كەسەل كەنەتتەن كەلگەندىكتەن ءبىراز ەلدى ەسەڭگىرەتتى. تۇڭعىش پرەزيدەنت نۇرسۇلتان نازاربايەۆ ءوزىنىڭ حالقىنا ۇندەۋىندە "ءبىز دۇلەي داۋىلدىڭ الدىندا تۇرمىز" دەگەن بولاتىن.
راسىمەن دە، دۇلەي داۋىل جەر ءجۇزىن شايقاپ جاتىر. دەنساۋلىقتى ويلاپ، باس ساۋعالاپ جۇرگەندە، ىندەت الەمدىك داعدارىستى دا الىپ كەلدى.
ەلىمىزدە توتەنشە جاعداي ورىن الىپ، كارانتين ەنگىزىلدى. بۇل رەتتە مەملەكەت باسشىسى قاسىم-جومارت توقايەۆ كارانتينن ۋاقىتىندا بيزنەس وكىلدەرىنىڭ ىسىنە ەشقانداي كەسىر تيمەۋ كەرەك دەپ اتاعان بولاتىن.
ەل باسىنا كۇن تۋعاندا ەرلەرىمىز قاراپ وتىرماسى انىق. سول سياقتى الماتى وبلىسىنىڭ بەلسەندى ازاماتتارى ەل پرەزيدەنتىنىڭ سىن ساعاتتا قابىلداعان شەشىمىنە قولداۋ تانىتۋدا.
سولاردىڭ قاتارىندا وبلىستىق ارداگەرلەر كەڭەسىنىڭ مۇشەسى، الماتى وبلىسىنىڭ قۇرمەتتى ازاماتى ناۋرىز قىلىشباي ۇلى دا بار.
«كۇشىمىز بىرلىكتە». ۇلتتىڭ باسىنا تونگەن ءقاۋىپتى ەل بولىپ ەڭسەرەمىز. «ساۋساق بىرىكپەي ينە ىلىكپەيدى» دەگەن قازاقتا ءتامسىل بار. قازاق ءار قاشان تاتۋلىعىمەن تاۋ قوپارىپ، تۋىن كوككە كوتەرگەن. ەل بىرلىگى سىنالعان ساتتە سىرت قالمايىق». دەگەن پىكىردە ەلباسقارعان ازامات. ۇلتتىڭ ۇلانىنىڭ ءسوزىنىڭ جانى بار. ىمىرالاستىق پەن ەلگە دەگەن قۇرمەت قانا قانداي جاعدايدان بولماسىن جول تابۋعا ىقپال ەتەدى. ءبىز بىرلىگىمىز جاراسقان ۇلتپىز!.
ەلدىڭ ۇرەيىن العان ينفەكسيا الەمدىك داعدارىستىڭ ورىن الۋىنا سەبەپشى بولىپ وتىر. ءبىراق بۇل دا ۋاقىتشا، «تار جول، تايعاق كەشۋدە» تابانداپ ءجۇرىپ اياعىنان تىك تۇرعان تاۋەلسىز مەملەكەت ءۇشىن سىرعىپ وتەر سىناقتى ەڭسەرۋ قيىنعا سوقپايدى.
وسى تۇرعىدا قوعامدىق كەڭەستىڭ ءتوراعاسى تويبايەۆ ءاليحان مىرزا ەلدەگى جاعدايعا قاتىستى ءوز ويىمەن بولىسۋدە.
«حالقىمىز نەبىر سۇراپىل كەزەڭدى باستان وتكەردى. ءبىز بوزداقتارىمىزدان بوزارىپ اتقان اق تاڭدا ايىرلۋدىڭ نە ەكەنىن كوزبەن كورگەن حالىقپىز. بۇعان دەيىندە سوڭعى جيىرما جىلدىققا كوز جۇگىرتسەك، نە ءبىر ىندەتتەرگە توسقاۋىل قويا بىلدىك. ەل داعادرىسقا ۇشىراعاندا قاناتىمىزدى قومداپ قايتا ۇشتىق.
قاراپ تۇرساق، ءار ءبىر مەملەكەتكە ءقاۋىپ توندىرگەن وقيعالاردان كەيىن قۇلدىراماي، قادامىمىزدى نىق باستىق. داۋرىعۋعا نەگىز جوق. كەرىسىنشە بۇل دا قازاقتىڭ قايتا ەرىنە قونىپ، قىران قۇس قانا باعىندىرار ءبىر بەلەسكە شىعۋىنا تۇرتكى بولار جايىت دەپ قابىلداعان ابزال. جاڭا كەزەڭ باستالعالى تۇر. جەڭىستەر كوپ بولسىن!» دەگەن پايىمدى كوزقاراسىن بىلدىرۋدە.
شىنىمەن دە تۇتاس ۇلتتى قاي جاعىنان بولماسىن شىنىقتىراتىن شارا عوي. شارشاماي العا قادام جاساساق جەتكىلىكتى.
انار سابىروۆا
