سقو-دا قوعامدىق كەلٸسٸم مودەلٸن زەردەلەگەن عىلىمي جوبالار بايقاۋى مەرەسٸنە جەتتٸ
ٶڭٸردە بۇل بايقاۋ جىل سايىن تۇراقتى ۇيىمداستىرىلىپ كەلە جاتقانىن ايتا كەتۋٸمٸز كەرەك. بايقاۋدى ۇيىمداستىرۋ ٸسٸنە سولتٷستٸك قازاقستان وبلىسىنداعى «قوعامدىق كەلسٸم» مەكەمەسٸ مەن جەرگٸلٸكتٸ عىلىمي ورتا بەلسەندٸ تٷردا ارالاسۋدا.
بايقاۋ قورىتىندىسىندا سٶز العان «ٶرلەۋ» مۇعالٸمدەردٸڭ بٸلٸمٸن جەتٸلدٸرۋ ينستيتۋتىنىڭ وبلىستاعى فيليالىنىڭ جەتەكشٸسٸ, پەداگوگيكا عىلىمدارانىڭ دوكتورى الما مۋرزالينوۆا ەلٸمٸزدە ەتنوساياسي جاعدايدىڭ قالىپتاسۋىنا عىلىمي تۇرعىدان تالداپ كٶرسەتۋدٸڭ ماڭىزى زور ەكەنٸن اتاپ كٶرسەتتٸ. سقو جىل سايىن ۇيىمداستىرىلاتىن بۇل بايقاۋ ٶڭٸردەگٸ قوعامدىق كەلسٸمدٸ نىعايتۋعا ٶز ٷلەسٸن قوسىپ كەلەدٸ.
– بٸزدٸڭ وبلىسىمىزدا قوعامدىق كەلسٸم مەن ەتنوساياسي جاعدايلاردىڭ ماڭىزىن عىلىمي تۇرعىدان تٷسٸندٸرٸپ بەرەتٸن عىلىمي كادرلار شوعىرى قالىپتاسقان. سول سەبەپتٸ وبلىسىمىزدا بۇل بايقاۋ ٷزدٸكسٸز ۇيىمداستىرىپ كەلەمٸز, – دەيدٸ الما مۋرزالينوۆا.
سوڭعى ۋاقىتتارى بايقاۋعا قاتىسۋعا جاس عالىمدار دا قاتىسىپ, قىزىعۋشىلىق تانىتىپ وتىرعانىن اتاپ ايتۋعا بولادى.
بيىلعى بايقاۋعا 4 عىلىمي جوبا توپ جاردى. بٸر جوبا وسىعان دەيٸن رەسپۋبليكالىق جوبالارعا قاتىسقاندىقتان كەرٸ قايتارىلعان.
ساراپشىلار بۇل جوبالار ەلٸمٸزدەگٸ قوعامدىق كەلسٸم مەن ۇلتارالىق تاتۋلىقتىڭ مەنٸ مەن مازمۇنىن اشىپ كٶرسەتەتٸن ماڭىزدى جۇمىستار ەكەنٸن ايتتى. جيىن سوڭىندا بايقاۋعا جوبالارىن ۇسىنعان عالىمدارعا ارنايى سەرتيفيكات پەن باعالى سىيلىقتار تاپسىرىلدى.
