بەلگىلى زاڭگەر مەيىرمان شەكەيەۆ الەۋمەتتىك جەلىدەگى پاراقشاسىندا قۋانىشتى حاباردى جەتكىزدى، دەپ حابارلايدى Dalanews.kz.
زاڭگەردىڭ سوزىنشە، رەسەي ارقىلى ۋكرايناعا كەتپەك بولعان 25 بالا تۋعان جەرىنە ورالىپ، اتا-انالارىمەن قاۋىشقان.
“قانشاما ۇيقىسىز وتكەن اتا-انالاردىڭ سونگەن ءۇمىتىن تىنىمسىز ەڭبەكتىڭ ارقاسىندا قايتا جاعىپ، قۋانىشتارىن كورۋ مەن ءۇشىن ەڭ ۇلكەن باقىت! اتا-انانىڭ العىسىنان اسقان ماراپات جوق. ارنايى تالدىقورعاننان جانە جان-جاقتان كەلگەن اتا-انالاردىڭ العىس ءبىلدىرۋى – ءبىز ءۇشىن ەڭ ۇلكەن قۇرمەت. تۋىسىمداي بولىپ كەتكەن بۇل اتا-انالاردىڭ داستارحانى بۇدان بىلاي تەك جاقسىلىققا جايىلسىن دەپ تىلەيىك. ءاربىر انا تەك قۋانىشقا جىلاسىن"، – دەپ جازدى ول.
ەسكە سالايىق، بۇعان دەيىن رەسەي مەن ۋكراينا اراسىنداعى قاقتىعىستا تەك ەكى ەلدىڭ ەمەس، ءۇشىنشى مەملەكەتتەردىڭ دە ازاماتتارى جۇرگەنى تۋرالى جازعان ەدىك.
سوعىستا قانشا قازاقستاندىق ءجۇر؟
رەسمي دەرەكتەر بويىنشا، 2022 جىلدان باستاپ ۋكراينادا ءجۇرىپ جاتقان سوعىسقا قاتىسقانى ءۇشىن 30-دان استام قازاقستان ازاماتى انىقتالعان. بۇل — ناقتى تىركەلگەندەر عانا. ساراپشىلار بۇل سان ودان الدەقايدا جوعارى بولۋى مۇمكىن ەكەنىن جوققا شىعارمايدى.
ق ر باس پروكۋراتۋراسى مەن ۇلتتىق قاۋىپسىزدىك كوميتەتىنىڭ دەرەكتەرى بويىنشا، قازاقستاندىقتاردىڭ باسىم بولىگى رەسەي تاراپىندا جالدامالى نەمەسە ەرىكتى رەتىندە سوعىسقا قاتىسۋدا. الايدا ۋكراينا جاعىندا جۇرگەندەر دە كەزدەسەدى. ماسەلەن، 2023 جىلى ۋكراينا قارۋلى كۇشتەرى جاعىندا ەرىكتى رەتىندە سوعىسقان ءبىر قازاقستاندىقتىڭ ەلگە ورالىپ، جاۋاپقا تارتىلعانى بەلگىلى بولدى.
سونىمەن قاتار، "ءومىر سۇرگىم كەلەدى" جوباسى رەسەي اسكەرىنىڭ قاتارىندا ۋكرايناداعى سوعىسقا قاتىسىپ جۇرگەن قازاقستاندىقتاردىڭ ءتىزىمىن جاريالاعان ەدى. جوبا مالىمەتىنشە، سوعىسقا 600-دەن استام قازاقستاندىق اتتانعان. تىزىمدە 264 ادامنىڭ ءاتى-جونى كورسەتىلگەن، ولاردىڭ اراسىندا قازاق ازاماتتارى دا بار.
زاڭ نە دەيدى؟
قازاقستان زاڭناماسى بويىنشا، شەت مەملەكەتتەردىڭ اۋماعىنداعى قارۋلى قاقتىعىستارعا قاتىسۋ قىلمىستىق جاۋاپكەرشىلىككە جاتادى. بۇل ق ر قىلمىستىق كودەكسىنىڭ 172-بابى بويىنشا رەتتەلەدى:
- 172-باپ، 1-بولىك: شەت مەملەكەت اۋماعىندا جالدامالى رەتىندە سوعىسقا قاتىسقاندار — 5 جىلدان 9 جىلعا دەيىن باس بوستاندىعىنان ايىرىلادى.
- ەگەر بۇل ءىس ۇيىمداسقان توپ قۇرامىندا نەمەسە بىرنەشە رەت جاسالسا — 10 جىلدان 15 جىلعا دەيىن باس بوستاندىعىنان ايىرۋ قاراستىرىلعان.
2023 جىلى قىرعىزستاندا بىرنەشە ازامات جالدامالىلار قاتارىنا قوسىلعانى ءۇشىن سوتتالعان. قازاقستاندا دا وسىعان ۇقساس جاعدايلار تىركەلىپ وتىر: كەم دەگەندە 8 ادام جاۋاپقا تارتىلعان. ولار ۋكرايناداعى سوعىس ايماعىنان ەلگە ورالعان ساتتە ۇستالعان.
