مەملەكەت باسشىسىنىڭ تاپسىرماسى بويىنشا تج ەنگىزىلۋىنە بايلانىستى  ەڭ تومەنگى ءبىر ايلىق جالاقى مولشەرىندە الەۋمەتتىك تولەم بەرىلۋ تۋرالى شەشىم قابىلداندى.  بۇگىندە 42  500 تەڭگە كولەمىندە الەۋمەتتىك كومەك العانداردىڭ سانى كۇن سايىن ارتىپ كەلەدى.

قارجى كومەگىن توتەنشە جاعداي كەزىندە بۇرىن رەسمي جۇمىس ىستەگەن ادامدار عانا ەمەس، ءوزىن-وزى جۇمىسپەن قامتىعاندار دا الۋدا.

الماتى وبلىسى بويىنشا  42  500 تەڭگە كولەمىندە الەۋمەتتىك كومەككە 574 مىڭنان استام ادام ءوتىنىش بەرگەن. 354 مىڭنان استام تۇرعىنعا الەۋمەتتىك تولەم تاعايىندالىپ، 252 مىڭ ادامعا تولەنگەن.

قازىرگى تاڭدا ءوتىنىش بەرۋ تەتىگى بارىنشا جەڭىلدەتىلگەن: ەشقايدا بارۋدىڭ قاجەتى جوق، ازاماتتاردىڭ ىڭعايلىلىعى ءۇشىن ءوتىنىشتى تەك ەلەكتروندى فورماتتا بەرۋگە بولادى.

الماتى وبلىسىنىڭ تۇرعىندارى الەۋمەتتىك تولەمدەر الۋعا ءوتىنىش بەرە الادى:

- "ەلەكتروندىق ۇكىمەت" ۆەب-پورتالى ارقىلى»؛

- سايت ارقىلى 42500 Enbek.kz ؛

ء-اربىر وڭىرگە ازىرلەنگەن بوت جۇمىس جاسايدى. ماسەلەن، https//t.me/ AlmaObl42500Bot الماتى وبلىسىنا تيەسىلى.

"توتەنشە جاعداي رەجيمىن ەنگىزۋ ناتيجەسىندە ءوز تابىستارىن جوعالتقان ازاماتتار 42 500 تەڭگە مولشەرىندە الەۋمەتتىك تولەم الۋشىلار قاتارىنا جاتادى.  سوندىقتان مۇنداي ازاماتتار ءوتىنىش بەرۋگە قۇقىلى.

ەگەر ازاماتتاردىڭ تج رەجيمى ەنگىزىلگەنگە دەيىن جۇمىس ىستەمەگەن جانە قانداي دا ءبىر تابىس الماعان بولسا، وندا بۇل ازاماتتار ءۇشىن بۇل تولەم بەرىلمەيدى"، – دەپ حابارلادى الماتى وبلىسى بويىنشا جۇمىسپەن قامتۋدى ۇيلەستىرۋ جانە  الەۋمەتتىك باعدارلامالار باسقارماسى باستىعىنىڭ ورىنباسارى باقىت توقتار قىزى.

ازاماتتار 42 500 تەڭگە كولەمىندە كومەك العان كەزدە ەشقانداي الەۋمەتتىك اۋدارىمدار، زەينەتاقى جارنالارى، نەسيەلەر ءۇشىن قارىزدار، كوممۋنالدىق قىزمەتتەر جانە ت. ب. ۇستالىنبايدى.

انار سابىروۆا