2026 جىلعى 1 شٸلدەدەن باستاپ قازاقستاندا پرەزيدەنت قول قويعان №253-VIII قۇرىلىس كودەكسٸ كٷشٸنە ەنەدٸ. وسى سەتتەن باستاپ قۇرىلىس سالاسى جاڭا ەرەجەلەر بويىنشا جۇمىس ٸستەي باستايدى, دەپ حابارلايدى Dalanews.kz.
تۇرعىن ٷي نارىعىنا قاتىسۋشىلارعا – قۇرىلىس كومپانييالارىنا دا, ساتىپ الۋشىلارعا دا ەسەر ەتەتٸن نەگٸزگٸ ٶزگەرٸستەر تۋرالى Qazaq Expert Club ساراپشىسى, قۇرىلىس سالاسىنىڭ مامانى ديليارا سەيتنۋروۆا ايتىپ بەردٸ.
ونىڭ سٶزٸنشە, بۇعان دەيٸن سالا ٶزارا ٷيلەسٸمٸ ەردايىم ساقتالا بەرمەيتٸن زاڭدار مەن زاڭعا تەۋەلدٸ اكتٸلەر جيىنتىعىمەن رەتتەلٸپ كەلگەن. ال جاڭا كودەكس بٸرىڭعاي جٷيە قالىپتاستىرىپ, نىساننىڭ بٷكٸل ٶمٸرلٸك تسيكلٸن – جوبالاۋدان باستاپ پايدالانۋعا بەرۋگە دەيٸن قامتيدى.
ساراپشىنىڭ ايتۋىنشا, ەڭ الدىمەن كەپٸلدٸك مٸندەتتەمەلەر مەرزٸمٸ ۇلعايادى: ەندٸ نىسانعا – 5 جىل, ال كونسترۋكتيۆتٸك ەلەمەنتتەرگە – 10 جىلعا دەيٸن بەلگٸلەنەدٸ.
«كٶپتەگەن كٷردەلٸ اقاۋلار – جارىقتار, قابىرعالاردىڭ توڭۋى, كونسترۋكتسييالىق مەسەلەلەر – العاشقى جىلى ەمەس, كەيٸنٸرەك بايقالادى.
سونىمەن قاتار كەپٸلدٸك تەك دۇرىس رەسٸمدەلگەن قابىلداۋ كەزٸندە عانا جۇمىس ٸستەيدٸ. ەگەر قابىلداۋ اكتٸسٸ ەسكەرتۋسٸز قول قويىلسا, نىساندى تاپسىرعان سەتتە اقاۋ بولعانىن دەلەلدەۋ ەلدەقايدا قيىن بولادى. سوندىقتان قابىلداۋ كەزٸندە فوتو, ۆيدەو تٷسٸرۋ جەنە كەلٸسپەۋشٸلٸك اكتٸسٸن جاساۋ مٸندەتتٸ تەجٸريبەگە اينالۋى تيٸس», – دەيدٸ سەيتنۋروۆا.
تاعى بٸر ماڭىزدى جاڭالىق – ادال ەمەس قۇرىلىس سالۋشىلاردىڭ تٸزٸلٸمٸ ەنگٸزٸلەدٸ. بۇل رەەستر eGov جەنە ٶنەركەسٸپ جەنە قۇرىلىسقا جاۋاپتى مەملەكەتتٸك ورگاندار پورتالدارىندا ورنالاستىرىلادى. مۇنداي قۇرال نارىقتىڭ اشىقتىعىن ارتتىرىپ, سەنٸمدٸ كومپانييالارعا بەسەكەلٸك ارتىقشىلىق بەرەدٸ, ال ساتىپ الۋشىلار تەۋەكەلدٸ الدىن الا باعالاي الادى.
ساراپشىنىڭ پٸكٸرٸنشە, كٶپ جاعدايدا ەلەنبەي قالاتىن ٶزگەرٸستەردٸڭ بٸرٸ – ەگجەي-تەگجەيلٸ جوسپارلاۋ جوبالارىن (پدپ) تٷزەتۋگە قويىلاتىن شەكتەۋلەر. ەندٸ مۇنداي ٶزگەرٸستەر ەكٸ جىلدا بٸر رەتتەن جيٸ ەنگٸزٸلمەيدٸ جەنە تەك باس جوسپار اياسىندا جٷزەگە اسادى.
بۇل بۇرىن بەكٸتٸلگەننەن كەيٸن قۇرىلىس پارامەترلەرٸن – تىعىزدىق, قابات سانى, فۋنكتسيونالدىق ماقساتىن – ناقتى جوبالارعا بەيٸمدەپ ٶزگەرتۋ تەجٸريبەسٸن شەكتەيدٸ.
مۇنىڭ نەتيجەسٸندە قالالارداعى رەتسٸز قۇرىلىس ازايۋى تيٸس. ياعني قوعامدىق كەڭٸستٸكتەردٸڭ ورنىنا نەمەسە از قاباتتى اۋدانداردا كٶپقاباتتى عيماراتتاردىڭ پايدا بولۋ جاعدايلارى سيرەك كەزدەسەدٸ.
سونىمەن قاتار, سەيتنۋروۆانىڭ پٸكٸرٸنشە, كودەكس ساتىپ الۋشىلاردى قورعاۋدى كٷشەيتكەنٸمەن, تۇرعىن ٷي باعاسىنىڭ تٶمەندەۋٸنە ەكەلمەيدٸ. كەرٸسٸنشە, تالاپتاردىڭ كٷشەيۋٸ, كەپٸلدٸك مٸندەتتەمەلەردٸڭ ارتۋى جەنە جوبالاردىڭ يكەمدٸلٸگٸنٸڭ ازايۋى شارشى مەتر قۇنىنا ەسەر ەتەدٸ.
«جاڭا قۇرىلىس كودەكسٸ نارىق ٷشٸن اناعۇرلىم اشىق ەرٸ قاتاڭ ەرەجەلەردٸ قالىپتاستىرادى. قۇرىلىس سالۋشىلارعا قويىلاتىن تالاپتار ارتىپ, “كٶلەڭكەلٸ” تەجٸريبەلەر قىسقارادى. ال ساتىپ الۋشىلار ٷشٸن قورعانىس دەڭگەيٸ جوعارىلايدى.
الايدا قۇرىلىس ساپاسىنىڭ ايتارلىقتاي جاقسارۋى بٸردەن بايقالمايدى, بۇل بٸرنەشە جىل ٸشٸندە, جاڭا نورمالار بارلىق كەزەڭدە جٷيەلٸ تٷردە قولدانىلعان كەزدە كٶرٸنەدٸ», – دەپ تٷيٸندەدٸ ديليارا سەيتنۋروۆا.
