نەگىزى، پرەزيدەنت مۇنداي تاپسىرمانى بەكەرگە بەرگەن جوق. ەل جاڭارىپ جاتىر، جەر جاڭارىپ جاتىر. الەم وزگەرۋدە. جاڭا تەحنولوگيالار ءبىر كەزگى «سابەتتىك» ەسكى-قۇسقى قۇندىلىقتاردىڭ ورنىن الماستىرۋدا. بۇل تۇرعىدا، اسىرەسە، 2009 جىل «تەحنولوگيالىق ءدۇمپۋدىڭ» كەزى بولدى.
دامير شىنىبەكوۆ، حالىقارالىق اقپاراتتىق تەحنولوگيالار ۋنيۆەرسيتەتىنىڭ رەكتورى:
ءبىز اعىلشىن ءتىلىن تەرەڭدەتىپ وقىتامىز
– حالىقارالىق اقپاراتتىق تەحنولوگيالار ۋنيۆەرسيتەتى – بۇل قازاقستاننىڭ يننوۆاسيالىق ستراتەگياسىنا جاۋاپ بەرەتىن جانە سوعان ساي باسەكەگە قابىلەتتى ءىت ماماندار ازىرلەپ شىعاراتىن ەلىمىزدىڭ جەتەكشى وقۋ ورنى.
ءىت ۋنيۆەرسيتەتى – قازاقستان عانا ەمەس، ورتالىق ازيا وڭىرىندە ۇزدىك. مۇنى مەملەكەت كورىپ وتىر. وسى سەبەپتى بيىل بىزگە ۇكىمەت تاراپىنان 500 گرانت بەرىلدى.
ءبىز اعىلشىن ءتىلىن تەرەڭدەتىپ وقىتامىز. ءبىز امەريكانىڭ ۇستانىمىن قولدايمىز، ياعني، ادامنىڭ جەكە قاسيەتتەرى مەن شىعارماشىلىق تالانتىن شىڭدايمىز.
بولاشاق – بوس ءسوز ەمەس
بۇدان سىرت، «قازاقستان-2030»، «قازاقستان-2050» ستراتەگياسى، قازاقستاننىڭ دامۋ ستراتەگياسى، ودان قالدى «نۇرلى جول» بار. بۇلاردىڭ بارلىعى بولاشاققا باعىتتالعان باعدارلامالار.
ءبىزدىڭ، جالپى ادام بالاسىنىڭ تۇسىنىگىندە بولاشاق دەگەنىمىزدىڭ ءوزى باقىتتى ءومىر، جاڭا تەحنولوگيالار، دامىعان الەم... سايىپ كەلگەندە، يننوۆاسيا، جاڭا تەحنولوگيالاردى ەنگىزۋ اتتى ۇعىمداردىڭ ءوزى بولاشاقپەن بايلانىستى.
ءبىراق، ەگەر بۇلاردى جۇزەگە اسىراتىن ساپالى كادر بولماسا، بولاشاق دەگەنىمىزدىڭ ءوزى انشەيىن بوس ءسوز. جاڭاشا ويلايتىن، جاڭا تيپتەگى، جاڭا كەيىپتەگى كادرلار.
مىنە، ءىت ۋنيۆەرسيتەتىن قۇرۋداعى پرەزيدەنتتىڭ كوزدەگەن ەڭ باستى ماقساتى وسى بولاتىن.
قازىرگى كۇنى بۇل وقۋ ورنى ءارى مەملەكەتتىك، ءارى جەكەمەنشىك.
مەملەكەت تاراپىنان وقۋ ورنىنداعى ءبىلىم ساپاسىن، وقۋ دەڭگەيىن ينۆەستيسيا جانە دامۋ مينيسترلىگى قاداعالايدى.
اتاپ ايتقاندا، وسى ۆەدومستۆوعا قاراستى «زەردە» حولدينگى ءىت ۋنيۆەرسيتەتىندەگى اتقارىلىپ جاتقان جۇمىستاردى ءاردايىم نازارىندا ۇستايدى.
سوسىن، ياعني كەلەسى كەزەكتەگى قۇرىلتايشى «نۇرسۇلتان نازاربايەۆ اتىنداعى ءبىلىم قورى». بۇل قورعا وزدەرىڭىز بىلەسىزدەر، دينارا نازاربايەۆا جەتەكشىلىك ەتەدى.
سونىمەن قاتار، بۇل ۋنيۆەرسيتەتتە جەكە بيزنەستىڭ ۇلەسى بار. اتاپ ايتقاندا، UIB (حالىقارالىق بيزنەس ۋنيۆەرسيتەتى) پرەزيدەنتى ەرلان ساعادييەۆ ءىت ۋنيۆەرسيتەتىنىڭ ساپالى، زاماناۋي ءبىلىم بەرۋىن باقىلاۋىندا ۇستاپ جۇرگەن ازاماتتاردىڭ ءبىرى.
مۇنىڭ ءبارىن بەكەرگە ايتىپ وتىرعان جوقپىز. ۋنيۆەرسيتەتتى ەكى شوقىپ، ءبىر قاراپ وتىرعان قۇرىلتايشىلار بار. باستىسى، باقىلاۋ بار. باقىلاۋ، قاداعالاۋ بولعان جەردە، ءتارتىپ پەن جۇيە بولادى.
2009 جىلى وقۋ ورنى ەڭ العاش اشىلعان تۇستا ۋنيۆەرسيتەتكە مەملەكەت تاراپىنان 312 گرانت بەرىلگەن ەدى. ال بيىلعى جىلى ءدال وسى گرانتتار سانى 500-گە جەتتى.
وسى ۋاقىتقا دەيىن ۋنيۆەرسيتەت قابىرعاسىندا 5 تەحنيكالىق، 2 ەكونوميكالىق (مەنەدجمەنت جانە قارجى) جانە ەلەكتروندى جۋرناليستيكا ماماندىعى اشىلدى. سايىپ كەلگەندە، ءدال ازىرگى كۇنى ۋنيۆەرسيتەت قازىرگى الەۋمەتتىك-ەكونوميكالىق ورتاعا قاجەتتى 8 ءتۇرلى ماماندىق يەلەرىن دايارلاپ شىعادى.
ارينە، ماگيستراتۋرا دا بار.
بۇعان ينفورماسيالىق جۇيەلەر، باعدارلامالىق قامتاماسىز ەتۋ جانە جوبالاردى باسقارۋ سالاسى قامتىلعان. ەڭ باستىسى، بۇل سالالار بويىنشا بيىل گرانت بەرىلەدى. ال بىلتىر مۇنداي بولماعان ەدى.
سونىمەن بىرگە دوكتورانتۋرا دا بار. بۇلارعا ينفورماسيالىق جۇيەلەر جانە باعدارلامامەن قامتاماسىز ەتۋدىڭ ەسەپتىك تەحنيكالار سالالارى ەنگەن.
الەم جانە ارىپتەستىك
ءدال ازىرگى كۇنى ۋنيۆەرسيتەت الەمنىڭ بەدەلدى ۋنيۆەرسيتەتتەرىمەن ارىپتەستىك بايلانىس ورناتقان دەسەك، ارتىق ەمەس. دالەلدەيىك.
بۇگىنگى تاڭدا ءىت ۋنيۆەرسيتەتىنىڭ ەڭ نەگىزگى ارىپتەسى سarnegie Mellon ۋنيۆەرسيتەتى. بۇل وقۋ ورنى الىستاعى الىپ قۇرلىق امەريكانىڭ پيتسبۋرگ قالاسىندا ورنالاسقان.
ەڭ قىزىعى، ۋنيۆەرسيتەتكە سەنىمدى سەرىكتەس ىزدەۋگە مەملەكەتتىڭ، ۇكىمەتتىڭ ءوزى اتسالىسقان.
ءىت ۋنيۆەرسيتەتىنىڭ PR جانە ماركەتينگ دەپارتامەنتىنىڭ ديرەكتورى مايراش تايكەنوۆانىڭ ايتۋىنشا، بۇگىنگى كۇنى سarnegie Mellon ۋنيۆەرسيتەتى اقپاراتتىق تەحنولوگيالار بويىنشا جاھاننىڭ توپ-5 وقۋ ورىندارىنىڭ قاتارىنا كىرەدى.
– ءبىز ولاردان ءوز سالامىزعا قاتىستى باعدارلامالاردى ساتىپ الامىز. بۇل وقىتۋ كۋرستارى... ولاردىڭ iCarnegie دەپ اتالاتىن وقۋ باعدارلاماسى بار.
ناقتىلاي كەتەيىن، قازاقستانداعى ءىت ۋنيۆەرسيتەتى اتاقتى كارنەگي ۋنيۆەرسيتەتىنىڭ تاجىريبەسىن قولدانىپ وتىرعان الەمدەگى 16-شى مەكتەپ.
سarnegie ۋنيۆەرسيتەتىنىڭ كۋرستارى كاتاردا، قىتايدا جانە باسقا دا دامىعان ەلدەردە ەرەكشە سۇرانىسقا يە. كۇللى تمد كەڭىستىگىندە ءدال ءبىزدىڭ دەڭگەيدەگى ءىت ۋنيۆەرسيتەتى جوق، – دەيدى مايراش گومار قىزى.
اڭگىمەنى ساباقتاي تۇسسەك، اتالعان كۋرستى ساتىپ العان ءىت ۋنيۆەرسيتەتىنىڭ ۇستازدارى وسى باعدارلامالار بويىنشا وزدەرىنىڭ ءبىلىمى مەن بىلىگىن جەتىلدىرەدى. ياعني، وسى كۋرس بويىنشا ساباق بەرە الادى دەگەن قۇقىققا يە بولادى. ارينە، بۇدان كەيىن ۇستازدار ءوز بىلگەندەرىن شاكىرتتەرىنە ايتىپ جەتكىزەرى، ولاردىڭ قۇلاعىنا قۇيۋعا تىرىسارى انىق.
ءىت ۋنيۆەرسيتەتىنىڭ ارتىقشىلىعى نەدە؟
باستىسى، بۇل كۋرس بويىنشا قانشالىقتى قانىق ءبىلىم العانىن تەكسەرۋ ءۇشىن ءىت ۋنيۆەرسيتەتىنىڭ ستۋدەنتتەرى امەريكاندىق تاجىريبەلى مامانداردىڭ الدىندا ەمتيحان تاپسىرادى. ال امەريكاندىق ۇستازدار بۇل ءۇشىن الىستاعى اقش-تان قازاقستانعا كەلەدى. ەمتيحاندى ءساتتى تاپسىرعان ستۋدەنتتەرگە سەرتيفيكات تابىس ەتەدى. بۇل – سarnegie سەرتيفيكاتى.
تۇسىندىرە كەتەيىك، ءقازىر ءسىزدىڭ قولىڭىزداعى قىزىل نەمەسە كوك ديپلوم قازاقستاننىڭ ءوز ىشىندە عانا جارامدى بولۋى مۇمكىن. ال سarnegie سەرتيفيكاتىن كۇللى الەم مويىندايدى.
جالپى، بىزدەگى جۇيە مەن شەتەلدىك جۇيەنىڭ اراسىندا ءالى دە ايىرماشىلىقتار كوپ-اق.
ءىت ۋنيۆەرسيتەتىنىڭ ستۋدەنتتەرىمەن اڭگىمەلەسە كەلە بىلگەنىمىز، ازىرگى كۇنى الەمدە ءدال وسىنداي سەرتيفيكاتتار مويىندالادى ەكەن، ياعني، ءبىزدىڭ قولىمىزداعى ديپلومنان دا بەدەلدى...
بۇل سەرتيفيكاتتىڭ ەرەكشەلىگى نەدە سوندا؟
مايراش تايكەنوۆانىڭ ايتۋىنشا، بۇل سەرتيفيكات ستۋدەنتتىڭ ساپالى ءبىلىم العانىن، بىلىكتى كادر ەكەنىن كورسەتەدى.
ەڭ قىزىعى، وسى سەرتيفيكاتپەن ءىت ۋنيۆەرسيتەتىنىڭ ستۋدەنتتەرى شەتەلگە شىققاندا ونداعى وقۋ ورىندارى مەن ماماندار ولاردى ءوز جەرىندە الىپ قالۋعا تىرىسادى ەكەن. سەبەبى، بەلگىلى. مۇنداي سەرتيفيكاتقا ەكىنىڭ ءبىرىنىڭ قولى جەتە بەرمەيدى.
ءىت ۋنيۆەرسيتەتى بۇگىنگە دەيىن ءدال وسىنداي سەرتيفيكات العان ەكى تولقىندى تۇلەتتى. بيىل ءۇشىنشى تولقىن امەريكاندىق ۇستازدار الدىندا ەمتيحان تاپسىرىپ، اتاقتى سarnegie سەرتيفيكاتىن قولىنا الۋعا ءۇمىتتى.
تاعى ءبىر ەرەكشەلىك.
ءىت ۋنيۆەرسيتەتىندە ساباق باسىنان اياعىنا دەيىن اعىلشىن تىلىندە وتەدى. بىزدىڭشە، بۇل وقۋ ورنىنىڭ ساباق كوشىنە ىلەسكەنىنىڭ بەلگىسى. باسقا الىپ قوسارىمىز جوق.
ءىت ۋنيۆەرسيتەتىنىڭ فيلوسوفياسى نەدە؟ ولار جۇمىسقا تۇراتىن كادرلار ەمەس، كەرىسىنشە، جۇمىس ورنىن اشاتىن ماماندار ازىرلەپ شىعارۋدى كوزدەيدى. ياعني، بيزنەس، ستارتاپ جوبالار جاسايتىن جاستار.
ال اعىلشىن ءتىلى مۇندا 3 جىل قاتارىنان اپتاسىنا 6 ساعات جۇرەدى. شىنى كەرەك، قازاقستانداعى بىردە-بىر ۋنيۆەرسيتەت بۇلاي وقىتپايدى. وسىنشاما جوعارى دەڭگەيدە كوڭىل بولمەيدى. وكىنىشكە وراي، قازاقستانداعى اعىلشىن ءتىلىن وقىتۋ ستاندارتى 2 جىل قاتارىنان اپتاسىنا 2 ساعات. بار بولعانى...
بۇل وقۋ ورنىنا تۇسۋگە تالابى بار تۇلەكتەرگە ايتارىمىز ءىت ۋنيۆەرسيتەتىندە اسكەري كافەدرا دا بار.
ارينە، اقىلى وقۋ دا بار. مۇنسىز بولمايدى. نارىق زامانى قانشا دەگەنمەن. ءبىراق، كوپتەگەن اتا-انالاردى مۇندايدا وقۋدىڭ قۇنى مازالايتىنى جاسىرىن ەمەس.
وقۋ اقىسىنىڭ قۇنى – 687 500 تەڭگە. جىلدىق وقۋ اقىسى وسىنداي. ەلەكتروندى جۋرناليستيكا مەن ينفورماتيكانىڭ جىلدىق وقۋ اقىسى – 570 000.
سالىستىرايىق. سۇلەيمان دەميرەل اتىنداعى وقۋ ورنىنداعى اقىلى وقۋ باعاسى – 750 000. كبتۋ-دا – 1 800 000! كيمەپ – 1 200 000 تەڭگە!
بايقاساڭىز، ءىت ۋنيۆەرسيتەتىندەگى اقىلى وقۋ قۇنىنىڭ باعاسى دا بايىپتى. قازىرگى زاماننىڭ تالاپ، دەڭگەيىنە ساي كەلەدى. اسىرا دا ايتىلماعان، سونىمەن بىرگە تىم تومەن دە ەمەس.
بۇل ۋنيۆەرسيتەتتىڭ وزگە قازاقستاندىق وقۋ ورىندارىنان مىناداي ارتىقشىلىعى بار.
بىرىنشىدەن، ساباق اعىلشىنشا وتەدى.
ەكىنشىدەن، ۇستازدار قاۋىمى شەتەلدەن وقىپ كەلگەن قازاقستاندىق جاستار جانە شەتەلدىك مۇعالىمدەر.
ۇشىنشىدەن، سarnegie باعدارلاماسى جانە سەرتيفيكات.
ءيا، مۇندا وقۋ وڭاي ەمەس. سەبەبى، بۇل اقپاراتتىق تەحنولوگيالار ۋنيۆەرسيتەتى. بۇل ماتەماتيكا، ەسەپ-قيساپ...
APPLE – ءىت ۋنيۆەرسيتەتىن تاڭدادى
ايتپاقشى، ارىپتەستەر تۋرالى اڭگىمەمىزدى ءۇزىپ العان سياقتىمىز.
ءىت ۋنيۆەرسيتەتى مالايزيا وقۋ ورىندارىمەن بەرىك بايلانىستا. مۇنىڭ تيىمدىلىگى نەدە دەسەڭىز، ءىت ۋنيۆەرسيتەتىندە 2 جىل ءبىلىم العان جاس ودان كەيىنگى 2 جىلدىق ءبىلىمىن مالايزيادان الادى. بۇگىنگە دەيىن وسى ارىپتەستىكتىڭ ارقاسىندا 12 ستۋدەنت وقۋىن ءتامامداپ شىقتى. جانە ەڭ باستىسى ءبىر ەمەس، باقانداي ەكى ديپلومنىڭ يەگەرى اتاندى.
وقۋ ورنى سونىمەن بىرگە بيزنەسپەن دە قويان-قولتىق ارالاسادى. بۇلاردى قازىرگى تىلمەن ۆەندورلار دەپ اتايدى.
بۇلار كىم دەسەڭىز، بىزگە تاۋار اكەلەتىن Apple، Huawei، SAP، Microsoft سياقتى كومپانيالار.
ايتالىق، اتاقتى Apple كومپانياسى قازاقستاندا العاش رەت ءدال وسى ءىت ۋنيۆەرسيتەتىندە ءوزىنىڭ ترەنينگتىك ورتالىعىن اشتى. بۇدان باسقا وزگە دە ۆەندورلاردىڭ ۇيىتقى بولۋىمەن اشىلعان 12 زەرتحانا بار.
ساپا ماسەلەسىنە قايتا ورالساق.
اقپاراتتىق تەحنولوگيالار بويىنشا الەمدە جانە قازاقستاننىڭ ءوز ىشىندە وتەتىن وليمپيادالاردا ءىت ۋنيۆەرسيتەتىنىڭ ستۋدەنتتەرى سوڭعى بىرنەشە جىل بويى بايگەنىڭ الدىن بەرمەي كەلەدى.
– Microsoft كومپانياسى وتكىزەتىن Imagine Cup حالىقارالىق تەحنولوگيالار كونكۋرسى، ACM ICPC سپورتتىق باعدارلامالاۋ بايقاۋى، ABU Robocon روبوتتار بايقاۋىندا ءبىزدىڭ ستۋدەنتتەر جىل سايىن ۇزدىك ورىننان كورىنەدى، – دەيدى وقۋ ورنىنىڭ ۇستازدارى.
زەرتحانالار تۋرالى ايتساق.
ايتالىق، اتاقتى Apple كومپانياسىنىڭ باستاماسىمەن اشىلعان زەرتحانا. ءىت ۋنيۆەرسيتەتىنە ءوز تەحنولوگيالارىن سىيعا تارتقان امەريكالىق كومپانيا مۇنىسىنان ۇتىلعان جوق. ءقازىر اتالعان وقۋ ورنىنىڭ ستۋدەنتتەرى زاماناۋي ۇيالى سمارتفوندارعا، پلانشەتتەرگە ارنالعان باعدارلامالار ازىرلەۋدە.
ناتيجە بار.
وسى ۋنيۆەرسيتەتتىڭ ۇستازى ولجاس احمەتوۆ «ەير استانا» اۋەكومپانياسىنىڭ بيلەتىن ۇيالى تەلەفون ارقىلى ونلاين ساتۋعا بولاتىن قوسىمشا (پريلوجەنيە) جاساپ شىعارعان.
2009 جىلى وقۋ ورنى ەڭ العاش اشىلعان تۇستا ۋنيۆەرسيتەتكە مەملەكەت تاراپىنان 312 گرانت بەرىلگەن. ال بيىلعى جىلى ءدال وسى گرانتتار سانى 500-گە جەتتى.
ءسىز الەمدىك 4 ترەندتى بىلەسىز بە؟
ءقازىر الەمدە 4 ترەند بار. بۇل بىزگە دە قاتىستى. ءبىراق، نارىقتىڭ اۋقىمى شاعىن بولعاندىقتان ءۇردىس باياۋ جۇرۋدە.
1ء-شىسى: سloud computing. بۇل نە؟ مىسالعا، دروببوكس باعدارلاماسى بار. وسى ارقىلى ءسىز بۇگىندە وزىڭىزگە قاجەتتى مالىمەتتى ديسكىگە، فلەشكاعا ساقتاپ جۇرمەيسىز. الەمدىك عالامتور ارحيۆىنە سالاسىز.
2ء-شىسى: Big Data. مىسالعا، بىزدە ەلەكتروندى ۇكىمەت بار. ونداعى مالىمەت قورى وراسان. ءدال قازىرگى كۇنى وسى مالىمەتتەردى قولدانا وتىرىپ بەلگىلى ءبىر قىزمەت ءتۇرىن جاساپ شىعارۋعا بولادى. بۇل تاراپتا ءىت ۋنيۆەرسيتەتىنىڭ ستۋدەنتتەرى e-gov مالىمەتىن قولدانا وتىرىپ ەلىمىزدەگى بالاباقشالاردىڭ ءتىزىمىن، ونداعى بوس ورىنداردىڭ، كەزەكتەردىڭ ەسەبىن تۇزگەن.
3ء-شى: ءموبيلدى قوسىمشالار. بىزدەگى ينتەرنەت قولدانۋشىلاردىڭ سانى قانشا؟ ءيا، 17 ملن ادام بار. سونىڭ ىشىندە 7 ملن ادام ينتەرنەت قولدانۋشىلار ەكەن. بۇلاردىڭ ىشىندە عالامتوردى تۇراقتى پايدالاناتىنداردىڭ سانى 2 ملن-دى قۇرايدى.
ال اتاقتى Appstore قوسىمشالار دۇكەنىن كۇللى الەم پايدالانادى. ميلليون، ميلليارد ادام... ءموبيلدى قوسىمشالار. بۇل دا بۇگىنگى كۇننىڭ ترەندى.
4ء-شىسى: ينتەرنەت-زاتتار. ياعني، تاۋاردى ينتەرنەت ارقىلى ساتۋ. ءىت ۋنيۆەرسيتەتىنىڭ ستۋدەنتتەرى مۇنى دا جەتە مەڭگەرىپتى.
ءبىراق، بىزدە بۇل نارىق ءالى دە «ءولى». ساۋدانىڭ بۇل ءتۇرى ءبىزدىڭ نارىقتىڭ 1 پايىزىن عانا قۇرايدى. وسى 1 پايىزدى ءىت ۋنيۆەرسيتەتىنىڭ ستۋدەنتتەرى يەمدەنگەن!
ينتەرنەت ساۋدا اتتى جاڭا، زاماناۋي بيزنەستى مەڭگەرگەن ءىت ۋنيۆەرسيتەتىنىڭ جاس كاسىپكەرلەرىمەن تانىس بولعىڭىز كەلە مە؟
ايتالىق، وسى وقۋ ورنىنىڭ ستۋدەنتى باتىرحان تايكەن ۇيالى قوسىمشا ارقىلى گۇل ساتادى. ياعني، بۇل قوسىمشانى جۇكتەگەن ادامدار گۇل الۋ ءۇشىن دۇكەنگە بارماي، ۇيدە وتىرىپ-اق تاپسىرىس بەرە الادى.
ءىت ۋنيۆەرسيتەتىنىڭ ستۋدەنتتەرى قازاقستانداعى جاڭا بيزنەس ءتۇرىنىڭ دامۋىنا جول اشاتىن العاشقى تولقىن بولۋى ابدەن مۇمكىن.
بىلسەڭىز، امەريكاداعى جاستاردىڭ 64 پايىزى ازىرگى كۇنى وسى ينتەرنەت، اقپاراتتىق تەحنولوگيالار بيزنەسىندە. بۇل ترەند، باسقا نە دەيمىز.
ءىت ۋنيۆەرسيتەتىنىڭ فيلوسوفياسى نەدە؟ ولار جۇمىسقا تۇراتىن كادرلەر ەمەس، كەرىسىنشە جۇمىس ورنىن اشاتىن ماماندار ازىرلەپ شىعارۋدى كوزدەيدى. ياعني، بيزنەس، ستارتاپ جوبالار جاسايتىن جاستار.
بۇعان ءبىرىنشى كەزەكتە ۋنيۆەرسيتەتتىڭ ءوزى قولداۋ كورسەتەدى. دالەل كەرەك پە، ايتايىق. قازىرگى كۇنى ءىت ۋنيۆەرسيتەتى اياسىندا HackDay يدەيالار فەستيۆالى وتەدى. فەستيۆال اياسىندا 4 ادامنان تۇراتىن ستۋدەنتتەر ۇجىمى ءوز يدەيالارىن ۇسىنىپ، كەيىننەن ونى جوبا جۇزىندە ىسكە اسىرادى.
بيىلعى جىلى وسى فەستيۆالعا قازاقستاننىڭ ءار تۇكپىرىنەن 1500-دەن اسا ونەرتاپقىش جينالدى. ءونىم ءتۇرى: اقپاراتتىق تەحنولوگيالار، كينو جانە ۆيدەو، كونتەنت، مۋلتيمەديا، ۇيالى قوسىمشالار جانە ۆەب-ديزاين يدەياسى.
اقپاراتتىق تەحنولوگيالارعا قاتىستى مۇنداي جوبالار ۋنيۆەرسيتەتتە جەتىپ ارتىلادى. جىلىنا 60-70 جوبا نازارعا الىنىپ، ونىڭ ىشىندە 10-عا تارتا جوبا كوممەرسيالانادى ەكەن. كوردىڭىز بە؟
وسى ۋاقىتقا دەيىن ۋنيۆەرسيتەت قابىرعاسىندا 5 تەحنيكالىق، 2 ەكونوميكالىق (مەنەدجمەنت جانە قارجى) جانە ەلەكتروندى جۋرناليستيكا ماماندىعى اشىلدى. سايىپ كەلگەندە، ءدال ازىرگى كۇنى ۋنيۆەرسيتەت قازىرگى الەۋمەتتىك-ەكونوميكالىق ورتاعا قاجەتتى 8 ءتۇرلى ماماندىق يەلەرىن دايارلاپ شىعادى.
ءسىز ەستىپ پە ەدىڭىز؟
[caption id="attachment_11117" align="alignright" width="436"]
حالىقارالىق اقپاراتتىق تەحنولوگيالار (ءىت) ۋنيۆەرسيتەتىنىڭ ستۋدەنتتەرى جاساپ شىعارعان روبوتتار. [/caption]
قازاق كلاۆياتۋراسىن ويلاپ تاپقان ءدال وسى ءىت ۋنيۆەرسيتەتىنىڭ ستۋدەنتتەرى. دياس جۇنىسبەكوۆ جانە ەرعالي ادامبايەۆ.
بۇگىنگە دەيىن بۇل پەرنەتاقتانىڭ 1000-نان استام داناسى ساتىلىپ كەتىپتى. الداعى ۋاقىتتا بۇل پەرنەتاقتا بارلىق مەكتەپتەر مەن وقۋ ورىندارىنا تارالماق.
ال وسى ۋنيۆەرسيتەتتىڭ تاعى ءبىر تۇلەگى الىبەك جاقىپوۆ حابارلامانى قۇپيالانعان تۇردە جىبەرەتىن قوسىمشانى ويلاپ تاۋىپتى. قالاي دەيسىز عوي؟ مىسالعا، ءسىز بىرەۋگە ماڭىزدى حابارلاما جىبەرۋىڭىز كەرەك. ءبىراق، ول الۋشىعا عانا ارنالۋى ءتيىس.
الىبەك ويلاپ تاپقان باعدارلاما ۇيالى تەلەفون جازىلعان حابارلامانى قۇپيالاپ تاستايدى. جىبەرگەن ادامنىڭ حاتىن وقۋ ءۇشىن الۋشىدا دا ءدال وسىنداي قوسىمشا ورناتىلۋى ءتيىس. ەستۋىمىزشە، ءقازىر بۇل باعدارلاماعا ەلىمىزدىڭ قاۋىپسىزدىك ورگاندارى قىزىعۋشىلىق تانىتىپ وتىرعانعا ۇقسايدى...
وسى ۋنيۆەرسيتەتتىڭ تاعى ءبىر دارىندى ستۋدەنتى داستان ارىنعازى iBeacon دەپ اتالاتىن قۇرىلعى ويلاپ تاپقان. وسى قۇرىلعى ارقىلى بەلگىلى ءبىر ءىرى ساۋدا ورنىنا، ونىڭ بۋتيكتەرى مەن جەڭىلدىكتەرىنە قاتىستى مالىمەتتەر الا الاسىز. مۇنى باسقا دا مەكەمەلەرگە ورناتۋعا بولادى.
تاعى ءبىر ايتا كەتەر جايت، ءىت ۋنيۆەرسيتەتىندە روبوتقۇراستىرۋ زەرتحاناسى بار!
ۋنيۆەرسيتەت ستۋدەنتتەرى حالىققا اقپارات بەرەتىن «ارمان» جانە «شولپان» دەپ اتالاتىن گيد-روبوتتار جاساپ شىقتى. الداعى ۋاقىتتا بۇلار ەلىمىزدەگى حالىققا قىزمەت كورسەتۋ ورتالىقتارىنا ورناتىلماق.
P.S. ءسوزىمىزدى تۇيىندەي ايتساق، بۇل ۋنيۆەرسيتەت ەڭ الدىمەن ساپاعا ءمان بەرەدى. سودان دا شىعار، بۇل وقۋ ورنىن بىتىرگەن ستۋدەنتتەردىڭ 98 پايىزى جۇمىسقا ورنالاسادى ەكەن. بيىلعى جىلى وقۋ بىتىرگەن شاكىرتتەردىڭ 41 پايىزى ءالى ديپلوم الماي جاتىپ جۇمىسقا ورنالاسىپ ۇلگەرگەن. بىلتىرعى جىلى بۇل كورسەتكىش 27 پايىزدى قۇراعان ەدى. بۇل نەنىڭ بەلگىسى؟ بۇل سۇرانىستىڭ جوعارى ەكەندىگىنىڭ كورىنىسى، البەتتە.
تۇلەكتەر نازارىنا!
ءىت ۋنيۆەرسيتەتىندەگى «ەلەكتروندى جۋرناليستيكا» ماماندىعى ەلەكتروندى اقپارات قۇرالدارىنا ارنالعا ماماندار دايارلايدى. جاڭا مۋلتيمەديالىق، اقپاراتتىق تەحنولوگيالار بۇل سالاعا قىزىققان جاستاردى ەلەڭ ەتكىزەرى انىق.
«ەلەكتروندى جۋرناليستيكا» ماماندىعى قۇجات قابىلداۋ مەرزىمى نەبارى 10 كۇن: 20 ماۋسىم مەن 1 شىلدەنىڭ ارالىعى. شىعارماشىلىق ەمتيحاندار: 3 جانە 7 شىلدەنىڭ ارالىعى.
