اتىراۋ مۇناي ٶڭدەۋ زاۋىتى (امٶز) 2024 جىلعى ٶزٸنٸڭ ٶندٸرٸستٸك, قارجىلىق جەنە ەكولوگييالىق قىزمەتٸن قورىتىندىلادى, – دەپ حابارلايدى Dalanews.kz.
كەسٸپورىن تيٸمدٸلٸك پەن تۇراقتىلىقتىڭ جوعارى دەڭگەيٸن كٶرسەتۋدٸ جالعاستىرىپ كەلەدٸ. 2024 جىلدىڭ تامىز-قاراشا ايلارىندا وتىن شىعىنىنىڭ ناقتى كٶرسەتكٸشتەرٸ 8,45-9,80%-دى قۇرااپ, نورماتيۆتٸك دەڭگەيدەن ەدەۋٸر تٶمەندەگەن (12,47-14,5%). بۇل 2023 جىلدىڭ ۇقساس كەزەڭٸمەن سالىستىرعاندا 1-4%-عا تٶمەن.
ٶنٸمدٸ ٶندٸرۋ.
ال سۇيىتىلعان مۇناي گازى (سمگ) ٶندٸرٸس كٶلەمٸ 2023 جىلمەن سالىستىرعاندا 6 322 تونناعا ارتىپ, قاراشا ايىندا 23 080 تونناعا جەتتٸ. اۆياكەروسين ٶندٸرٸس 57%-عا ٶسٸپ, 23 848 توننانى قۇراسا, مۇناي ٶڭدەۋ 10 ايدا 4 583 407 توننا شيكٸزات قايتا ٶڭدەلدٸ. بۇل ٶتكەن جىلدىڭ ۇقساس كەزەڭٸمەن سالىستىرعاندا 57 336 تونناعا ارتىق.
سول سيياقتى امٶز وپەراتسييالىق شىعىنداردى وڭتايلاندىرۋدى جالعاستىرۋدا. 2024 جىلعى 10 ايدا شىعىندار 22%-عا تٶمەندەپ, جوسپارلانعان 150,6 ملرد تەڭگەنٸڭ ورنىنا 117,4 ملرد تەڭگەنٸ قۇرادى. ال جٶندەۋگە, ماتەريالدارعا جەنە ەكولوگييالىق شىعىندارعا ٷنەمدەۋ سەيكەسٸنشە 59%, 20% جەنە 75% قۇراعان. مۇناي ٶڭدەۋگە جۇمسالاتىن ٷلەستٸك شىعىندار بٸر تونناعا 54 887 تەڭگەگە دەيٸن تٶمەندەتٸلدٸ (بولجامنان 11 125 تەڭگەگە تٶمەن).
امٶز ٶزٸنٸڭ ەكولوگييالىق كٶرسەتكٸشتەرٸن جاقسارتۋدى جالعاستىرۋدا. كەسٸپورىن لاستاۋشى زاتتاردىڭ شىعارىندىلارى 11,9%-عا (1 053 تونناعا) ازايتىپ, اعىندى سۋلاردىڭ تٶگٸندٸلەرٸ 68 تونناعا تٶمەندەتكەن. بۇل قوندىرعىلاردى قايتا قۇرۋدىڭ نەتيجەسٸندە مٷمكٸن بولعان. تازارتۋ قۇرىلىستارىن جاڭعىرتۋدىڭ ارقاسىندا قالدىقتار كٶلەمٸ 39%-عا قىسقارسا, پارنيكتٸك گازدار شىعارىندىلارى 20 509 تونناعا (1,5%) ازايدى.
كومپانييا قىزمەتكەرلەردٸڭ شەتەلدە بٸلٸكتٸلٸگٸن ارتتىرۋ ٷشٸن حالىقارالىق باعدارلامالار ورتالىعىمەن ىنتىماقتاستىق تۋرالى مەموراندۋمعا قول قويعان بولاتىن. عىلىمي-تەحنيكالىق جوبالاردى ٸسكە اسىرۋ ٷشٸن س.ٶتەباەۆ اتىنداعى اتىراۋ مۇناي جەنە گاز ۋنيۆەرسيتەتٸمەن ەرٸپتەستٸك ٸسكە قوسىلدى. ۇجىمنىڭ ەلەۋمەتتٸك تۇراقتىلىعىن ارتتىرۋ ٷشٸن ٸس-شارالار ٶتكٸزٸلدٸ, ەلەۋمەتتٸك تۇراقتىلىق يندەكسٸ 9%-عا ٶسٸپ, 68%-دى قۇرادى.
كەسٸپورىندا قىزمەتكەرلەر سانى 2 525 ادامعا دەيٸن ۇلعايدى, ونىڭ 43%-ى 35 جاسقا دەيٸنگٸ جاستار. ەڭبەك جاعدايلارىن جاقسارتۋ شارالارىنىڭ ارقاسىندا 2024 جىلى كادرلاردىڭ تۇراقتاماۋى 2,31%-عا دەيٸن تٶمەندەدٸ.
جوسپارلى-الدىن الۋ جٶندەۋ اياسىندا 2024 جىلى 15 تەحنولوگييالىق قوندىرعى سەتتٸ جاڭارتىلدى. جٶندەۋ جۇمىستارى كەستەدەن بۇرىن اياقتالدى, بۇل جوعارى وكتاندى بەنزيندەر ٶندٸرٸسٸن تەزٸرەك قالپىنا كەلتٸرۋگە مٷمكٸندٸك بەردٸ.
PEP Solomon باعدارلاماسى اياسىندا وپەراتسييالىق تيٸمدٸلٸكتٸ ارتتىرۋعا باعىتتالعان 24 ۇسىنىس ٸسكە اسىرىلدى. جاڭا تەسٸلدەردٸ ەنگٸزۋدٸڭ ەكونوميكالىق ەسەرٸ جىلىنا 1,5 ملرد تەڭگەدەن استامدى قۇرادى.
امٶز وزىق تەحنولوگييالاردى ەنگٸزۋدٸ, قورشاعان ورتاعا ەسەردٸ ازايتۋدى جەنە تۇراقتى ٶندٸرٸستٸ قامتاماسىز ەتۋدٸ جالعاستىرا وتىرىپ سالانىڭ جەتەكشٸ كەسٸپورىندارىنىڭ بٸرٸ رەتٸندە , ٶز مەرتەبەسٸن راستايدى.
