SQO-da qoǵamdyq kelisim modelin zerdelegen ǵylymi jobalar baiqaýy máresine jetti
Óńirde bul baiqaý jyl saiyn turaqty uiymdastyrylyp kele jatqanyn aita ketýimiz kerek. Baiqaýdy uiymdastyrý isine Soltústik Qazaqstan oblysyndaǵy «Qoǵamdyq kelsim» mekemesi men jergilikti ǵylymi orta belsendi túrda aralasýda.
Baiqaý qorytyndysynda sóz alǵan «Órleý» muǵalimderdiń bilimin jetildirý institýtynyń oblystaǵy filialynyń jetekshisi, pedagogika ǵylymdaranyń doktory Alma Mýrzalinova elimizde etnosaiasi jaǵdaidyń qalyptasýyna ǵylymi turǵydan taldap kórsetýdiń mańyzy zor ekenin atap kórsetti. SQO jyl saiyn uiymdastyrylatyn bul baiqaý óńirdegi qoǵamdyq kelsimdi nyǵaitýǵa óz úlesin qosyp keledi.
– Bizdiń oblysymyzda qoǵamdyq kelsim men etnosaiasi jaǵdailardyń mańyzyn ǵylymi turǵydan túsindirip beretin ǵylymi kadrlar shoǵyry qalyptasqan. Sol sebepti oblysymyzda bul baiqaý úzdiksiz uiymdastyryp kelemiz, – deidi Alma Mýrzalinova.
Sońǵy ýaqyttary baiqaýǵa qatysýǵa jas ǵalymdar da qatysyp, qyzyǵýshylyq tanytyp otyrǵanyn atap aitýǵa bolady.
Biylǵy baiqaýǵa 4 ǵylymi joba top jardy. Bir joba osyǵan deiin respýblikalyq jobalarǵa qatysqandyqtan keri qaitarylǵan.
Sarapshylar bul jobalar elimizdegi qoǵamdyq kelsim men ultaralyq tatýlyqtyń máni men mazmunyn ashyp kórsetetin mańyzdy jumystar ekenin aitty. Jiyn sońynda baiqaýǵa jobalaryn usynǵan ǵalymdarǵa arnaiy sertifikat pen baǵaly syilyqtar tapsyryldy.
