الماتىدا مەكتەپتەرگە قاتىستى ٷرەي تۋدىراتىن جازبا جارييالاعان جاسٶسپٸرٸم انىقتالدى, دەپ حابارلايدى Dalanews.kz.
قالالىق پوليتسييا دەپارتامەنتٸنٸڭ اقپاراتىنشا, 10 جەلتوقسان كٷنٸ ەلەۋمەتتٸك جەلٸدە قارۋ بەينەلەنگەن سۋرەتپەن بٸرگە بٸلٸم بەرۋ ۇيىمدارىنا قاۋٸپ تٶندٸرەتٸن مازمۇنداعى جازبا جارييالانعان. اتالعان اقپارات قوعامدا الاڭداۋشىلىق تۋعىزىپ, پوليتسييا تاراپىنان جەدەل تەكسەرٸس باستالعان.
كيبەرقىلمىسقا قارسى كٷرەس باسقارماسىنىڭ قىزمەتكەرلەرٸ جەدەل ٸس-شارالار جٷرگٸزٸپ, قىسقا ۋاقىت ٸشٸندە جازبانىڭ اۆتورىن انىقتادى. بەلگٸلٸ بولعانداي, ول ناۋرىزباي اۋدانىندا ورنالاسقان №207 مەكتەپتٸڭ 8-سىنىبىندا وقيتىن كەمەلەتكە تولماعان وقۋشى بولىپ شىقتى.
جاسٶسپٸرٸم پوليتسييا بٶلٸمشەسٸنە جەتكٸزٸلٸپ, ونىمەن پروفيلاكتيكالىق ەڭگٸمە ٶتكٸزٸلدٸ. سونىمەن قاتار بالانىڭ اتا-اناسى بالا تەربيەسٸنە نەمقۇرايلى قاراعانى ٷشٸن ەكٸمشٸلٸك جاۋاپكەرشٸلٸككە تارتىلدى.
الماتى قالالىق پوليتسييا دەپارتامەنتٸ مۇنداي سيپاتتاعى كەز كەلگەن اقپاراتتىڭ زاڭ اياسىندا قاتاڭ باعالاناتىنىن ەسكەرتتٸ. قۇزىرلى ورگان ٶكٸلدەرٸ قاۋٸپ تٶندٸرەتٸن جازبالار قوعام قاۋٸپسٸزدٸگٸنە ناقتى قاتەر تۋعىزاتىنىن جەنە جەدەل قىزمەتتەردٸڭ جۇمىسىنا كەدەرگٸ كەلتٸرەتٸنٸن اتاپ ٶتتٸ. وسىعان بايلانىستى اتا-انالارعا بالالاردىڭ ينتەرنەتتەگٸ بەلسەندٸلٸگٸن باقىلاپ, تسيفرلىق قاۋٸپسٸزدٸككە ەرەكشە نازار اۋدارۋ قاجەتتٸگٸ تاعى بٸر مەرتە ەسكەرتٸلدٸ.
