[caption id="attachment_18194" align="alignright" width="194"]
قۇديار ءبىلال[/caption]
ءارۋاق ادامدى قولداي ما؟ ءيا، قولدايدى. ناقتىلاپ ايتساق، اللا ادامدى تەك ءارۋاق ارقىلى قولدايدى. ءبىز سول ءۇشىن دە كاليما شاھاداتتىڭ «مۇحاممەد ونىڭ ق ۇلى، ءارى ەلشىسى» دەگەن ەكىنشى سىڭارىن ايتامىز. بارلىق پايعامبارلار، اۋليە-امبيەلەر وسى «قۋات يەسى» رەتىندە ارەكەت ەتەدى. بۇل – اللانىڭ راقىمى. ونىڭ سولاي ەكەندىگى ادام اتا قيسساسىنان باستاۋ الادى. ەسكە ءتۇسىرىپ كورەيىك.
ادام پەيىشتەن قۋىلادى. اللاعا 300 جىل جالبارىنىپ، ءمىناجات ەتەدى. اللا ونىڭ دۇعا-تىلەگىن قابىل ەتپەيدى. سەبەبى... ادامعا تەك ءارۋاق قورعان بولاتىنى وسى جەردە ءمالىم بولادى. ءمان بەرگەن ءجون. ءبىز دە قىسىلعان كەزدەردە اتامىز ادام سياقتى اللاعا الاقان جايىپ، دۇعا جاسايمىز. ءبىراق اتامىز دۇعاسىنىڭ قالاي قابىل بولعانىنا جەتە ءمان بەرە بەرمەيمىز. قابىل بولۋ ءۇشىن... ءيا. ءارۋاق مۇمكىندىگىن ىسكە قوسۋ قاجەت. ول مۇمكىندىك كىلتى سونىڭ «يەسى» ەسىمىن دۇعاعا قوسۋ ارقىلى اشىلادى.
ادام اتا تىلەگى پايعامبارىمىز ەسىمىن ءوز دۇعاسىنا دانەكەر ەتۋ ارقىلى قابىل بولدى. ءمان بەرگەن ءجون. بۇل دۇعادان الىناتىن تاعىلىم – ءارۋاق الەمى پايعامبارىمىزدىڭ «قۇلدىق قىزمەتىندە» تۇرعاندىعىن تۇيسىنۋدە. ول – ماڭگىلىك قىزمەت. ءبىزدىڭ اتا-بابالارىمىز سول قىزمەتتى اۋليە-امبيەلەر ەسىمىن ءوز دۇعالارىنا قوسۋ ارقىلى پايدالانا العان. ەسىمدەرى اڭىزعا اينالعان باتىرلارىمىز «ءارۋاق!» دەپ اتوي سالعاندا سول الاپات قۋات (ءدىني تىلدە ول «اللانىڭ اسكەرى» دەلىنەدى) مايدانعا شىعادى. قازاق باتىرلارىنىڭ جاۋعا جالعىز شابا بەرەتىنى سوندىقتان.
ەندى جوعارىدا ايتقانىمىزعا قايتا ويىسايىق. ءبىز اللاعا دۇعا جاساپ كەتىرۋىن سۇراپ جاتقان باسىمىزعا تۇسكەن قيىندىقتاردىڭ يەسى – اللا. سوندا اللا ونى بىزگە وزىنە جالبارىندىرۋ ءۇشىن جىبەرسە، ول ءبىر جاعى ماجبۇرلىلىك بولىپ شىقپاي ما؟! الدە اللا ونىڭ بىزگە قيىن بولاتىنىن «بىلمەي قالدى» دەپ تۇسىنەمىز بە؟ جوق. بۇل اللاعا يمان كەلتىرۋدىڭ ءمانى. اللا قاي نارسەنى دە ءوزى جىبەرەدى جانە ءارۋاق ارقىلى «ءوزى» قورعايدى. سونى بىلگەن ءبىزدىڭ اتالارىمىز كەيىنگى «ءوزدى»، ياعني ءارۋاقتى «ول – قۇداي ەمەس، قۇدايدان بىلاي ەمەس» دەپ قابىلداعان. سونى تۇسىنگەن ادامدار «اللادان باسقا ءتاڭىر جوق، مۇحاممەد ونىڭ ق ۇلى، ءارى ەلشىسى» دەپ يمان كەلتىرەدى.
اۆتوردىڭ رۇقساتىمەن كوشىرىلىپ باسىلدى.
