Sırıada soǵysyp júrgen aqtóbelik jigit syrttaı qamaýǵa alyndy. 25 jastaǵy Rýslan Qýanov osydan úsh jyl buryn Mysyrǵa arabsha úırenip, dinı bilim alýǵa kettim dep týystaryn aldaǵan. Biraq qaı ýnıversıtette oqyp júrgenin aıtpapty.
KTK arnasynyń habarlaýynsha keıin belgili bolǵandaı Rýslan Sırıadaǵy sodyrlardyń qataryna qosylǵan.
Onymen qoımaı, áleýmettik jeliler arqyly elimizdegi tanystaryn qarýly qaqtyǵysqa qatysýǵa shaqyrypty. Qazir Qýanovqa halyqaralyq izdeý jarıalandy.
Ustalǵan jaǵdaıda sotqa súırep júrmes úshin tergeýshiler aldyn ala sanksıa alýdy jón sanaǵan. Ol úshin qalalyq sotqa ótinish túsirip, syrttaı sheshim shyǵaryp berdi.
Anar Aıtjanova, Aqtóbe oblystyq sotynyń baspasóz hatshysy:
-Qýanvoqa qatysty kúzetpen ustaý túrindegi bultartpaý sharasyna sanksıa berý týraly ótinish qanaǵattandyrylyp, ustalǵan kúnnen bastap eki aı merzimge kúzetpen ustaý túrindegi bultartpaý sharasyna sanksıa berildi.
