اقتوبەدە AMANAT پارتياسى اتىنان سايلانعان قالالىق ءماسليحات دەپۋتاتى اسلان قايىرعالييەۆكە تويداعى ارەكەتى ءۇشىن سوگىس جاريالاندى، دەپ حابارلايدى Dalanews.kz.
الەۋمەتتىك جەلىدە تاراعان ۆيدەودا شەنەۋنىك قالىڭ جۇرتتىڭ كوزىنشە بۋما-بۋما اقشانى بەتاشار تاباعىنا ماقتانىشپەن سالىپ جاتقانى كورىنەدى. بۇل جاعداي قوعامدا قىزۋ تالقىعا ءتۇسىپ، سىنعا ۇشىرادى.
ايتا كەتەيىك، دەپۋتاتتىڭ اكەسى اسقار قايىرعالييەۆ قازىرگى ۋاقىتتا اقتوبە وبلىسىنداعى ويىل اۋدانى اكىمى قىزمەتىن اتقارادى.
وقيعاعا قاتىستى تۇسىنىكتەمە بەرگەن اسلان قايىرعالييەۆ اتالعان قاراجاتتىڭ وزىنە تيەسىلى ەمەس ەكەنىن، ونى دوستارى ورتاق سىيلىق رەتىندە جيناعانىن ايتتى. سونىمەن قاتار ول AMANAT پارتياسىنىڭ دەپۋتاتى رەتىندە كوپشىلىك الدىندا ورىنسىز ارەكەتكە جول بەرگەنىن مويىنداپ، الداعى ۋاقىتتا مۇنداي جاعدايدى قايتالاماۋعا ۋادە بەردى.
