تەمٸرتاۋدا جەكەمەنشٸك سەكتورداعى 26 ٷي بٸر اپتاعا جۋىق جىلۋسىز جەنە سۋسىز وتىر. اپاتتان كەيٸن جەرگٸلٸكتٸ بيلٸك تۇرعىندارعا جىلۋ جەلٸسٸن قالپىنا كەلتٸرۋدٸڭ ورنىنا گازعا جەدەل قوسىلۋدى ۇسىنىپ, ونى بەس جىلعا پايىزسىز بٶلٸپ تٶلەۋ تەتٸگٸن جارييالادى, دەپ حابارلايدى Dala news.
قالا ەكٸمدٸگٸنٸڭ مەلٸمەتٸنشە, جىلۋ تراسساسىن بيۋدجەت ەسەبٸنەن جٶندەۋ مٷمكٸن بولعانىمەن, جەلٸ ٶتەتٸن جەر تەلٸمٸ جەكەمەنشٸككە تيەسٸلٸ. قۇجات رەسٸمدەۋ ۇزاققا سوزىلاتىندىقتان, بيلٸك «ەڭ جەدەل ەرٸ سەنٸمدٸ جول» رەتٸندە گازبەن جىلىتۋعا كٶشۋدٸ ۇسىنعان. اۋدانعا گاز قۇبىرى تارتىلعان, ەندٸ تەك ٷيلەردٸ قوسۋ قاجەت.
تۇرعىندارمەن ٶتكەن كەزدەسۋدەن كەيٸن تكش جاڭعىرتۋ ورتالىعى ارقىلى كەلٸسٸم بەرگەندەرگە گازعا قوسىلۋ شىعىنىن بەس جىلعا پايىزسىز بٶلٸپ تٶلەۋ ۇسىنىلعان. الايدا تۇرعىنداردىڭ ايتۋىنشا, بٸر ٷيگە شامامەن 1 ملن تەڭگە شىعىن شىعادى.
اپات ٶتكەن اپتادا 1-شٸ كولتسەۆايا كٶشەسٸندەگٸ جىلۋ ماگيسترالٸندە بولعان. تۇرعىندار اقاۋدى ٶز كٷشتەرٸمەن جٶندەۋگە تىرىسقانىمەن, نەتيجە بولماعان. قازٸر ولار بالاماسىز جاعدايدا گازعا كٶشۋگە مەجبٷر.
بۇل – بيىل تەمٸرتاۋداعى العاشقى تٶتەنشە جاعداي ەمەس. قالاداعى توزعان جىلۋ جەنە سۋ جەلٸلەرٸ سالدارىنان ەرتٷرلٸ اۋدانداردا ايازدى كٷندەرٸ تۇرعىندار بٸرنەشە رەت جىلۋسىز قالعان. ينفراقۇرىلىمنىڭ ەسكٸرۋٸ مەسەلەسٸ تاعى دا ٶتكٸر كٶتەرٸلٸپ وتىر.
