Qarjy kómegin tótenshe jaǵdai kezinde buryn resmi jumys istegen adamdar ǵana emes, ózin-ózi jumyspen qamtyǵandar da alýda.
Almaty oblysy boiynsha 42 500 teńge kóleminde áleýmettik kómekke 574 myńnan astam adam ótinish bergen. 354 myńnan astam turǵynǵa áleýmettik tólem taǵaiyndalyp, 252 myń adamǵa tólengen.
Qazirgi tańda ótinish berý tetigi barynsha jeńildetilgen: eshqaida barýdyń qajeti joq, azamattardyń yńǵailylyǵy úshin ótinishti tek elektrondy formatta berýge bolady.
Almaty oblysynyń turǵyndary áleýmettik tólemder alýǵa ótinish bere alady:
- "Elektrondyq úkimet" veb-portaly arqyly»;
- sait arqyly 42500 Enbek.kz ;
-árbir óńirge ázirlengen bot jumys jasaidy. Máselen, https//t.me/ AlmaObl42500Bot Almaty oblysyna tiesili.
"Tótenshe jaǵdai rejimin engizý nátijesinde óz tabystaryn joǵaltqan azamattar 42 500 teńge mólsherinde áleýmettik tólem alýshylar qataryna jatady. Sondyqtan mundai azamattar ótinish berýge quqyly.
Eger azamattardyń TJ rejimi engizilgenge deiin jumys istemegen jáne qandai da bir tabys almaǵan bolsa, onda bul azamattar úshin bul tólem berilmeidi", – dep habarlady Almaty oblysy boiynsha jumyspen qamtýdy úilestirý jáne áleýmettik baǵdarlamalar basqarmasy bastyǵynyń orynbasary Baqyt Toqtarqyzy.
Azamattar 42 500 teńge kóleminde kómek alǵan kezde eshqandai áleýmettik aýdarymdar, zeinetaqy jarnalary, nesieler úshin qaryzdar, kommýnaldyq qyzmetter jáne t. b. ustalynbaidy.
Anar SABYROVA
