رەسەي 1 مامىردان باستاپ قازاقستان مۇنايىن گەرمانيياعا درۋجبا مۇناي قۇبىرى ارقىلى جەتكٸزۋدٸ توقتاتۋدى جوسپارلاپ وتىر. بۇل تۋرالى Reuters اگەنتتٸگٸ سالالىق ٷش دەرەككٶزگە سٸلتەمە جاساپ حابارلادى, دەپ حابارلايدى Dalanews.kz.
اگەنتتٸك مەلٸمەتٸنشە, جاڭارتىلعان جەتكٸزۋ كەستەسٸ قازاقستان مەن گەرمانيياعا جٸبەرٸلگەن. دەرەككٶزدەر بۇل اقپاراتتى جاسىرىن تٷردە راستاعان.
حابارلامادا رەسەي مەن گەرمانييا اراسىنداعى ساياسي جەنە ٸسكەرلٸك قارىم-قاتىناستار ۋكرايناداعى سوعىس اياسىندا ناشارلاعانى ايتىلعان. بەرلين كيەۆتٸ قولدايدى.
رەسەي ەنەرگەتيكا مينيسترلٸگٸ Reuters ساۋالىنا بٸردەن جاۋاپ بەرمەگەن. ال كرەملدٸڭ باسپاسٶز حاتشىسى دميتريي پەسكوۆ مۇنداي جوسپارلار تۋرالى بٸلمەيتٸنٸن مەلٸمدەدٸ.
«بٸز مۇنى تەكسەرۋگە تىرىسامىز», – دەدٸ ول بريفينگ بارىسىندا.
Reuters دەرەگٸنشە, 2022 جىلى گەرمانييا روسنەفت كومپانيياسىنىڭ ەلدەگٸ بٶلٸمشەلەرٸن سىرتقى باسقارۋعا بەرگەن. بۇل مەسكەۋ مەن بەرلين اراسىنداعى ۇزاق جىلعى ەنەرگەتيكالىق بايلانىستاردىڭ ٷزٸلۋٸنە ەكەلگەن.
2025 جىلى قازاقستان مۇنايىنىڭ گەرمانيياعا ەكسپورت كٶلەمٸ 2,146 ملن توننانى نەمەسە تەۋلٸگٸنە شامامەن 43 مىڭ باررەلدٸ قۇراعان. بۇل 2024 جىلمەن سالىستىرعاندا 44%-عا كٶپ.
جەتكٸزٸلٸمدەر «درۋجبانىڭ» پولشا ارقىلى ٶتەتٸن سولتٷستٸك تارماعى ارقىلى جٷزەگە اسىرىلادى. الايدا سوڭعى ۋاقىتتا رەسەي اۋماعىنداعى قۇبىر ينفراقۇرىلىمىنا جاسالعان درون شابۋىلدارى سالدارىنان تاسىمالداۋ بٸرنەشە رەت بۇزىلعان.
اتالعان باعىت بويىنشا مۇنايدىڭ بٸر بٶلٸگٸن گەرمانيياداعى ٸرٸ مۇناي ٶڭدەۋ زاۋىتتارىنىڭ بٸرٸ – شۆەدت قالاسىنداعى PCK زاۋىتى الادى. بۇل كەسٸپورىن 2022 جىلى رەسەي مۇنايىنان باس تارتقاننان كەيٸن قازاقستان مۇنايىنا كٶشكەن.
