Kesel kenetten kelgendikten biraz eldi eseńgiretti. Tuńǵysh Prezident Nursultan Nazarbaev óziniń halqyna úndeýinde "biz dúlei daýyldyń aldynda turmyz" degen bolatyn.
Rasymen de, dúlei daýyl jer júzin shaiqap jatyr. Densaýlyqty oilap, bas saýǵalap júrgende, indet álemdik daǵdarysty da alyp keldi.
Elimizde tótenshe jaǵdai oryn alyp, karantin engizildi. Bul rette memleket basshysy Qasym-Jomart Toqaev karantinn ýaqytynda biznes ókilderiniń isine eshqandai kesir timeý kerek dep ataǵan bolatyn.
El basyna kún týǵanda erlerimiz qarap otyrmasy anyq. Sol siiaqty Almaty oblysynyń belsendi azamattary el Prezidentiniń syn saǵatta qabyldaǵan sheshimine qoldaý tanytýda.
Solardyń qatarynda Oblystyq ardagerler keńesiniń múshesi, Almaty oblysynyń qurmetti azamaty Naýryz Qylyshbaiuly da bar.
«Kúshimiz birlikte». Ulttyń basyna tóngen qaýipti el bolyp eńseremiz. «Saýsaq birikpei ine ilikpeidi» degen qazaqta támsil bar. Qazaq ár qashan tatýlyǵymen taý qoparyp, týyn kókke kótergen. El birligi synalǵan sátte syrt qalmaiyq». Degen pikirde elbasqarǵan azamat. Ulttyń ulanynyń sóziniń jany bar. Ymyralastyq pen elge degen qurmet qana qandai jaǵdaidan bolmasyn jol tabýǵa yqpal etedi. Biz birligimiz jarasqan ultpyz!.
Eldiń úreiin alǵan infektsiia álemdik daǵdarystyń oryn alýyna sebepshi bolyp otyr. Biraq bul da ýaqytsha, «tar jol, taiǵaq keshýde» tabandap júrip aiaǵynan tik turǵan táýelsiz memleket úshin syrǵyp óter synaqty eńserý qiynǵa soqpaidy.
Osy turǵyda Qoǵamdyq keńestiń tóraǵasy Toibaev Álihan myrza eldegi jaǵdaiǵa qatysty óz oiymen bólisýde.
«Halqymyz nebir surapyl kezeńdi bastan ótkerdi. Biz bozdaqtarymyzdan bozaryp atqan aq tańda aiyrlýdyń ne ekenin kózben kórgen halyqpyz. Buǵan deiinde sońǵy jiyrma jyldyqqa kóz júgirtsek, ne bir indetterge tosqaýyl qoia bildik. El daǵadrysqa ushyraǵanda qanatymyzdy qomdap qaita ushtyq.
Qarap tursaq, ár bir memleketke qaýip tóndirgen oqiǵalardan keiin quldyramai, qadamymyzdy nyq bastyq. Daýryǵýǵa negiz joq. Kerisinshe bul da qazaqtyń qaita erine qonyp, qyran qus qana baǵyndyrar bir beleske shyǵýyna túrtki bolar jaiyt dep qabyldaǵan abzal. Jańa kezeń bastalǵaly tur. Jeńister kóp bolsyn!» degen paiymdy kózqarasyn bildirýde.
Shynymen de tutas ultty qai jaǵynan bolmasyn shynyqtyratyn shara ǵoi. Sharshamai alǵa qadam jasasaq jetkilikti.
Anar SABYROVA
