بۇگىندە قازاقستان حالقى اسسامبلەياسى ەلىمىزدەگى ۇلتارالىق تاتۋلىقتى ساقتاۋدا ماڭىزدى رول اتقاراتىن قوعامدىق ينستيتۋتقا اينالدى دەسەك ارتىق ايتقاندىق بولماس ەدى. ەلباسى نۇرسۇلتان نازاربايەۆتىڭ باستاماسىمەن قۇرىلعان بۇل ۇيىم ءقازىر قاناتىن كەڭگە جايىپ، ەلىمىزدە بىرلىك پەن ۇلتارالىق تاتاۋلىقتى ساقتاۋدا جاۋاپتى ورگانعا اينالدى.
پاۆلودار وبلىسى كوپ ۇلتتار مەكەندەيتىن ىرگەلى ايماق. بۇل جەردە نەگىزىنەن قازاقتار مەن ورىستار شوعىرلانعان. سول سەبەپتى وڭىردە ۇلتارالىق تاتاۋلىقتىڭ ساقتاۋ ماڭىزدى. وسىنداي ماسەلەلەردىڭ ءبارىن وبلىس اماعىنداعى ەتنومادەني بىرلەستىكتەر ءوزارا شەشىپ، تىگىسىن جاتقىزىپ كەلەدى. سول سەبەپتى وڭىردە قازاقستان حالقى اسسامبلەياسىنىڭ جۇمىسى ءوزىنىڭ وزەكتىلىگىن جوعالتقان ەمەس.
سەسسيا جۇمىسىندا ءسوز العان وبلىستىق اسسامبلەيا حاتشىلىعىنىڭ مەڭگەرۋشىسى اينۇر رايسوۆا قازىرگى تاڭدا پاۆلودار وبلىسىندا 106 ەتنومادەني بىرلەستىك جۇمىس ىستەيتىنىن العا تارتتى. ونىڭ 23ء-ى وبلىس اۋماعىندا جۇمىس ىستەسە، 83ء-ى قالا مەن اۋدان ورتالىقتاردا جۇمىس ىستەۋدە.
بۇگىندە وبلىس اۋماعىنداعى ەتنومادەني بىرلەستىكتەردىڭ مۇشەلەرى وزدەرىنىڭ ءسالت-داستۇرىن دامىتىپ، ەلىمىزدەگى دوستىق پەن بەرەكە بىرلىكتى دامىتۋعا بەلسەندى تۇردە ارالاسىپ كەلەدى.
قازىرگى تاڭدا اسسامبلەيا وبلىس اۋماعىنداعى ۇلتارالىق تاتۋلىقتىڭ دامۋىنا بارىنشا ىقپال ەتۋدە. بۇگىندە وبلىستىق فيليالدىڭ قۇرامىنداعى قوعامدىق كەلسىم كەڭەسى، «اقساقالدار القاسى» ارداگەرلەر كەڭەسى جانە مەدياسيا ورتالىعىنىڭ جۇمىسى قوعام ءۇشىن ناتيجەلى بولىپ تۇرعانىن اتاپ ايتۋعا بولادى. قازاقستان حالقى اسسامبلەياسىنىڭ جانىنان قۇرىلعان بۇل ۇيىمدارى وسكەلەڭ ۇرپاقتى قازاقستاندىق پوتروتيزمگە تاربيەلەپ كەلەدى.
– اسسامبلەيا جۇمىسىن جانداندىرۋدا بىزدەر ءبىرىنشى كەزەكتە قازاقستاندىق ءپوتروتيزمدى نىعايتۋعا كۇش سالىپ كەلەمىز. بۇل ءبىزدىڭ ۇيىمنىڭ باستى تەمىرقازعى دەسەك بولادى. بۇدان باسقا وبلىس اۋماعىندا ازاماتتىق تەڭقۇقىقتىق پرينسپتەرىنىڭ ساقتالۋىنا دا باسا كوڭىل ءبولىپ وتىرمىز، – دەدى اينۇر رايسوۆا.
پاندەميا كەزىندە اسسامبەليانىڭ جۇمىسىنا ءبىراز وزگەرىستەر ەنگەنى بەلگىلى. بۇگىندە ۇيىم قايىرىمدىلىق ءىس-شارالارىن ۇيىمداستىرۋعا ايرىقشا كوڭىل بولۋدە. وسى رەتتە پاۆلودار وبلىسىنداعى اسسامبلەيا بەلسەندىلەرى «قايىرىمدى ىستەر مارافونىنا» جۇزەگە اسىرۋعا بەلسەنە قاتىسىپ، كومەككە مۇقتاج جاندارعا بارىنشا قولداۋ كورسەتكەنىن ايتا كەتۋىمىز كەرەك. ىندەت ەل ازاماتتارىن بۇرىننان دا بىرىكتىرە تۇسكەنى بەلگلى. پالودارلىقتار دا كارانتين كەزىندە كومەككە مۇقتاج جاندارعا قامقورلىق كورسەتىپ، قيىندىقتى ەڭسەرۋگە ءوز ۇلەستەرىن قوستى.
باسقوسۋدا س.تورايعىروۆ اتىنداعى پاۆالودار مەملەكەتتىك ۋنيۆەرسيتەتىنىڭ قىزمەتكەرى ساۋلە مامىتوۆا وبلىستا اشتىق جىلدارى جانە ساياسي قۋعىن-سۇرگىنگە ۇشىراعان تۇلعالاردى اقتاۋ جۇمىستارى قالاي ءجۇرىپ جاتقانىنا توقتالدى. قازىرگى تاڭدا ساياسي-قۋعىن سۇرگىن كەزىندە جالعان جالانىڭ قۇربانى بولعان 13 مىڭنان استام بار.
قاسيەتتى كەرەكۋ جەرى قازاقتىڭ نەبىر جايساڭدار ومىرگە اكەلگەن كيەلى مەكەن دەسەك بولادى. قىلىشىنان قان تامعان كەڭەس زامانىندا ەل مۇددەسىن كوزدەگەن تالاي ازاماتتار ناقاقتان-ناقاق قۋعىن-سۇرگىننىڭ قۇربانى بولىپ كەتكەنى جاسىرىن ەمەس.
بۇگىندە سولاردى اقتاپ، ولاردىڭ ەل مۇددەسى جولىندا ىستەگەن جۇمىستارىن جاڭعىرتۋ اسسامبلەيا بەلسەندىلەرىنىڭ باستى جۇمىستارىنىڭ بىرىنە اينالدى. ويتكەنى قازاقستان حالقى اسسامبلەياسىنا مۇشە كەز كەلگەن ازاماتتىڭ اتالارى، ەتجاقىن تۋىستارى رەپرەسسيا قۇربانى بولعان. بۇل ناۋبەت ەلىمىزدىڭ باسىنا قانداي قيىندىقتار اكەلگەنىن جاقسى بىلەدى. سوندىقتان ولار ساياسي قۋعىن-سۇرگىن قۇرباندارىن اقتاۋ ىسىنە ءبىر كىسىدەي اتسالىسىپ، تاريح قويناۋىنان اقتاڭداقتارىمىزدى ارشۋعا قۇلشىنا كىرىسىپ وتىر.
جيىن سوڭىندا ءسوز العان وبلىس اكىمى ءابىلقايىر سقاقوۆ قوعامدىق كەلىسىم مەن ۇلتارالىق تاتۋلىقتى ساقتاۋ ىسىندە اسسامبلەيا بەلسەندىلەرى الدىعى لەكتە بولۋى كەرەك ەكەنىن تاپسىردى. اكىمنىڭ ويىنشا، بۇل – ءۇشىن وڭىردە ديالوگ الاڭدارىنىڭ كەڭەيتىپ، جاستاردى تارتۋ كەرەك.
