الماتىدا Almaty Museum of Arts زاماناۋي ٶنەر مۋزەيٸنٸڭ تانىستىرىلىمى ٶتتٸ. ٸس-شاراعا قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا, الماتى قالاسىنىڭ ەكٸمٸ دارحان ساتىبالدى, كەسٸپكەر ەرٸ مەتسەنات نۇرلان سماعۇلوۆ, قازاقستاندىق جەنە شەتەلدٸك مەدەنيەت قايراتكەرلەرٸ, سونداي-اق, 30-دان استام حالىقارالىق باسىلىم ٶكٸلدەرٸ قاتىستى, دەپ حابارلايدى Dalanews.kz.
جيىندا سٶز العان مەدەنيەت جەنە اقپارات مينيسترٸ بۇل اۋقىمدى جوبانىڭ جٷزەگە اسىرىلۋى قازاقستاننىڭ مەدەني ەرٸ رۋحاني ٶمٸرٸندەگٸ ماڭىزدى وقيعا ەكەنٸن اتادى.
«مەملەكەت باسشىسى قاسىم-جومارت توقاەۆ جولداۋىندا بٷگٸنگٸ جاس ۇرپاق دەستٷرلٸ قۇندىلىقتارمەن قاتار, جاڭاشىلدىق پەن جاسامپازدىقتى دا پاتريوتيزمنٸڭ باستى نەگٸزٸ رەتٸندە كٶرەتٸنٸن ايتقان بولاتىن. وسى تۇرعىدا جاڭا مۋزەي دەستٷر مەن جاڭاشىلدىقتى ۇشتاستىراتىن, قازاقستان مەن ورتالىق ازييا مەدەنيەتٸن شەتەلگە پاش ەتەتٸن الاڭعا اينالادى», – دەدٸ ايدا بالاەۆا.
جاڭا مەدەني وردا حالىق ٷشٸن 12 قىركٷيەكتەن باستاپ اشىلادى. مۋزەي 56 ملرد 160 ملن تەڭگە جەكە ينۆەستيتسييا ەسەبٸنەن بوي كٶتەرگەن. جالپى اۋماعى 10 060 شارشى مەتر بولاتىن قۇرىلىس ەكٸ قيىلىسقان عيماراتتان تۇرادى. بٸر مەزەتتە 500 قوناق قابىلداي الاتىن كەڭٸستٸك بريتاندىق سەۋلەتشٸلەردٸڭ جوباسىمەن جاسالىپ, تابيعات پەن قالا كٶرٸنٸستەرٸمەن ٷيلەسەدٸ. زاماناۋي تالاپتارعا ساي جابدىقتالعان عيمارات ٶنەر تۋىندىلارىن ساقتاۋعا, كٶرسەتۋگە جەنە قالپىنا كەلتٸرۋگە قاجەتتٸ بارلىق جابدىقپەن قامتىلعان.
كٶرمە زالدارى قازاقستاننىڭ مەدەني مۇراسى مەن تابيعي بايلىعىن دەرٸپتەۋمەن قاتار, قازاقستاندىق جەنە ەلەمدٸك زاماناۋي سۋرەتشٸلەردٸڭ تۋىندىلارىنا ارنالعان.
الماتى قالاسىنىڭ ەكٸمٸ دارحان ساتىبالدى قۇتتىقتاۋ سٶزٸندە بۇل مۋزەيدٸڭ اشىلۋىن قالانىڭ جان-جاقتى دامۋىنىڭ بەلگٸسٸ دەپ اتادى.
«الماتى – ەلٸمٸزدٸڭ مەدەني ورتالىعى. مۇنداي كەشەننٸڭ اشىلۋى – قالامىز ٷشٸن ەرەكشە وقيعا. بۇل جاستاردىڭ كرەاتيۆتٸ ويلاۋىن دامىتۋعا, ولاردىڭ مەدەنيەت سالاسىندا ٶزٸن سىناپ كٶرۋگە ىقپال ەتەدٸ. سونىمەن قاتار الماتىنىڭ تۋريستٸك جەنە ەكونوميكالىق ەلەۋەتٸن دە جاڭا دەڭگەيگە كٶتەرەدٸ», – دەدٸ قالا ەكٸمٸ.
مۋزەيدٸڭ نەگٸزٸن بەلگٸلٸ قازاقستاندىق كەسٸپكەر ەرٸ مەتسەنات نۇرلان سماعۇلوۆ قالاعان. ول ٶزٸنٸڭ جەكە قورىنان قازاقستان, ورتالىق ازييا جەنە ٶزگە دە ەل سۋرەتشٸلەرٸنٸڭ 700 تۋىندىسىن مۋزەيگە سىيعا تارتتى.
جاڭا ٶنەر ورداسى حالىقارالىق دەڭگەيدەگٸ جوبالاردى, ۋاقىت وزعان سايىن جاڭارىپ وتىراتىن كٶرمەلەردٸ, بٸلٸم بەرۋ باعدارلامالارىن, شەبەرلٸك دەرٸستەرٸن, كەسٸبي قور ساقتاۋ مەن رەستاۆراتسييا شەبەرحاناسىن, سونداي-اق كٸتاپحانانى قامتيتىن زاماناۋي مەدەني ورتالىق رەتٸندە قالىپتاسپاق.
كٶرٸكتەندٸرٸلگەن 5 000 شارشى مەترلٸك اۋماقتا اشىق اسپان استىنداعى مٷسٸندەر, سۋبۇرقاقتار مەن دەمالىس ورىندارى ورنالاسقان.
