2026 جىلعى 2 ناۋرىزدا جەتىسۋ ۋنيۆەرسيتەتىنە يتاليان ءتىلىنىڭ وقىتۋشىسى الەسساندرو گراسسي جانە Letteratè يتاليان ءتىلىن مەڭگەرۋ ورتالىعىنىڭ ديرەكتورى ليۋبوۆ گراسسي رەسمي ىسساپارمەن كەلدى، دەپ حابارلايدى Dalanews.kz.
وقىتۋشىلار ۋنيۆەرسيتەت باسشىلىعىمەن ماركە پوليتەحنيكالىق ۋنيۆەرسيتەتى فيليالىنىڭ ستۋدەنتتەرى مەن وقىتۋشىلارىن يتاليان تىلىنە ۇيرەتۋ جۇمىسىن دامىتۋ جانە بولاشاقتا ءوزارا ىنتىماقتاستىقتى نىعايتۋ ماسەلەلەرىن تالقىلادى.
سونداي-اق، كەزدەسۋ بارىسىندا الەسساندرو گراسسي كۋرسقا قاتىسۋشى ستۋدەنتتەر مەن وقىتۋشىلارعا ينتەربەلسەندى ساباقتار وتكىزىپ، يتاليان ءتىلىن پراكتيكادا قولدانۋ ەرەكشەلىكتەرىن ءتۇسىندىردى.
ايتا كەتەيىك، اتالعان يتاليان ءتىلى كۋرسى 2025 جىلعى 12 جەلتوقساندا باستالعان. قازىرگى ۋاقىتتا كۋرس ونلاين جانە وفلاين فورماتتا جۇرگىزىلۋدە.
