"وكىنىشكە وراي بۇل سالادا زاڭبۇزۋشىلىققا جول بەرىلدى. سەمەي قالاسى كاسىپكەرلىك ءبولىمىنىڭ باس مامانى ۇستالدى. ول قالادا كەدەرگىسىز قاتىناۋعا مۇمكىندىك بەرەتىن 5 بىردەي رۇقسات قاعازىن 25 مىڭ تەڭگەگە ساتقان"، – دەپ حابارلادى ۆەدومستۆو وكىلى.

پارا الدى ايىپتالعان شەنەۋنىك كىناسىن مويىندادى، تەرگەۋ امالدارى باستالدى.

ەسكە سالا كەتەلىك بۇدان بۇرىن شقو اكىمى دانيال احمەتوۆ رۇقسات قاعازدارىن الۋدا زاڭسىزدىققا جول بەرىلگەنىن ايتقان.

"رۇقسات قاعازدارىن العان كەيبىر كاسىپكەرلەر ونى ماقساتسىز پايدالانىپ ءجۇر. ءتىپتى، كەي رۇقسات قاعازداردىڭ ساتىلعانى تۋرالى ناقتى اقپارات بار”، – دەگەن ەدى وبلىس اكىمى.  احمەتوۆ وسىعان وراي سىبايلاس جەمقورلىققا قارسى ءىس-قيمىل دەپارتامەنتى تەكسەرۋ جۇرگىزۋدە ەكەنىن حابارلاعان.

“ولار رۇقسات قاعازدارىن بەرۋدە قىزمەتىن اسىرا پايدالانعان مەملەكەتتىك قىزمەتشىلەردىڭ زاڭسىز ىس-ارەكەتتەرىنىڭ جولىن كەسىپ، ءتيىستى شارالاردى قابىلدايدى”، – دەيدى اكىم.

ايتا كەتەلىك شقو كوروناۆيرۋس تىركەلگەن وڭىرلەر اراسىندا ەڭ تومەنگى كورسەتكىشكە يە ايماقتىڭ ءبىرى. وبلىستا ءقاۋىپتى ينفەكسيا جۇقتىرعان 8 ادام انىقتالعان.