ءۇش كۇنگە سوزىلاتىن اۋقىمدى مادەني ءىس-شارانى قازاقستان رەسپۋبليكاسى مادەنيەت جانە سپورت مينيسترلىگى، ۇلتتىق مەملەكەتتىك كىتاپ پالاتاسى جانە الماتى قالاسىنىڭ اكىمدىگى ۇيىمداستىرىپ وتىر. كىتاپ جارمەڭكەسىنە جاقىن شەت ەلدەن كەلەتىن باسپاگەرلەر مەن ارنايى دەلەگاسيا (قىرعىزستان، رەسەي)، وتاندىق 50-دەن استام باسپا مەكەمەسى مەن كىتاپ دۇكەنى قاتىسادى.
بۇگىنگى تاڭدا ەلىمىزدىڭ باسپا ءىسى سالاسى قارقىندى تۇردە دامىپ كەلەدى. جارمەڭكە اياسىندا جاڭا باعىتتا، زاماناۋي تەحنولوگيالارمەن شىققان كىتاپتاردىڭ تانىستىرىلىمى ءوتىپ، اۆتورلار، باسپاگەرلەر باس قوسادى.
«الماتى كىتاپ جارمەڭكەسىنىڭ» ماقساتى – باسپا مەكەمەلەرى مەن كىتاپ دۇكەندەرىنىڭ ساۋداسىن جانداندىرۋ، كىتاپ نارىعىنداعى تۇيتكىلدى ماسەلەلەردىڭ وڭ شەشىلۋىنە ۇلەس قوسىپ، كىتاپ مادەنيەتىنىڭ دامۋىنا سەرپىن بەرۋ؛ وقىرمان مەن اۆتور اراسىنداعى بايلانىستى نىعايتىپ، كىتاپ وقۋ مادەنيەتىن قالىپتاستىرۋ جولىندا دانەكەرلىك تانىتۋ جانە شەتەلدىك ارىپتەستەرمەن تاجىريبە الماسۋ الاڭىن ۇيىمداستىرۋ.
جارمەڭكە اياسىندا قالا تۇرعىندارى مەن قوناقتارى ىزدەگەن كىتابىن تاۋىپ قانا قويماي، ءتۇرلى مادەني ءىس-شارالاردىڭ كۋاسى بولادى. اقىندار، ولەڭگە تالاسى بار وقۋشىلار جىردان شاشۋ شاشىپ، وتاندىق ەسترادا مەرەكەلىك كونسەرت بەرەدى. قابىرعالى اقىن-جازۋشىلار كىتاپتارىنىڭ تۇساۋكەسەرىن جاساپ، قولتاڭبا بەرۋ ءراسىمىن وتكىزەدى.
قالامگەرلەردىڭ كوشىن باستايتىن جازۋشى روللان سەيسەنبايەۆ قولتاڭبا بەرۋمەن قاتار ساتىلىمنان تۇسكەن قاراجاتتى قايىرىمدىلىق قورىنا اۋدارۋدى كوزدەپ وتىر.
دەمەك، جارمەڭكەگە قاتىسىپ، قاجەتتى كىتابىن ساتىپ العان قالا تۇرعىندارى مەن قوناقتارى قايىرىمدى ىسكە دە مۇرىندىق بولا الادى.
قوناقتار مەن تۇرعىندار اراسىندا ءتۇرلى ينتەللەكتۋالدىق سۇراق-جاۋاپ ويىندارى ويناتىلىپ، جەڭىمپازدارعا كىتاپ تولى قورجىندار سىيعا بەرىلەدى. جارمەڭكەگە قاتىساتىن باسپا مەكەمەلەرى مەن كۇتىپ دۇكەندەرى وقۋشىلار، جاستار مەن مەن ستۋدەنتتەرگە باسپا ءونىمىن ارزان باعادا ساتىپ الۋعا ءتۇرلى جەڭىلدىكتەر جاسايدى.
ۇلتتىق مەملەكەتتىك كىتاپ پالاتاسىنداعى «سيرەك كىتاپتار مەن قولجازبالار مۇراجايىنىڭ» ەكسپوناتتارى دا جارمەڭكە اياسىندا كوپشىلىك نازارىنا ۇسىنىلادى. مۇندا الاش ارىستارىنىڭ، ۇلت قايراتكەرلەرىنىڭ ءحىح عاسىر سوڭى مەن حح عاسىر باسىندا جارىق كورگەن كىتاپتارىنىڭ تۇپنۇسقاسىمەن تانىسۋ مۇمكىندىگى قاراستىرىلعان.
ۇلت رۋحانياتىنىڭ ايتۋلى كۇندەرىندە باسپا ءىسى، كىتاپ ساۋداسى، جانە قازىرگى بالالار ادەبيەتىنىڭ دامۋ باعىتى جونىندە دوڭگەلەك ۇستەلدەر ءوتىپ، وسى سالانىڭ ماماندارى اتالعان ماسەلەنى جان-جاقتى تالقىلايدى.
كىتاپ جارمەڭكەسىنىڭ اشىلۋىنا قازاقستان رەسپۋبليكاسى مادەنيەت جانە سپورت ءمينيسترى اباەاۆ داۋرەن اسكەربەك ۇلى، الماتى قالاسىنىڭ اكىمى دوسايەۆ ەربولات اسقاربەك ۇلى، قازاقستان جازۋشىلار وداعى باسقارماسىنىڭ ءتوراعاسى ۇلىقبەك ەسداۋلەت جانە وزگە دە ادەبيەت، مادەنيەت سالاسىنىڭ كورنەكتى وكىلدەرى قاتىسادى.
ب ا ق وكىلدەرىنە قوسىمشا اقپارات: قازاقستان رەسپۋبليكاسىنىڭ ۇلتتىق مەملەكەتتىك كىتاپ پالاتاسى 8-727-397-61-15، 8 747 334 55 01، 8 707 829 2044
