"Qarasora" jedel-aldyn alý is-sharasy aiasynda Almaty qalalyq politsiia departamentiniń esirtki qylmysyna qarsy is-qimyl basqarmasy qyzmetkerleri "Qazposhta" ókilderimen birlesip, psihotroptyq zattardyń iri partiiasyn alýǵa kelgen adamdy ustady,- dep habarlaidy Dalanews.kz.
Tekserý barysynda poshta sálemdemesiniń ishinen shamamen 300 dana kúshti áser etetin tabletka tárkilendi. Aldyn ala málimet boiynsha, bul preparat shetelge jóneltilmek bolǵan. Alýshy — 31 jastaǵy Almaty turǵyny.
Qazirgi ýaqytta kúdiktige qatysty sotqa deiingi tergeý júrgizilip jatyr. Politseiler onyń ózge de qylmystarǵa qatysy bar-joǵyn anyqtap tekserýde.
– Politsiia úshin esirtki ainalymyna qarsy kúres – negizgi basymdyqtardyń biri. Biz jetkizý arnalaryna tosqaýyl qoiyp, profilaktikalyq jumystardy turaqty túrde júrgizip kelemiz. Barsha azamattardy qyraǵy bolýǵa, kúmándi sálemdemeler men usynystar týraly dereý ishki ister organdaryna "102" nómiri arqyly habarlaýǵa shaqyramyn, – dedi Almaty qalasy PD esirtki qylmysyna qarsy is-qimyl basqarmasynyń bastyǵy Murat Jumabaev.
