سيريادا سوعىسىپ جۇرگەن اقتوبەلىك جىگىت سىرتتاي قاماۋعا الىندى. 25 جاستاعى رۋسلان قۋانوۆ وسىدان ءۇش جىل بۇرىن مىسىرعا ارابشا ۇيرەنىپ، ءدىني ءبىلىم الۋعا كەتتىم دەپ تۋىستارىن الداعان. ءبىراق قاي ۋنيۆەرسيتەتتە وقىپ جۇرگەنىن ايتپاپتى.
كتك ارناسىنىڭ حابارلاۋىنشا كەيىن بەلگىلى بولعانداي رۋسلان سيرياداعى سودىرلاردىڭ قاتارىنا قوسىلعان.
ونىمەن قويماي، الەۋمەتتىك جەلىلەر ارقىلى ەلىمىزدەگى تانىستارىن قارۋلى قاقتىعىسقا قاتىسۋعا شاقىرىپتى. ءقازىر قۋانوۆقا حالىقارالىق ىزدەۋ جاريالاندى.
ۇستالعان جاعدايدا سوتقا سۇيرەپ جۇرمەس ءۇشىن تەرگەۋشىلەر الدىن الا سانكسيا الۋدى ءجون ساناعان. ول ءۇشىن قالالىق سوتقا ءوتىنىش ءتۇسىرىپ، سىرتتاي شەشىم شىعارىپ بەردى.
انار ايتجانوۆا، اقتوبە وبلىستىق سوتىنىڭ باسپا ءسوز حاتشىسى:
-قۋانۆوقا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرۋ تۋرالى ءوتىنىش قاناعاتتاندىرىلىپ، ۇستالعان كۇننەن باستاپ ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلدى.
