ قىشىعان جەرٸنە دٶپ تيگەندەي ەسەردە بولدىق.
– حالىقتىڭ اراسىندا جٷرمٸز عوي. قاراپايىم جۇرت شەت ەلگە جەردٸ ساتپاق تٷگٸلٸ, قازاقستاندىقتارعا جالعا بەرۋگە قارسى. ونى قالاي ايتپايمىن. سونداي-اق, جەر كوميسسيياسى وبلىستاردى ارالاپ جيىندارىن ٶتكٸزٸپ جٷر. سول جيىنداردا سٶيلەگەن كٸسٸلەردٸڭ كٶبٸن بيلٸك ارنايى دايىنداپ قويعان ادامدار ما دەپ ويلايمىن كەيدە. ٶيتكەنٸ ىلعي جەردٸ يەلەنٸپ وتىرعاندار سٶيلەيدٸ.
ولارعا سالساق: “جەر ساتىلسىن, جالعا دا بەرٸلسٸن, بەرٸ كەرەمەت بولادى” دەپ جاتادى. ال قاراپايىم حالىقتىڭ پٸكٸرٸ باسقا. مەنٸ اشىندىرعان تاعى بٸر مەسەلە: قازاق جەرٸن بٶلشەكتەپ-بٶلشەكتەپ ساتىپ العان دەكٶيلەردٸڭ ەسٸمدەرٸ جۇمباق. ونى ايتۋعا بولمايدى. زاڭعا تومپاق ەكەن.
سوندا تٸپتٸ جەرٸمٸزدٸ كٸمدەردٸڭ ساتىپ العانىن بٸلمەۋدەن ارتىق قانداي جازا بار. جاقىندا بٸر جەردەن “بٸز جەردٸ بابالاردان مۇراعا العان جوقپىز, بولاشاق ۇرپاقتان جالعا الىپ وتىرمىز” دەگەن سٶيلەم وقىدىم. بۇل جٸبٸ تٷزۋ سٶز. نەگٸزٸ جەر مەسەلەسٸ ٶتە نەزٸك قوي. ابايلاماسا بولمايدى.
مٶدەنٸڭ ٶسيەتٸ
– «بولسا ەگەر ويلاعانىڭ پايدا لايىم,
قالايشا مۇنداي جەردە جاي قالايىن?
شەتەلگە, ەي, ٷكٸمەت, مەنٸ ساتشى,
تٸلٸمدٸ ەندٸ ساعان قايرامايىن.
قۇلدىقتىڭ قامىتىنا بوي ۇسىنىپ,
قىتايعا مەڭگٸلٸككە بايلانايىن.
ول از دەسەڭ ەيەلٸم, بالامدى سات,
قارا باستىڭ باقىتىن ويلامايىن.
جالعىز-اق ٶتٸنٸشٸم – قازاعىمنىڭ
جەرٸنە تيمەڭدەرشٸ, اينالايىن!», – دەپ ايتىستا تاۋسىلا جىرلاعانىڭىزعا قاراعاندا جەر مەسەلەسٸنە كٶزقاراسىڭىز بەلگٸلٸ بولىپ تۇر!
– تاريحقا كٶز جٸبەرسەك, مٶدە قاعاننىڭ جەرگە قاتىستى بايلامى رۋحىڭدى قامشىلايدى. مەسەلەنكي, جٷيرٸك اتىن سۇراپ كەلگەن قىتايعا سۇراعانىن بەرەدٸ. كەيٸن سۇلۋ ەيەلٸنە كٶزدەرٸ تٷسەدٸ. ونى دا قييادى. ەبدەن قۇتىرعان قىتايلار جەر سۇرايدى.
مٸنە, وسى كەزدە اشۋعا مٸنگەن بٸلگە قاعان, ەسكەرٸنە اتقا مٸنۋدٸ بۇيىرادى. تاڭ قالعان ۋەزٸرلەرٸنە: “ات پەن ەيەل ماعان تيەسٸلٸ ەدٸ, ونى ٶز قالاۋىممەن شەشتٸم. ال مىنا جەر حالىقتٸكٸ. ونى ساتۋعا نەمەسە سىيعا تارتۋعا مەنٸڭ قۇقىم جوق. سوندىقتان ولارمەن سوعىسۋدان باسقا شارام قالمادى” دەپ قارا قىتايدى بەيجٸڭگە دەيٸن قۋىپ تاستاپتى.
جۋىردا اقمولا وبلىسىنىڭ ەكٸمٸ كۋلاگين 80 مىڭ گەكتار جەرٸ بارىن مويىندادى. جالپى حالىقتىڭ بٸلۋٸنشە تەرەششەنكوعا تيەسٸلٸ جەر اۋىز تولتىرىپ ايتارلىق كٶلەمدە. قوستاناي وبلىسىندا “يۆولگانىڭ” قانشاما مىڭ گەكتار جەرٸ جاتىر داليىپ. ونىڭ يەسٸ ۆاسيليي روزينوۆ دەگەن كٸسٸ. اتاقتى ميلليياردەر ماسكەۆيچتٸڭ قاراماعىنداعى جەرلەردٸڭ قانشا ەكەندٸگٸ بٸر اللاعا عانا مەلٸم. ودان بٶلەك قازاقتىڭ تابيعاتى ەرەك, شۇرايلى جەرلەرٸ كٶپ قوي. سونىڭ ٶزٸم كٶزٸممەن كٶرگەن بٸرەۋٸن عانا ايتايىن.
بۇل اڭىزعا بەرگٸسٸز وقيعا عاسىردان عاسىرعا ٶتٸپ بٸزگە جەتتٸ. بابالار اماناتى وسى! وعان قييانات جاساۋعا بولمايدى. جوڭعار جەنە ويراتپەن نە ٷشٸن سوعىستى بابالارىمىز, جەر ٷشٸن ەرينە. ابىلاي حان بابامىز جەر ٷشٸن ٶز بالالارىن جات قولعا اماناتقا تاستادى. ٷش جٷز جىل وتارلاعان ورىستاردىڭ ٶزٸ بٸزدٸڭ جەرٸمٸزدٸ تٷگەل تارتىپ الا العان جوق. كەشەگٸ قىلىشىنان قان تاماعان كەڭەس زامانىندا الاش وردا قايراتكەرلەرٸ جەر ٷشٸن لەنينمەن كەلٸسٸمگە باردى. بەرتٸندە تاشەنوۆتاي تۇلعالار جەر ٷشٸن قىزمەتٸمەن دە قوش ايتىستى. مٸنە, وسىنداي قيلى زامانداردا ساتىلماعان جەرٸمٸز, تەۋەلسٸزدٸك العان تۇستا, تالان-تاراجعا تٷسسە قانشالىقتى دۇرىس بولار ەدٸ….
جەر – ماتەريالدىق قۇندىلىق ەمەس
– ايەكە, كەيبٸر جوعارىداعى باسشىلار قانشا جاسىرىپ جاپقانىمەن كٸمدە قانشا جەر تەلٸمٸ بار ەكەنٸ اقىرىنداپ اشىلىپ جاتىر ەمەس پە?
– شىندىق ەرتە مە, كەش پە بەرٸبٸر ايتىلادى. قاسيەتتٸ جەردٸڭ كيەسٸنەن قورىقپاعاندارعا بٸر توقتام بولار تٷبٸندە. مەن بۇعان يمانداي سەنەمٸن.
جۋىردا اقمولا وبلىسىنىڭ ەكٸمٸ كۋلاگين 80 مىڭ گەكتار جەرٸ بارىن مويىندادى. جالپى حالىقتىڭ بٸلۋٸنشە تەرەششەنكوعا تيەسٸلٸ جەر اۋىز تولتىرىپ ايتارلىق كٶلەمدە.
قوستاناي وبلىسىندا “يۆولگانىڭ” قانشاما مىڭ گەكتار جەرٸ جاتىر داليىپ. ونىڭ يەسٸ ۆاسيليي روزينوۆ دەگەن كٸسٸ. اتاقتى ميلليياردەر ماسكەۆيچتٸڭ قاراماعىنداعى جەرلەردٸڭ قانشا ەكەندٸگٸ بٸر اللاعا عانا مەلٸم. ودان بٶلەك قازاقتىڭ تابيعاتى ەرەك, شۇرايلى جەرلەرٸ كٶپ قوي. سونىڭ ٶزٸم كٶزٸممەن كٶرگەن بٸرەۋٸن عانا ايتايىن.
جاسىباي دەگەن اتاقتى كٶل بار. سوعان جولىمىز تٷسكەندە مىلتىقپەن ارنايى كٷزەتٸلەتٸنٸن كٶرٸپ شوشىعانىم بار. ەكەسٸنەن قالعان جەر مە ول?! بۇل قازاقتى باسىنۋ عوي. بۇلار بٸزدٸڭ بٸلەتٸندەرٸمٸز عانا. بٸلمەيتٸن, بٸلسەك, زەرەمٸزدٸ ۇشىراتىن جايتتاردىڭ بولۋى ەبدەن مٷمكٸن. وسى تۇرعىدا قاراساق ولارعا جەردٸڭ ساتىلعانى پايدالى. ال قاراپايىم قازاق جۇرتىنىڭ جەردٸ ساتىپ الۋعا شاماسى كەلمەيتٸنٸ ەمسەدەن بەلگٸلٸ. شىنىن ايتساق قازاق ٷشٸن جەردٸڭ قادٸرٸ – ماتەريالدىق قۇندىلىق ەمەس, ۇلتتىق يدەولوگييالىق قۇندىلىق بولىپ تۇر.
– “ەل قۇلاعى – ەلۋ” دەپ جاتادى حالىق. جەر مەسەلەسٸ ۋشىعىپ, ەلباسى زاڭعا موراتوريي جارييالاپ جاتقاندا, رەسەيدٸڭ ەسكەري ماشينالارى تورعاي دالاسىن شاڭداتىپ جٷرگەنٸن ايتىس بارىسىندا ايتىپ قالدىڭىز…?
– ايتپاسىما بولمادى. مەنٸڭ جانىما قاتتى باتقانى: ٶزٸم ٶسكەن تورعاي جەرٸنەن رەسەيدٸڭ زىمىران قالدىقتارىن قۇلاتۋ ٷشٸن جالعا جەر بەرٸلٸپ جاتقانى. كەيبٸر جەتكەن سىبىستاردان توسىن قۇمىنا زيياندى قوقىستاردى كٶمۋ جوسپارلانعان. بىلتىرعى جىلى وسىنشاما زيياندى قالدىقتاردىڭ كەسٸرٸنەن تورعاي دالاسىندا كيٸكتەر قىناداي قىرىلدى. كەيبٸر اۋىلداردا ٸرٸلٸ-ۇساق مالدار ٶرٸستە قۇلاپ جاتتى.
سايىن دالا دا زورمان, جىلاندارعا دەيٸن جايراپ قالدى. ونىڭ ادامعا زالالى جوق دەپ الداۋسىراتقانمەن, گەپتيلدٸڭ اتى – گەپتيل. ونىڭ اۋاعا, مالعا, ٸشەر اسقا زييانى بولماۋى مٷمكٸن ەمەس. ونىڭ زاردابىن حالىق ەلۋ, بەلكٸم جٷز جىلدان كەيٸن تارتۋى بەك مٷمكٸن. ەندٸ مىناعان قاراڭىز: جەردٸ جالعا العانى ٷشٸن رەسەيدٸڭ بٸزگە تٶلەيتٸن قاراجاتى 350 مىڭ دوللار عانا. اقش-تىڭ ەيگٸلٸ ەنشٸسٸ دجەننيفەر لوپەس ٶزٸنٸڭ جامباسىن جىلىنا ميلليون دوللارعا ساقتاندىرادى. سوندا قازاقتىڭ جەرٸ امەريكا ەنشٸسٸنٸڭ جامباسىنان قۇنسىز بولعانى ما?
– جوعارى دا ارلى اقىندار شىندىقتى ايتاردا ناقتى فاكتلەرگە جٷگٸنەتٸنٸن مىسالعا كەلتٸردٸڭٸز. ٶزٸڭٸز وسى جولى قانداي بۇلتارتپاس دەلەلدەرگە سٷيەنٸپ وتىرسىز?
– ينتەرنەتتٸ قاراساڭىزدار مەن كٶرسەتكەن مەلٸمەتتەر تٸزٸلٸپ تۇر. تٸپتٸ ازاتتىق راديوسىنىڭ تٸلشٸسٸ تورعاي اۋدانىنىڭ جەر بٶلٸمٸنٸڭ باسشىسىنان سۇحبات العاندا, ول كٸسٸ “وسىنشا جەردٸڭ رەسەيگە بەرٸلگەنٸ تۋرالى” حاباردى راستادى. ارتىنان اقپاراتتى تاراتقانى ٷشٸن ەلٸ بايعۇس باسشى بٸراز قۋدالانىپ, باسى بەلەگە قالدى. ول از دەسەڭٸز تورعايدىڭ “اقشىعاناق” اۋىلىندا رەسەيدٸڭ ەسكەري ماشينالارىنىڭ قاپتاپ جٷرگەنٸن حالىق كٷندە كٶرٸپ وتىر. مەن سول ەلدٸڭ قالىڭ ورتاسىنان كەلٸپ وتىرعاندىقتان اۋا جايىلىپ, اۋزىما كەلگەندٸ سوعۋدان اۋلاقپىن.
ٶز ميسسييامدى ورىندادىم
– كٶڭٸلٸڭٸزگە كەلمەسٸن, ايتىستان سوڭ سٸزدٸ قولپاشاعاندار مەن قاتار ايىپتاعاندار دا تابىلدى. “جەر مەسەلەسٸن كٶتەرسە ايبەك بۇرىن قايدا قالىپتى” دەگەندەرگە قانداي ۋەج ايتاسىز?
– يە, ەلەۋمەتتٸك جەلٸلەردەن “ايبەك ٷندەمەي-ٷندەمەي كەلٸپ, ايتىستا جەر مەسەلەسٸن كٶتەرٸپ ۇپاي جيناپ الدى. ايتسا بۇرىن قايدا قالىپتى” دەگەن سيياقتى سٶزدەردٸ وقىدىم. كٸم نە دەيمٸن دەسە دە ەرٸك ٶزٸندە ەرينە.
بٸراق مەنٸڭ ايتقىم كەلەتٸنٸ مىناۋ. ەركٸمگە ەرتٷرلٸ مٷمكٸندٸك بەرٸلگەن. اقىنداردىڭ مٸنبەرٸ ساحنا. ٶز ويىمدى ەلدٸڭ الدىندا ايتپاعاندا قايدا ايتامىن. كٶشەگە شىعىپ ايتامىن با?
جۋرناليستتەر حابارلاسىپ, جەرگە قاتىستى پٸكٸرٸمدٸ سۇراپ, مەن ولارعا جاۋاپ بەرمەي جاتسام بٸر جٶن. قوعامداعى بولىپ جاتقان جايتتارعا سانالى ادام رەتٸندە مەنٸڭ دە ٶز كٶزقاراسىمدى بٸلدٸرۋگە حاقىم بار. اقىننىڭ مٸندەتٸ – جوعارى جاققا حالىقتىڭ ويىن جەتكٸزە بٸلۋ. مەن ٶز ميسسييامدى ورىندادىم.
قازٸر ينتەرنەت زامانى. مەنٸ سىناپ جاتقاندار 2004 جىلدان بەرگٸ ايتىستارىمدى بٸر قاراپ شىقسىن. سونداعى ۇلان-عايىر جەرٸمٸزدٸ يەلەنٸپ وتىرعاندار جايلى جان ايقايىمدى ەستٸسە بەلكٸم رايلارىنان قايتار. ماقتانعانىم ەمەس, جەر مەسەلەسٸن العاشقى كٶتەرگەندەردٸڭ بٸرٸ مەنمٸن. كٶپشٸلٸك مەنٸ كٶتەرمەلەپ, “پاتشاعا دات ايتقان اقىن” دەپ جاتادى. تٷسٸنگەن جان, پاتشاعا دات ايتۋىمنىڭ استارىندا وسى جەر مەسەلەسٸ جاتقانىن اڭعارسا
–ايتىستىڭ بٸردەن بٸر جاناشىرى جٷرسٸن ەرمان مىرزا بٸر سۇحباتىندا نامازعا جىعىلعان اقىنداردىڭ ٸشٸندە كەيبٸر تالانتتىلارى كەتٸپ جاتقانىن ايتقان بولاتىن. وسى جولعى ايتىستان رينات, جانداربەك, بٸرجان, ت.ب اقىنداردىڭ كٶرٸنبەۋٸن نەگە جورىساق بولادى?
– بار مەسەلە نامازعا تٸرەلٸپ تۇر دەپ ايتا المايمىن. قازٸر ايتىسكەر اقىنداردىڭ 80-90 پايىزى ناماز وقيدى. سٸز ايتىپ وتىرعان اقىنداردىڭ ٸشٸندە ايتىستان كەتكەنٸ بالعىنبەك قانا. ونىڭ ٶزٸ ٷلكەن ايتىستارعا قاتىسپاعانىمەن, ەل اراسىنداعى, جيىن-تويلاردان تٶبە كٶرسەتٸپ قالۋى ەبدەن مٷمكٸن. باسقا اقىنداردىڭ بەرٸ ساپتا.
ال بولىپ جاتقان ايتىستاردىڭ بەرٸنە اقىنداردىڭ قاتىسا بەرۋٸ مٸندەت ەمەس. ونىڭ دا ٶز تالابى بار. قازٸر ٷلكەن-كٸشٸسٸ بار 100-گە جۋىق اقىن ايتىسىپ جٷر. بٷگٸن ايتىسپاعان اقىندار كەلەسٸ ايتىسقا شاقىرىلىپ قالۋى بەك مٷمكٸن. ساحنانى ەشكٸم جەكەشەلەندٸرٸپ العان جوق. ال ايتىسپاي قالعان اقىنداردى جاپپاي كەتٸپ جاتىر دەۋگە بولمايدى.
جٷرسٸن اعانىڭ قاسىندا جٷرمٸز عوي. ول كٸسٸنٸڭ وي-ارمانى بٸزگە بەلگٸلٸ. مۇحامەتجان, بالعىنبەك سەكٸلدٸ مىقتى اقىنداردىڭ ايتىستان كەتكەنٸنە بٸر جاعى ٸشٸ اۋىرادى. ەلٸ دە حالىققا بەرەرلەرٸ مول ەدٸ عوي دەگەن رەنٸشٸن دە سەزٸپ قالامىز. سول سەبەپتٸ ول كٸسٸنٸڭ نەگٸزگٸ ويىن مەن وسى ماقساتتا تٷسٸنەمٸن.
– ۋاقىتىڭىزدى بٶلٸپ سۇحبات بەرگەنٸڭٸزگە راحمەت!
ناعاشىباي قابىلبەك
دەرەككٶزٸ: elana.kz
