"قاراسورا" جەدەل-الدىن الۋ ءىس-شاراسى اياسىندا الماتى قالالىق پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى "قازپوشتا" وكىلدەرىمەن بىرلەسىپ، پسيحوتروپتىق زاتتاردىڭ ءىرى پارتياسىن الۋعا كەلگەن ادامدى ۇستادى،- دەپ حابارلايدى Dalanews.kz.
تەكسەرۋ بارىسىندا پوشتا سالەمدەمەسىنىڭ ىشىنەن شامامەن 300 دانا كۇشتى اسەر ەتەتىن تابلەتكا تاركىلەندى. الدىن الا مالىمەت بويىنشا، بۇل پرەپارات شەتەلگە جونەلتىلمەك بولعان. الۋشى — 31 جاستاعى الماتى تۇرعىنى.
قازىرگى ۋاقىتتا كۇدىكتىگە قاتىستى سوتقا دەيىنگى تەرگەۋ جۇرگىزىلىپ جاتىر. پوليسەيلەر ونىڭ وزگە دە قىلمىستارعا قاتىسى بار-جوعىن انىقتاپ تەكسەرۋدە.
– پوليسيا ءۇشىن ەسىرتكى اينالىمىنا قارسى كۇرەس – نەگىزگى باسىمدىقتاردىڭ ءبىرى. ءبىز جەتكىزۋ ارنالارىنا توسقاۋىل قويىپ، پروفيلاكتيكالىق جۇمىستاردى تۇراقتى تۇردە جۇرگىزىپ كەلەمىز. بارشا ازاماتتاردى قىراعى بولۋعا، كۇماندى سالەمدەمەلەر مەن ۇسىنىستار تۋرالى دەرەۋ ىشكى ىستەر ورگاندارىنا "102" ءنومىرى ارقىلى حابارلاۋعا شاقىرامىن، – دەدى الماتى قالاسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى مۇرات جۇمابايەۆ.
